śrīpuruṣottama stotram‌ 
atha śrīpuruṣottama stotram‌ 
yama uvāca 
namaste bhagavan‌ deva 
lokanātha jagatpate | 
kṣīrodavāsinaṁ devaṁ 
śeṣabhogānuśāyinam‌ || 1|| 
varaṁ vareṇyaṁ varadaṁ 
kartāramakṛtaṁ prabhum‌ | 
viśveśvaramajaṁ viṣṇuṁ 
sarvajñamaparājitaṁ || 2|| 
nīlotpaladalaśyāmaṁ 
puṁḍarīkanidhe kṣaṇam‌ | 
sarvajñaṁ nirguṇaṁ śāṁtaṁ 
jagaddhātāramavyayaṁ || 3|| 
sarvalokavidhātāraṁ 
sarvalokasukhāvaham‌ | 
purāṇaṁ puruṣaṁ vedyaṁ 
vyaktāvyaktaṁ sanātanaṁ || 4||  
parāvarāṇāṁ sṛṣṭāraṁ 
lokanāthaṁ jagadguruṁ | 
śrīvatsoraskasaṁyuktaṁ 
vanamālādibhūṣitaṁ || 5|| 
pītavastraṁ caturbāhuṁ 
śaṁkhacakragadādharam‌ | 
hārakeyūrasaṁyuktaṁ 
mukuṭāṁgadadhāriṇaṁ || 6|| 
sarvalakṣaṇasaṁpūrṇaṁ 
sarveṁdriyavivarjitaṁ | 
kūṭasthamacalaṁ sūkṣmaṁ 
jyoti rūpaṁ sanātanaṁ || 7|| 
bhāvābhāva vinirmuktaṁ 
vyāpinaṁ prakṛteḥ paraṁ | 
namasyāmi jagannāthaṁ 
īśvaraṁ sukhadaṁ prabhum‌ || 8|| 
ityevaṁ dharmarājastu 
purā nyagrodha sannidhau | 
stutvā nānāvidhaiḥ stotraiḥ 
praṇāmamakarottadā || 9|| 
|| iti śrī brahmamahāpurāṇe yamakṛtaṁ puruṣottama stotram‌ ||