ಅಥ ಶ್ರೀಪುರುಷೋತ್ತಮ ಸ್ತೋತ್ರಂ‌
ಯಮ ಉವಾಚ
ನಮಸ್ತೇ ಭಗವನ್‌ ದೇವ
ಲೋಕನಾಥ ಜಗತ್ಪತೇ |

ಕ್ಷೀರೋದವಾಸಿನಂ ದೇವಂ
ಶೇಷಭೋಗಾನುಶಾಯಿನಂ‌ || ೧||

ವರಂ ವರೇಣ್ಯಂ ವರದಂ
ಕರ್ತಾರಮಕೃತಂ ಪ್ರಭುಂ‌ |

ವಿಶ್ವೇಶ್ವರಮಜಂ ವಿಷ್ಣುಂ
ಸರ್ವಜ್ಞಮಪರಾಜಿತಂ || ೨||

ನೀಲೋತ್ಪಲದಲಶ್ಯಾಮಂ
ಪುಂಡರೀಕನಿಧೇ ಕ್ಷಣಂ‌ |

ಸರ್ವಜ್ಞಂ ನಿರ್ಗುಣಂ ಶಾಂತಂ
ಜಗದ್ಧಾತಾರಮವ್ಯಯಂ || ೩||

ಸರ್ವಲೋಕವಿಧಾತಾರಂ
ಸರ್ವಲೋಕಸುಖಾವಹಂ‌ |

ಪುರಾಣಂ ಪುರುಷಂ ವೇದ್ಯಂ
ವ್ಯಕ್ತಾವ್ಯಕ್ತಂ ಸನಾತನಂ || ೪||

ಪರಾವರಾಣಾಂ ಸೃಷ್ಟಾರಂ
ಲೋಕನಾಥಂ ಜಗದ್ಗುರುಂ |

ಶ್ರೀವತ್ಸೋರಸ್ಕಸಂಯುಕ್ತಂ
ವನಮಾಲಾದಿಭೂಷಿತಂ || ೫||

ಪೀತವಸ್ತ್ರಂ ಚತುರ್ಬಾಹುಂ
ಶಂಖಚಕ್ರಗದಾಧರಂ‌ |

ಹಾರಕೇಯೂರಸಂಯುಕ್ತಂ
ಮುಕುಟಾಂಗದಧಾರಿಣಂ || ೬||

ಸರ್ವಲಕ್ಷಣಸಂಪೂರ್ಣಂ
ಸರ್ವೇಂದ್ರಿಯವಿವರ್ಜಿತಂ |

ಕೂಟಸ್ಥಮಚಲಂ ಸೂಕ್ಷ್ಮಂ
ಜ್ಯೋತಿ ರೂಪಂ ಸನಾತನಂ || ೭||

ಭಾವಾಭಾವ ವಿನಿರ್ಮುಕ್ತಂ
ವ್ಯಾಪಿನಂ ಪ್ರಕೃತೇಃ ಪರಂ |

ನಮಸ್ಯಾಮಿ ಜಗನ್ನಾಥಂ
ಈಶ್ವರಂ ಸುಖದಂ ಪ್ರಭುಂ‌ || ೮||

ಇತ್ಯೇವಂ ಧರ್ಮರಾಜಸ್ತು
ಪುರಾ ನ್ಯಗ್ರೋಧ ಸನ್ನಿಧೌ |

ಸ್ತುತ್ವಾ ನಾನಾವಿಧೈಃ ಸ್ತೋತ್ರೈಃ
ಪ್ರಣಾಮಮಕರೋತ್ತದಾ || ೯||

|| ಇತಿ ಶ್ರೀ ಬ್ರಹ್ಮಮಹಾಪುರಾಣೇ ಯಮಕೃತಂ ಪುರುಷೋತ್ತಮ ಸ್ತೋತ್ರಂ‌ ||