అథ శ్రీపురుషోత్తమ స్తోత్రం‌
యమ ఉవాచ
నమస్తే భగవన్‌ దేవ
లోకనాథ జగత్పతే |

క్షీరోదవాసినం దేవం
శేషభోగానుశాయినం‌ || 1||

వరం వరేణ్యం వరదం
కర్తారమకృతం ప్రభుం‌ |

విశ్వేశ్వరమజం విష్ణుం
సర్వజ్ఞమపరాజితం || 2||

నీలోత్పలదలశ్యామం
పుండరీకనిధే క్షణం‌ |

సర్వజ్ఞం నిర్గుణం శాంతం
జగద్ధాతారమవ్యయం || 3||

సర్వలోకవిధాతారం
సర్వలోకసుఖావహం‌ |

పురాణం పురుషం వేద్యం
వ్యక్తావ్యక్తం సనాతనం || 4||

పరావరాణాం సృష్టారం
లోకనాథం జగద్గురుం |

శ్రీవత్సోరస్కసంయుక్తం
వనమాలాదిభూషితం || 5||

పీతవస్త్రం చతుర్బాహుం
శంఖచక్రగదాధరం‌ |

హారకేయూరసంయుక్తం
ముకుటాంగదధారిణం || 6||

సర్వలక్షణసంపూర్ణం
సర్వేంద్రియవివర్జితం |

కూటస్థమచలం సూక్ష్మం
జ్యోతి రూపం సనాతనం || 7||

భావాభావ వినిర్ముక్తం
వ్యాపినం ప్రకృతేః పరం |

నమస్యామి జగన్నాథం
ఈశ్వరం సుఖదం ప్రభుం‌ || 8||

ఇత్యేవం ధర్మరాజస్తు
పురా న్యగ్రోధ సన్నిధౌ |

స్తుత్వా నానావిధైః స్తోత్రైః
ప్రణామమకరోత్తదా || 9||

|| ఇతి శ్రీ బ్రహ్మమహాపురాణే యమకృతం పురుషోత్తమ స్తోత్రం‌ ||