shrIrAghaveMdrastotram
|| atha shrIrAghaveMdrastotram ||
shrIpUrNabodhagurutIrthapayobdhipArA
kAmArimAkShaviShamAkShashira:spRRishaMtI |
pUrvottarAmitataraMgacharatsuhaMsA 
devAlisevitaparAMghripayojalagnA ||1|| 
jIveshabhedaguNapUrtijagatsusattva- 
nIchochchabhAvamukhanakragaNai: sametA |
durvAdyajApatigilairgururAghaveMdra-
vAgdevatAsaridamuM vimalIkarotu ||2||
shrIrAghaveMdra: sakalapradAtA 
svapAdakaMjadvayabhaktimadbhya: |
aghAdrisaMbhedanadRRiShTivajra: 
kShamAsureMdro.avatu mAM sadA.ayam ||3||
shrIrAghaveMdro haripAdakaMja-
niShevaNAllabdhasamastasaMpat | 
devasvabhAvo divijadrumo.aya-
miShTaprado me satataM sa bhUyAt ||4||
bhavyasvarUpo bhavadu:khatUla-
saMghAgnicharya: sukhadhairyashAlI |
samastaduShTagrahanigrahesho 
duratyayopaplavasiMdhusetu: ||5||
nirastadoSho niravadyaveSha: 
pratyarthimUkatvanidAnabhASha: |
vidvatparij~neyamahAvisheSho 
vAgvaikharInirjitabhavyasheSha: ||6||
saMtAnasaMpatparishuddhabhakti-
vij~nAnavAgdehasupATavAdIn | 
datvA sharIrotthasamastadoShAn 
hatvA sa no.avyAdgururAghaveMdra: ||7||
yatpAdodakasaMchaya: suranadImukhyApagAsAditA-
saMkhyAnuttamapuNyasaMghavilasatprakhyAtapuNyAvaha: |
dustApatrayanAshano bhuvi mahAvaMdhyAsuputraprado
vyaMgasvaMgasamRRiddhido grahamahApApApahastaM shraye ||8||
yatpAdakaMjarajasA paribhUShitAMgA 
yatpAdapadmamadhupAyitamAnasA ye |
yatpAdapadmaparikIrtanajIrNavAchaH
taddarshanaM duritakAnanadAvabhUtam ||9||
sarvataMtrasvataMtro.asau shrImadhvamatavardhana: |
vijayIMdrakarAbjotthasudhIMdravaraputraka: ||10||
shrIrAghaveMdro yatirAT gururme syAd bhayApaha: | 
j~nAnabhaktisuputrAyuryasha:shrIpuNyavardhana: ||11||
prativAdijayasvAMtabhedachihnAdaro guru: | 
sarvavidyApravINo.anyo rAghaveMdrAnna vidyate ||12||
aparokShIkRRitashrIsha: samupekShitabhAvaja: | 
apekShitapradAtA.anyo rAghaveMdrAnna vidyate ||13||
dayAdAkShiNyavairAgyavAkpATavamukhAMkita: | 
shApAnugrahashakto.anyo rAghaveMdrAnna vidyate ||14||
aj~nAnavismRRitibhrAMtisaMshayApasmRRitikShayA: | 
taMdrAkaMpavacha:kauMThyamukhA ye cheMdriyodbhavA: ||15||
doShAste nAshamAyAMti rAghaveMdraprasAdata: | 
‘‘shrIrAghaveMdrAya nama: ’’ ityaShTAkSharamaMtrata: ||16||
japitAdbhAvitAnnityamiShTArthA: syurna saMshaya: |
haMtu na: kAyajAn doShAnAtmAtmIyasamudbhavAn ||17||
sarvAnapi pumarthAMshcha dadAtu gururAtmavit |
iti kAlatraye nityaM prArthanAM ya: karoti sa: ||18||
ihAmutrAptasarveShTo modate nAtra saMshaya: |
agamyamahimA loke rAghaveMdro mahAyashA: ||19||
shrImadhvamatadugdhAbdhichaMdro.avatu sadA.anagha: |
sarvayAtrAphalAvAptyai yathAshakti pradakShiNam ||20||
karomi tava siddhasya vRRiMdAvanagataM jalam |
shirasA dhArayAmyadya sarvatIrthaphalAptaye ||21||
sarvAbhIShTArthasidhdyarthaM namaskAraM karomyaham |
tava saMkIrtanaM vedashAstrArthaj~nAnasiddhaye ||22||
saMsAre.akShayasAgare prakRRitito.agAdhe sadA dustare
sarvAvadyajalagrahairanupamai: kAmAdibhaMgAkule |
nAnAvibhramadurbhrame.amitabhayastomAdiphenotkaTe 
du:khotkRRiShTaviShe samuddhara guro mA magnarUpaM sadA ||23||
rAghaveMdragurustotraM ya: paThedbhaktipUrvakam |
tasya kuShThAdirogANAM nivRRittistvarayA bhavet ||24||
aMdho.api divyadRRiShTi: syAdeDamUko.api vAkpati: |
pUrNAyu: pUrNasaMpatti: stotrasyAsya japAdbhavet ||25||
ya: pibejjalametena stotreNaivAbhimaMtritam |
tasya kukShigatA doShA: sarve nashyaMti tatkShaNAt ||26||
yadvRRiMdAvanamAsAdya paMgu: khaMjo.api vA jana: |
stotreNAnena ya: kuryAt pradakShiNanamaskRRitI: ||27||
sa jaMghAlo bhavedeva gururAjaprasAdata: |
somasUryoparAge cha puShyArkAdisamAgame ||28||
yo.anuttamamidaM stotramaShTottarashataM japet |
bhUtapretapishAchAdipIDA tasya na jAyate ||29||
etat stotraM samuchchArya gurorvRRiMdAvanAMtike |
dIpasaMyojanAt j~nAnaM putralAbho bhaved dhruvam ||30||
paravAdijayo divyaj~nAnabhaktyAdivardhanam |
sarvAbhIShTaprarvRRiddhi: syAnnAtra kAryA vichAraNA ||31||
rAjachoramahAvyAghrasarpanakrAdipIDanam |
na jAyate.asya stotrasya prabhAvAnnAtra saMshaya: ||32||
yo bhaktyA gururAghaveMdracharaNadvaMdvaM smaran ya: paThet 
stotraM divyamidaM sadA na hi bhavet tasyAsukhaM kiMchana |
kiMtviShTArthasamRRiddhireva kamalAnAthaprasAdodayAt 
kIrtirdigviditA vibhUtiratulAsAkShI hayAsyo.atra hi ||33||
iti shrIrAghaveMdrAryagururAjaprasAdata: | 
kRRitaM stotramidaM puNyaM shrImadbhirhyappaNAbhidhai: ||34||
pUjyAya rAghaveMdrAya satyadharmaratAya cha | 
bhajatAM kalpavRRikShAya namatAM kAmadhenave ||35||
durvAdidhvAMtaravaye vaiShNaveMdIvareMdave | 
shrIrAghaveMdragurave namo.atyaMtadayAlave ||36||
|| iti shrImadappaNAchAryavirachitaM shrIrAghaveMdrastotram ||