ப்ராத꞉ஸங்கல்பக³த்³யம்
அத² ப்ராத꞉ஸங்கல்பக³த்³யம்
லௌகிகவைதி³கபே⁴த³பி⁴ன்ன வர்ணாத்மக த்⁴வன்யாத்மக அஶேஷஶப்³தா³ர்த² ருʼகா³தி³ஸர்வவேதா³ர்த² |
விஷ்ணுமந்த்ரார்த² புருஷஸூக்தார்த² கா³யத்ர்யர்த² வாஸுதே³வத்³வாத³ஶாக்ஷரமந்த்ராந்தர்க³தாத்³யஅஷ்டாக்ஷரார்த² |
ஶ்ரீமந்நாராயணாஷ்டாக்ஷரமந்த்ரார்த² வாஸுதே³வத்³வாத³ஶாக்ஷரமந்த்ராந்தர்க³த அந்த்யசதுரக்ஷரார்த² |
வ்யாஹ்ருʼத்யர்த² மாத்ருʼகாமந்த்ரார்த² ப்ரணவோபாஸகானாம்ʼ |
பாபாவித்³த⁴ தை³த்யபூகா³வித்³த⁴ ஶ்ரீவிஷ்ணுப⁴க்த்யாத்³யனந்தகு³ணபரிபூர்ண |
ரமாவ்யதிரிக்த பூர்வப்ரஸித்³த⁴வ்யதிரிக்த அனந்தவேத³ப்ரதிபாத்³யமுக்²யதம |
அனந்தஜீவனியாமக அனந்தரூபப⁴க³வத்கார்யஸாத⁴க பரமத³யாலு
க்ஷமாஸமுத்³ர ப⁴க்தவத்ஸல ப⁴க்தாபராத⁴ஸஹிஷ்ணு ஶ்ரீமுக்²யப்ராணாவதாரபூ⁴தானாம்ʼ |
அஜ்ஞ ஜ்ஞானார்தி² ஜ்ஞானயோக்³ய ப⁴க³வத்க்ருʼபாபாத்ரபூ⁴த ஸல்லோகக்ருʼபாலு ஶ்ரீப்³ரஹ்மருத்³ராத்³யர்தி²தப⁴க³வதா³ஜ்ஞாம்ʼ
ஶிரஸி பரமாத³ரேண அனர்க்⁴யஶிரோரத்னவத் நிதா⁴ய |
ததா² அஶேஷதே³வதாப்ரார்த²னாம்ʼ ஹாரவத் ஹ்ருʼதி³ நிதா⁴ய ஸர்வஸ்வகீயஸஜ்ஜனானுக்³ரஹேச்ச²யா கர்மபு⁴வி அவதீர்ணானாம்ʼ |
ததா² அவதீர்ய ஸகலஸச்சா²ஸ்த்ரகத்ருʼணாம்ʼ ஸர்வது³ர்மதப⁴ஞ்ஜகானாம்ʼ
அநாதி³த: ஸத்ஸம்ப்ரதா³யபரம்பராப்ராப்தஶ்ரீமத்³வைஷ்ணவஸித்³தா⁴ந்தப்ரதிஷ்டா²பகானாம்ʼ |
அத ஏவ ப⁴க³வத்பரமானுக்³ரஹபாத்ரபூ⁴தானாம்ʼ ஸர்வதா³ ப⁴க³வதா³ஜ்ஞயா ப⁴க³வத்ஸந்நிதௌ⁴ பூஜ்யானாம்ʼ |
ததா² ப⁴க³வதா த³த்தவராணாம்ʼ த்³வாத்ரிம்ʼஶல்லக்ஷணோபேதானாம்ʼ ததா² ஸமக்³ரகு³ருலக்ஷணோபேதானாம்ʼ |
அஸம்ʼஶயானாம்ʼ ப்ரஸாத³மாத்ரேண ஸ்வப⁴க்தாஶேஷஸம்ʼஶயச்சே²த்த்ருʼணாம்ʼ |
ப்ரணவாத்³யஶேஷவைஷ்ணவமந்த்ரோத்³தா⁴ரகாணாம்ʼ ஸர்வதா³ ஸர்வவைஷ்ணவமந்த்ரஜாபகானாம்ʼ ஸம்ʼஸித்³த⁴ஸப்தகோடிமஹாமந்த்ராணாம்ʼ |
ப⁴க³வதி ப⁴க்த்யதிஶயேன ப⁴க³வது³பாஸனார்த²ம்ʼ ஸ்வேச்ச²யா க்³ருʼஹீதரூபாணாம்ʼ |
