அத² ஸ்ரீபுருஷோத்தம ஸ்தோத்ரம்
யம உவாச
நமஸ்தே ப⁴க³வன் தே³வ
லோகனாத² ஜக³த்பதே |
க்ஷீரோத³வாஸினம்ʼ தே³வம்ʼ
ஸே²ஷபோ⁴கா³னுஸா²யினம் || 1||
வரம்ʼ வரேண்யம்ʼ வரத³ம்ʼ
கர்தாரமக்ருʼதம்ʼ ப்ரபு⁴ம் |
விஸ்²வேஸ்²வரமஜம்ʼ விஷ்ணும்ʼ
ஸர்வஜ்ஞமபராஜிதம்ʼ || 2||
நீலோத்பலத³லஸ்²யாமம்ʼ
புண்ட³ரீகனிதே⁴ க்ஷணம் |
ஸர்வஜ்ஞம்ʼ நிர்கு³ணம்ʼ ஸா²ந்தம்ʼ
ஜக³த்³தா⁴தாரமவ்யயம்ʼ || 3||
ஸர்வலோகவிதா⁴தாரம்ʼ
ஸர்வலோகஸுகா²வஹம் |
புராணம்ʼ புருஷம்ʼ வேத்³யம்ʼ
வ்யக்தாவ்யக்தம்ʼ ஸனாதனம்ʼ || 4||
பராவராணாம்ʼ ஸ்ருʼஷ்டாரம்ʼ
லோகனாத²ம்ʼ ஜக³த்³கு³ரும்ʼ |
ஸ்ரீவத்ஸோரஸ்கஸம்ʼயுக்தம்ʼ
வனமாலாதி³பூ⁴ஷிதம்ʼ || 5||
பீதவஸ்த்ரம்ʼ சதுர்பா³ஹும்ʼ
ஸ²ங்க²சக்ரக³தா³த⁴ரம் |
ஹாரகேயூரஸம்ʼயுக்தம்ʼ
முகுடாங்க³த³தா⁴ரிணம்ʼ || 6||
ஸர்வலக்ஷணஸம்பூர்ணம்ʼ
ஸர்வேந்த்³ரியவிவர்ஜிதம்ʼ |
கூடஸ்த²மசலம்ʼ ஸூக்ஷ்மம்ʼ
ஜ்யோதி ரூபம்ʼ ஸனாதனம்ʼ || 7||
பா⁴வாபா⁴வ வினிர்முக்தம்ʼ
வ்யாபினம்ʼ ப்ரக்ருʼதே: பரம்ʼ |
நமஸ்யாமி ஜக³ன்னாத²ம்ʼ
ஈஸ்²வரம்ʼ ஸுக²த³ம்ʼ ப்ரபு⁴ம் || 8||
இத்யேவம்ʼ த⁴ர்மராஜஸ்து
புரா ந்யக்³ரோத⁴ ஸன்னிதௌ⁴ |
ஸ்துத்வா நானாவிதை⁴: ஸ்தோத்ரை:
ப்ரணாமமகரோத்ததா³ || 9||
|| இதி ஸ்ரீ ப்³ரஹ்மமஹாபுராணே யமக்ருʼதம்ʼ புருஷோத்தம ஸ்தோத்ரம் ||