புருஷோத்தமயோக³​:
அத² புருஷோத்தமயோக³​:
ஊர்த்⁴வமூலமத⁴​: ஶாக²மஶ்வத்த²ம்ʼ ப்ராஹுரவ்யயம் | 
ச²ந்தா³ம்ʼஸி யஸ்ய பர்ணானி யஸ்தம்ʼ வேத³ ஸ வேத³வித்	|| 1|| 
அத⁴ஶ்சோர்த்⁴வம்ʼ ப்ரஸ்ருʼதாஸ்தஸ்ய ஶாகா²​: 
கு³ணப்ரவ்ருʼத்³தா⁴ விஷயப்ரவாலா​: | 
அத⁴ஶ்ச மூலான்யனுஸந்ததானி 
கர்மானுப³ந்தீ⁴னி மனுஷ்யலோகே	|| 2|| 
ந ரூபமஸ்யேஹ ததோ²பலப்⁴யதே 
நாந்தோ ந சாதி³ர்ந ச ஸம்ப்ரதிஷ்டா² | 
அஶ்வத்த²மேனம்ʼ ஸுவிரூட⁴மூலம்ʼ
அஸங்க³ஶஸ்த்ரேண த்³ருʼடே⁴ன சி²த்வா	|| 3|| 
தத​: பரம்ʼ தத்பரிமார்கி³தவ்யம்ʼ 
யஸ்மின் க³தா ந நிவர்தந்தி பூ⁴ய​: | 
தமேவ சாத்³யம்ʼ புருஷம்ʼ ப்ரபத்³யே 
யத​: ப்ரவ்ருʼத்தி​: ப்ரஸ்ருʼதா புராணீ	|| 4|| 
நிர்மானமோஹா ஜிதஸங்க³தோ³ஷா​: 
அத்⁴யாத்மநித்யா விநிவ்ருʼத்தகாமா​: | 
த்³வந்த்³வைர்விமுக்தா​: ஸுக²து³​:க²ஸஞ்க்ஞை​: 
க³ச்ச²ந்த்யமூடா⁴​: பத³மவ்யயம்ʼ தத் || 5|| 
ந தத்³பா⁴ஸயதே ஸூர்யோ ந ஶஶாங்கோ ந பாவக​: | 
யத்³க³த்வா ந நிவர்தந்தே தத்³தா⁴ம பரமம்ʼ மம	|| 6|| 
மமைவாம்ʼஶோ ஜீவலோகே ஜீவபூ⁴த​: ஸனாதன​: |  
மன​:ஷஷ்டா²னீந்த்³ரியாணி ப்ரக்ருʼதிஸ்தா²னி கர்ஷதி	|| 7|| 
ஶரீரம்ʼ யத³வாப்னோதி யச்சாப்யுத்க்ராமதீஶ்வர​: | 
க்³ருʼஹீத்வைதானி ஸம்ʼயாதி வாயுர்க³ந்தா⁴னிவாஶயாத்	|| 8|| 
ஶ்ரோத்ரம்ʼ சக்ஷு​: ஸ்பர்ஶனம்ʼ ச ரஸனம்ʼ க்⁴ராணமேவ ச | 
அதி⁴ஷ்டா²ய மனஶ்சாயம்ʼ விஷயானுபஸேவதே 	|| 9|| 
உத்க்ராமந்தம்ʼ ஸ்தி²தம்ʼ வாபி பு⁴ஞ்ஜானம்ʼ வா கு³ணான்விதம் | 
விமூடா⁴ நானுபஶ்யந்தி பஶ்யந்தி க்ஞானசக்ஷுஷ​:	|| 10|| 
யதந்தோ யோகி³னஶ்சைனம்ʼ பஶ்யந்த்யாத்மன்யவஸ்தி²தம் |  
யதந்தோப்யக்ருʼதாத்மானோ நைனம்ʼ பஶ்யந்த்யசேதஸ​:	|| 11|| 
யதா³தி³த்யக³தம்ʼ தேஜோ ஜக³த்³பா⁴ஸயதேऽகி²லம் | 
யச்சந்த்³ரமஸி யச்சாக்³னௌ தத்தேஜோ வித்³தி⁴ மாமகம்	|| 12|| 
கா³மாவிஶ்ய ச பூ⁴தானி தா⁴ரயாம்யஹமோஜஸா | 
புஷ்ணாமி சோஷதீ⁴​: ஸர்வா​: ஸோமோ பூ⁴த்வா ரஸாத்மக​:	|| 13|| 
அஹம்ʼ வைஶ்வானரோ பூ⁴த்வா ப்ராணினாம்ʼ தே³ஹமாஶ்ரித​: |  
ப்ராணாபானஸமாயுக்த​: பசாம்யன்னம்ʼ சதுர்வித⁴ம்	|| 14|| 
ஸர்வஸ்ய சாஹம்ʼ ஹ்ருʼதி³ ஸன்னிவிஷ்டோ 
மத்த​: ஸ்ம்ருʼதிக்ஞானமபோஹனம்ʼ ச |  
வேதை³ஶ்ச ஸர்வைரஹமேவ வேத்³யோ 
வேதா³ந்தக்ருʼத்³வேத³விதே³வ சாஹம்	|| 15|| 
த்³வாவிமௌ புருஷௌ லோகே க்ஷரஶ்சாக்ஷர ஏவ ச | 
க்ஷர​: ஸர்வாணி பூ⁴தானி கூடஸ்தோ²ऽக்ஷர உச்யதே	|| 16|| 
உத்தம​: புருஷஸ்த்வன்ய​: பரமாத்மேத்யுதா³ஹ்ருʼத​: | 
யோ லோகத்ரயமாவிஶ்ய பி³ப⁴ர்த்யவ்யய ஈஶ்வர​:	|| 17|| 
யஸ்மாத்³ க்ஷரமதீதோஹமக்ஷராத³பி சோத்தம​: | 
அதோऽஸ்மி லோகே வேதே³ ச ப்ரதி²த​: புருஷோத்தம​:	|| 18|| 
யோ மாமேவமஸம்ʼமூடோ⁴ ஜானாதி புருஷோத்தமம் | 
ஸ ஸர்வவித்³ப⁴ஜதி மாம்ʼ ஸர்வபா⁴வேன பா⁴ரத	|| 19|| 
இதி கு³ஹ்யதமம்ʼ ஶாஸ்த்ரமித³முக்தம்ʼ மயானக⁴ | 
ஏதத்³பு³த்³த்⁴வா பு³த்³தி⁴மான் ஸ்யாத் க்ருʼதக்ருʼத்யஶ்ச பா⁴ரத	|| 20|| 
||  ஓம்ʼ தத்ஸதி³தி ஶ்ரீமத்³ப⁴க³வத்³கீ³தாஸு உபநிஷத்ஸு ப்³ரஹ்மவித்³யாயாம்ʼ யோக³ஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே³ புருஷோத்தமயோகோ³ நாம பஞ்சத³ஶோऽத்⁴யாய​: ||