தத்ர தத்ர ப்ருʼத²க் ப்ருʼத²க் ப⁴க³வத: அனந்தரூபேஷு ப்ருʼத²க் ப்ருʼத²க் வேதோ³க்த தத³னுக்த பா⁴ரதோக்த தத³னுக்த |
ஸம்ப்ரதா³யாக³த ஸ்வேதர ஸ்வாபி⁴ன்னதயாபி அஶேஷஶக்திவிஶேஷாப்⁴யாம்ʼ ப்ருʼத²க்³வ்யவஹாரவிஷய ஸர்வஸாமர்த்²யோபேத |
நிரவதி⁴கானந்தானவத்³யகல்யாணகு³ணபரிபூர்ண அனந்தகு³ணோபஸம்ʼஹர்த்ருʼணாம்ʼ |
ததா² வேதோ³க்தஸர்வக்ரியோபஸம்ʼஹர்த்ருʼணாம்ʼ |
ஏவம்ʼ அனந்தரூபாவயவகு³ணக்ரியாஜாத்யவஸ்தா²விஶிஷ்டப⁴க³வது³பாஸகானாம்ʼ |
பரமத³யாலூனாம்ʼ க்ஷமாஸமுத்³ராணாம்ʼ ப⁴க்தவத்ஸலானாம்ʼ ப⁴க்தாபராத⁴ஸஹிஷ்ணூனாம்ʼ |
ஸ்வப⁴க்தான் து³ர்மார்கா³த் உத்³த்⁴ருʼத்ய ஸன்மார்க³ஸ்தா²பகானாம்ʼ ஸ்வப⁴க்தம்ʼ மாம்ʼ உத்³தி³ஶ்ய ப⁴க³வத: புர: |
பரமத³யாலோ க்ஷமாஸமுத்³ர ப⁴க்தவத்ஸல ப⁴க்தாபராத⁴ஸஹிஷ்ணோ |
த்வத³தீ³னம்ʼ தீ³னம்ʼ தூ³னம்ʼ அநாத²ம்ʼ ஶரணாக³தம்ʼ ஏனம்ʼ உத்³த⁴ர இதி விஜ்ஞாபனகர்த்ருʼணாம்ʼ |
ஸர்வஜ்ஞஶிரோமணீனாம்ʼ அஶேஷகு³ர்வந்தர்யாமிணாம்ʼ ஸதா³ ப⁴க³வத்பராணாம்ʼ ப⁴க³வத: அன்யத்ர ஸர்வவஸ்துஷு மன:ஸங்க³ரஹிதானாம்ʼ |
ஸர்வத்ர ஸர்வதா³ ஸர்வாகார ஸர்வாதா⁴ர ஸர்வாஶ்ரய ஸர்வோத்பாத³க ஸர்வபாலக ஸர்வஸம்ʼஹாரக |
ஸர்வனியாமக ஸர்வப்ரேரக ஸர்வப்ரவர்தக ஸர்வநிவர்தக யதா²யோக்³ய ஸர்வஜ்ஞானாஜ்ஞானப³ந்த⁴மோக்ஷப்ரத³ |
ஸர்வஸத்தாப்ரத³ ஸர்வஶப்³த³வாச்ய ஸர்வஶப்³த³ப்ரவ்ருʼத்திநிமித்த ஸர்வகு³ணாதிபரிபூர்ணதம ஸர்வதோ³ஷாதிதூ³ர |
ஸர்வாசிந்த்ய ஸர்வோத்தம ஸர்வேஶ்வர ஸர்வாத்யந்தவிலக்ஷண |
ஸ்வக³தபே⁴த³விவர்ஜிதத்வாதி³னா ப⁴க³வத்³த்³ரஷ்ட்ரூʼணாம்ʼ |
அபி⁴மாநாதி³ஸர்வதோ³ஷதூ³ராணாம்ʼ |
அஸூயேர்ஷ்யாத்³யஶேஷமனோதோ³ஷநிவர்தகானாம்ʼ |
நித்யாபரோக்ஷீக்ருʼதரமாயுக்தாஶேஷப⁴க³வத்³ரூபாணாம்ʼ |
அத ஏவ விலீநாஶேஷப்ரக்ருʼதிப³ந்தா⁴னாம்ʼ |
அத ஏவ தூ³ரோத்ஸாரித அஶேஷாநிஷ்டானாம்ʼ |
அத ஏவ அஶேஷப⁴க்தாஶேஷ அநிஷ்டநிவர்தகானாம்ʼ ப்ரணவோபாஸகானாம்ʼ |
