ಅಥ ಪ್ರಾತಃಸಂಕಲ್ಪಗದ್ಯಂ
ಲೌಕಿಕವೈದಿಕಭೇದಭಿನ್ನ ವರ್ಣಾತ್ಮಕ ಧ್ವನ್ಯಾತ್ಮಕ ಅಶೇಷಶಬ್ದಾರ್ಥ ಋಗಾದಿಸರ್ವವೇದಾರ್ಥ ,

ವಿಷ್ಣುಮಂತ್ರಾರ್ಥ ಪುರುಷಸೂಕ್ತಾರ್ಥ ಗಾಯತ್ರ್ಯರ್ಥ ವಾಸುದೇವದ್ವಾದಶಾಕ್ಷರಮಂತ್ರಾಂತರ್ಗತಾದ್ಯಅಷ್ಟಾಕ್ಷರಾರ್ಥ ,

ಶ್ರೀಮನ್ನಾರಾಯಣಾಷ್ಟಾಕ್ಷರಮಂತ್ರಾರ್ಥ ವಾಸುದೇವದ್ವಾದಶಾಕ್ಷರಮಂತ್ರಾಂತರ್ಗತ ಅಂತ್ಯಚತುರಕ್ಷರಾರ್ಥ ,

ವ್ಯಾಹೃತ್ಯರ್ಥ ಮಾತೃಕಾಮಂತ್ರಾರ್ಥ ಪ್ರಣವೋಪಾಸಕಾನಾಂ ,

ಪಾಪಾವಿದ್ಧ ದೈತ್ಯಪೂಗಾವಿದ್ಧ ಶ್ರೀವಿಷ್ಣುಭಕ್ತ್ಯಾದ್ಯನಂತಗುಣಪರಿಪೂರ್ಣ ,

ರಮಾವ್ಯತಿರಿಕ್ತ ಪೂರ್ವಪ್ರಸಿದ್ಧವ್ಯತಿರಿಕ್ತ ಅನಂತವೇದಪ್ರತಿಪಾದ್ಯಮುಖ್ಯತಮ ,

ಅನಂತಜೀವನಿಯಾಮಕ ಅನಂತರೂಪಭಗವತ್ಕಾರ್ಯಸಾಧಕ ಪರಮದಯಾಲು
ಕ್ಷಮಾಸಮುದ್ರ ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣು ಶ್ರೀಮುಖ್ಯಪ್ರಾಣಾವತಾರಭೂತಾನಾಂ ,

ಅಜ್ಞ ಜ್ಞಾನಾರ್ಥಿ ಜ್ಞಾನಯೋಗ್ಯ ಭಗವತ್ಕೃಪಾಪಾತ್ರಭೂತ ಸಲ್ಲೋಕಕೃಪಾಲು ಶ್ರೀಬ್ರಹ್ಮರುದ್ರಾದ್ಯರ್ಥಿತಭಗವದಾಜ್ಞಾಂ
ಶಿರಸಿ ಪರಮಾದರೇಣ ಅನರ್ಘ್ಯಶಿರೋರತ್ನವತ್ ನಿಧಾಯ ,

ತಥಾ ಅಶೇಷದೇವತಾಪ್ರಾರ್ಥನಾಂ ಹಾರವತ್ ಹೃದಿ ನಿಧಾಯ ಸರ್ವಸ್ವಕೀಯಸಜ್ಜನಾನುಗ್ರಹೇಚ್ಛಯಾ ಕರ್ಮಭುವಿ ಅವತೀರ್ಣಾನಾಂ ,

ತಥಾ ಅವತೀರ್ಯ ಸಕಲಸಚ್ಛಾಸ್ತ್ರಕತ಼ೃಣಾಂ ಸರ್ವದುರ್ಮತಭಂಜಕಾನಾಂ
ಅನಾದಿತ: ಸತ್ಸಂಪ್ರದಾಯಪರಂಪರಾಪ್ರಾಪ್ತಶ್ರೀಮದ್ವೈಷ್ಣವಸಿದ್ಧಾಂತಪ್ರತಿಷ್ಠಾಪಕಾನಾಂ ,

ಅತ ಏವ ಭಗವತ್ಪರಮಾನುಗ್ರಹಪಾತ್ರಭೂತಾನಾಂ ಸರ್ವದಾ ಭಗವದಾಜ್ಞಯಾ ಭಗವತ್ಸನ್ನಿಧೌ ಪೂಜ್ಯಾನಾಂ ,

ತಥಾ ಭಗವತಾ ದತ್ತವರಾಣಾಂ ದ್ವಾತ್ರಿಂಶಲ್ಲಕ್ಷಣೋಪೇತಾನಾಂ ತಥಾ ಸಮಗ್ರಗುರುಲಕ್ಷಣೋಪೇತಾನಾಂ ,

ಅಸಂಶಯಾನಾಂ ಪ್ರಸಾದಮಾತ್ರೇಣ ಸ್ವಭಕ್ತಾಶೇಷಸಂಶಯಚ್ಛೇತ್ತೃಣಾಂ ,

ಪ್ರಣವಾದ್ಯಶೇಷವೈಷ್ಣವಮಂತ್ರೋದ್ಧಾರಕಾಣಾಂ ಸರ್ವದಾ ಸರ್ವವೈಷ್ಣವಮಂತ್ರಜಾಪಕಾನಾಂ ಸಂಸಿದ್ಧಸಪ್ತಕೋಟಿಮಹಾಮಂತ್ರಾಣಾಂ ,