அஸ்மதா³தி³கு³ரூணாம்ʼ ஶ்ரீமதா³னந்த³தீர்த² ஶ்ரீமச்சரணானாம்ʼ அந்தர்யாமின் |
அநிருத்³த⁴-ப்ரத்³யும்ன-ஸங்கர்ஷண-வாஸுதே³வாத்மக |
ஶ்ரீமத்⁴வவல்லப⁴ ஶ்ரீலக்ஷ்மீவேத³வ்யாஸாத்மக |
அண்ட³ஸ்தி²த அனந்தரூபாவயவகு³ணக்ரியாஜாத்யவஸ்தா²விஶிஷ்ட ரமாயுக்த க்ஷீராப்³தி⁴ஶேஷஶாயி ஶ்ரீபத்³மநாபா⁴த்மக |
அண்டா³த்³ ப³ஹிரபி⁴வ்யக்த ஶுத்³த⁴ஸ்ருʼஷ்டித்வேன அபி⁴மத
ஶ்ரீசதுர்முக²முக்²யப்ராணோபாஸ்யத்வாத்³யனேகப்ரயோஜனக அனந்தானந்தரூபமூலபூ⁴த |
ததா² அஶேஷஜக³த்பாலனப்ரயோஜனக ஶாந்திபதி அநிருத்³த⁴மூலபூ⁴த |
ததா² அஶேஷஜக³த் ஸ்ருʼஷ்டிப்ரயோஜனக க்ருʼதிபதி ப்ரத்³யும்னமூலபூ⁴த |
ததா² அஶேஷஜக³த்ஸம்ʼஹாரப்ரயோஜனக ஜயாபதி ஸங்கர்ஷணமூலபூ⁴த |
ததா² ஸ்வஸ்வஸமக்³ரயோக்³யதாபி⁴ஜ்ஞ பரமானுக்³ரஹஶீல ப⁴க³வத்ப்ரேரிதசதுர்முகா²தி³ஸத்³கு³ரூபதி³ஷ்ட |
ஸ்வஸ்வயோக்³யப⁴க³வத்³ரூபகு³ணோபாஸனயா ஸஞ்ஜாத ஸ்வஸ்வயோக்³யப⁴க³வத்³ரூபவிஶேஷத³ர்ஶனபோ⁴கா³ப்⁴யாம்ʼ |
விநஷ்டாநிஷ்டஸஞ்சிதப்ராரப்³த⁴லக்ஷணாஶேஷகர்மணாம்ʼ |
ஸ்வஸ்வயோக்³யதானுஸாரேண ஸம்பூர்ணஸாத⁴னானாம்ʼ |
பூர்வகல்பே ப்³ரஹ்மணா ஸஹ விரஜாநதீ³ஸ்னானேன த்யக்தலிங்கா³னாம்ʼ |
ததா² விநஷ்டாவஶிஷ்டேஷ்ட அஶேஷப்ராரப்³த⁴கர்மணாம்ʼ |
ப்ரலயகாலே ப⁴க³வது³த³ரே வஸதாம்ʼ ஆனந்த³மாத்ரவபுஷாம்ʼ தத³னுப⁴வரஹிதானாம்ʼ |
ஸ்வஸ்வயோக்³யப⁴க³த்³ரூபவிஶேஷத்⁴யானரதானாம்ʼ |
ஸ்ருʼஷ்டிகாலே ப⁴க³வது³த³ராத்³ ப³ஹிர்க³தானாம்ʼ |
ஶ்ரீஶ்வேதத்³வீபத³ர்ஶனம்ʼ நிமித்தீக்ருʼத்ய ப்ரதா⁴னாவரணபூ⁴த ஸ்வேச்சா²பஸரணேன
ஸ்வஸ்வயோக்³யானந்தா³விர்பா⁴வலக்ஷண முக்திப்ரதா³னப்ரயோஜனக |
மாயாபதி ஶ்ரீவாஸுதே³வாத்மக லக்ஷ்ம்யாத்மக ப்ரலயாப்³தி⁴ஸ்த² ஶ்ரீவடபத்ரஶாயி அஶேஷஜக³து³த³ர |
அஶேஷமுக்தநாபி⁴தே³ஶோர்த்⁴வபா⁴க³குக்ஷ்யாக்²யதே³ஶ த்ரிவிதா⁴ஶேஷஸம்ʼஸாரிநாபி⁴தே³ஶ அஶேஷதம:பதிதநாப்⁴யதோ⁴பா⁴க³தே³ஶ |
ஶ்ரீபூ⁴ம்யாலிங்கி³த காலாதி³சேஷ்டக பரமாண்வாதி³ அஶேஷகாலாவயவ ஸ்ருʼஷ்ட்யாதி³கர்த்ருʼரஶேஷநாமக |
பரமபுருஷநாமக ஶ்ரீசதுர்முக²முக்²யப்ராணோபாஸிதசரண |
அநிருத்³தா⁴தி³சதுரூபாத்மக கா³யத்ரீநாமக ஸவித்ருʼநாமக ரூபவிஶேஷாத்மக |
வ்யாப்தரூப ப்³ருʼஹச்ச²ரீர ஶூன்யாபி⁴த⁴ காலாபி⁴த⁴ கேவலாபி⁴த⁴ ப்³ரஹ்மாபி⁴த⁴ |
அனந்தாபி⁴த⁴ ரூபவிஶேஷாத்மக நிருபசரித மூலரூப நிருபசரிதவ்யாப்தப்ரதிபாத்³ய அனந்ததேஜ:புஞ்ஜ |
தாத்³ருʼஶரமாயுக்தரூபவிஶேஷாத்மக |
கா³யத்ரீ பூ⁴த வாக் ப்ருʼதி²வீ ஶரீர ஹ்ருʼத³ய பே⁴தே³ன ஷட்³வித⁴ கா³யத்ரீநாமக |
லோக-வேத³-ஸமீர-ரமாந்தர்க³த ப்ரணவாக்²ய துரீயபாதோ³பேத கா³யத்ரீபாத³சதுஷ்டயப்ரதிபாத்³ய |
வைகுண்ட²ஸ்தி²த அனந்தாஸனஸ்தி²த ஶ்வேதத்³வீபஸ்தி²த ஸர்வஜீவஸ்தி²தரூபபே⁴தே³ன சதுரூபாத்மக |
தே³ஹவ்யாப்த தே³ஹாந்தர்யாமி ஜீவவ்யாப்த ஜீவந்தர்யாமி ரூபபே⁴தே³ன சதுரூபாத்மக |
நிருபசரிதஸர்வவாக³ர்த²ப்ரதிபாத³க |
ஶ்ரீதே³வ்யாதி³ரமாரூபாஷ்டகாபி⁴மன்யமான சக்ரஶங்க²வராப⁴யயுக்தஹஸ்தசதுஷ்டயோபேத |
ப்ரதீ³பவர்ண ஸர்வாப⁴ரணபூ⁴ஷித விஶ்வாதி³ப⁴க³வத்³ரூபாஷ்டகப்ரதிபாத³க |
அகாராத்³யஷ்டாக்ஷராத்மக ஶ்ரீமத்ப்ரணவாத்³யஷ்டமஹாமந்த்ரப்ரதிபாத்³ய அஷ்டரூபாத்மக |
மந்த்ராத்⁴யாயோக்தபூ⁴வராஹாத்³யஶேஷவைஷ்ணவமந்த்ரப்ரதிபாத்³ய |
பூ⁴வராஹாத்³யஶேஷரூபவிஶேஷாத்மக |
ரமாதி³மந்த்ரப்ரதிபாத்³ய ரமாதி³நிஷ்ட² ரமாதி³நாமக ரூபவிஶேஷாத்மக ஶ்ரீலக்ஷ்மீந்ருʼஸிம்ʼஹாத்மக |
பரமத³யாலோ க்ஷமாஸமுத்³ர ப⁴க்தவத்ஸல ப⁴க்தாபராத⁴ஸஹிஷ்ணோ |
தே³ஶகாலாதி⁴பதே தே³ஹேந்த்³ரியாதி⁴பதே ஸூர்யவம்ʼஶத்⁴வஜ ரகு⁴குலதிலக லக்ஷ்மணப⁴ரதஶத்ருக்⁴நாக்³ரஜ ஶ்ரீஹனுமது³பாஸிதசரண |
ஸீதாபதே ஶ்ரீராமசந்த்³ர த்வதா³ஜ்ஞயா த்வத்ப்ரஸாதா³த் த்வத்ப்ரேரணயா த்வத்ப்ரீத்யர்த²ம்ʼ |
த்வாம்ʼ உத்³தி³ஶ்ய த்வாம்ʼ அனுஸ்மரன்னேவ த்வதா³ஜ்ஞயா நியதேன மன்னியாமகேன |
ஸத்தாப்ரத³ வாயுநாமக சேஷ்டாப்ரத³ ப்ராணநாமக தா⁴ரணாப்ரத³ த⁴ர்மநாமக முக்திப்ரத³ ப⁴க்திநாமகரூபவிஶேஷை: மத்³த்⁴ருʼதி³ ஸ்தி²தேன |
பரமத³யாலுனா க்ஷமாஸமுத்³ரேண ப⁴க்தவத்ஸலேன ப⁴க்தாபராத⁴ஸஹிஷ்ணுனா |
ஸர்வஸ்வாமினா ஸர்வப்ரேரகேண ஸர்வதாத்விகதே³வதாப்ரேரகேண ஸர்வதாத்விக அஸுரப⁴ஞ்ஜகேன |
ததா² தத்ப்ரேரணாப்ரயுக்தாஶேஷது³ர்மதப⁴ஞ்ஜகேன |
அத ஏவ ப்ரப⁴ஞ்ஜனஶப்³த³வாச்யேன |
ப்ரதிதி³னம்ʼ ப்ரதிக்ஷணம்ʼ பு³த்³தி⁴ஶோத⁴கேன |
ஸர்வகர்மகர்த்ரா ஸர்வகர்மகாரயித்ரா ஸர்வகர்மஸ்வாமினா ஸர்வகர்மஸமர்பகேண |
ஸர்வகர்மப²லபோ⁴க்த்ரா ஸர்வகர்மலபோ⁴ஜயித்ரா ஸர்வகர்மப்ரேரகேண ஸர்வகர்மோத்³போ³த⁴கேன ஸர்வகர்மஶுத்³தி⁴ப்ரதே³ன
ஸர்வகர்மஸித்³தி⁴ப்ரதே³ன ஸர்வகர்மநிஷ்டே²ன ஸர்வகர்மஸாக்ஷிணா ஸர்வகர்மநிஷ்ட²ப⁴க³வத்³ரூபோபாஸகேன |
அஶேஷஜீவனி:ஸங்க்²ய அநாதி³காலீனத⁴ர்மாத⁴ர்மத்³ரஷ்ட ஸ்வேச்ச²யா உத்³போ³த⁴கேன |
தத்பாசக கபிலோபாஸகேன ரமாவ்யதிரிக்த பூர்வப்ரஸித்³த⁴வ்யதிரிக்த அனந்தவேத³ப்ரதிபாத்³யமுக்²யதம |
அனந்தகு³ணபூர்ணேன ஸர்வதோ³ஷதூ³ரேண த்வச்சித்தாபி⁴ஜ்ஞேன த்வச்சித்தானுஸாரிசித்தேன த்வத்பரமானுக்³ரஹபாத்ரபூ⁴தேன மத்³யோக்³யதாபி⁴ஜ்ஞேன |
ஶ்ரீபா⁴ரதீரமணேன ருத்³ராத்³யஶேஷதே³வதோபாஸிதசரணேன |
மம ஸர்வாஸ்வவஸ்தா²ஸு சித்ரதா⁴ விசித்ரதா⁴ த்வது³பாஸகேன ஶ்ரீமுக்²யப்ராணேன ப்ரேரித: ஸன் |
த்வத்ஸம்ʼஸ்மதிபூர்வகம்ʼ ஶயனாத் ஸமுத்தா²ய அத்³யதனம்ʼ ஸ்வவர்ணாஶ்ரமோசிதம்ʼ தே³ஶகாலாவஸ்தோ²சிதம்ʼ நித்யநைமித்திககாம்யபே⁴தே³ன
த்ரிவித⁴ம்ʼ த்வத்பூஜாத்மகம்ʼ கர்ம யதா²ஶக்தி யதா²ஜ்ஞப்தி யதா²வைப⁴வம்ʼ கரிஷ்யே |
மதா³ஜ்ஞாகாரிபி⁴: வித்³யாஸம்ப³ந்தி⁴பி⁴: தே³ஹஸம்ப³ந்தி⁴பி⁴ஶ்ச த்வதீ³யை: அஶேஷஜனை: த்வத்ஸர்வகர்த்ருʼத்வகாரயித்ருʼத்வாத்³யனுஸந்தா⁴னபூர்வகம்ʼ காரயிஷ்யே ச |
இதி ஶ்ரீராக⁴வேந்த்³ராக்²யயதினா க்ருʼதமஞ்ஜஸா ப்ராத:ஸங்கல்பக³த்³யம்ʼ ஸ்யாத் ப்ரீத்யை மாத⁴வமத்⁴வயோ: ||
|| இதி ஶ்ரீராக⁴வேந்த்³ரயதிவிரசிதம்ʼ ப்ராத꞉ஸங்கல்பக³த்³யம் ||