ಭಗವತಿ ಭಕ್ತ್ಯತಿಶಯೇನ ಭಗವದುಪಾಸನಾರ್ಥಂ ಸ್ವೇಚ್ಛಯಾ ಗೃಹೀತರೂಪಾಣಾಂ ,

ತತ್ರ ತತ್ರ ಪೃಥಕ್ ಪೃಥಕ್ ಭಗವತ: ಅನಂತರೂಪೇಷು ಪೃಥಕ್ ಪೃಥಕ್ ವೇದೋಕ್ತ ತದನುಕ್ತ ಭಾರತೋಕ್ತ ತದನುಕ್ತ ,

ಸಂಪ್ರದಾಯಾಗತ ಸ್ವೇತರ ಸ್ವಾಭಿನ್ನತಯಾಪಿ ಅಶೇಷಶಕ್ತಿವಿಶೇಷಾಭ್ಯಾಂ ಪೃಥಗ್ವ್ಯವಹಾರವಿಷಯ ಸರ್ವಸಾಮರ್ಥ್ಯೋಪೇತ ,

ನಿರವಧಿಕಾನಂತಾನವದ್ಯಕಲ್ಯಾಣಗುಣಪರಿಪೂರ್ಣ ಅನಂತಗುಣೋಪಸಂಹರ್ತ಼ೃಣಾಂ ,

ತಥಾ ವೇದೋಕ್ತಸರ್ವಕ್ರಿಯೋಪಸಂಹರ್ತ಼ೃಣಾಂ ,

ಏವಂ ಅನಂತರೂಪಾವಯವಗುಣಕ್ರಿಯಾಜಾತ್ಯವಸ್ಥಾವಿಶಿಷ್ಟಭಗವದುಪಾಸಕಾನಾಂ ,

ಪರಮದಯಾಲೂನಾಂ ಕ್ಷಮಾಸಮುದ್ರಾಣಾಂ ಭಕ್ತವತ್ಸಲಾನಾಂ ಭಕ್ತಾಪರಾಧಸಹಿಷ್ಣೂನಾಂ ,

ಸ್ವಭಕ್ತಾನ್ ದುರ್ಮಾರ್ಗಾತ್ ಉದ್ಧೃತ್ಯ ಸನ್ಮಾರ್ಗಸ್ಥಾಪಕಾನಾಂ ಸ್ವಭಕ್ತಂ ಮಾಂ ಉದ್ದಿಶ್ಯ ಭಗವತ: ಪುರ: ,

ಪರಮದಯಾಲೋ ಕ್ಷಮಾಸಮುದ್ರ ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣೋ ,

ತ್ವದದೀನಂ ದೀನಂ ದೂನಂ ಅನಾಥಂ ಶರಣಾಗತಂ ಏನಂ ಉದ್ಧರ ಇತಿ ವಿಜ್ಞಾಪನಕರ್ತ಼ೃಣಾಂ ,

ಸರ್ವಜ್ಞಶಿರೋಮಣೀನಾಂ ಅಶೇಷಗುರ್ವಂತರ್ಯಾಮಿಣಾಂ ಸದಾ ಭಗವತ್ಪರಾಣಾಂ ಭಗವತ: ಅನ್ಯತ್ರ ಸರ್ವವಸ್ತುಷು ಮನ:ಸಂಗರಹಿತಾನಾಂ ,

ಸರ್ವತ್ರ ಸರ್ವದಾ ಸರ್ವಾಕಾರ ಸರ್ವಾಧಾರ ಸರ್ವಾಶ್ರಯ ಸರ್ವೋತ್ಪಾದಕ ಸರ್ವಪಾಲಕ ಸರ್ವಸಂಹಾರಕ ,

ಸರ್ವನಿಯಾಮಕ ಸರ್ವಪ್ರೇರಕ ಸರ್ವಪ್ರವರ್ತಕ ಸರ್ವನಿವರ್ತಕ ಯಥಾಯೋಗ್ಯ ಸರ್ವಜ್ಞಾನಾಜ್ಞಾನಬಂಧಮೋಕ್ಷಪ್ರದ ,

ಸರ್ವಸತ್ತಾಪ್ರದ ಸರ್ವಶಬ್ದವಾಚ್ಯ ಸರ್ವಶಬ್ದಪ್ರವೃತ್ತಿನಿಮಿತ್ತ ಸರ್ವಗುಣಾತಿಪರಿಪೂರ್ಣತಮ ಸರ್ವದೋಷಾತಿದೂರ ,

ಸರ್ವಾಚಿಂತ್ಯ ಸರ್ವೋತ್ತಮ ಸರ್ವೇಶ್ವರ ಸರ್ವಾತ್ಯಂತವಿಲಕ್ಷಣ ,

ಸ್ವಗತಭೇದವಿವರ್ಜಿತತ್ವಾದಿನಾ ಭಗವದ್ದ್ರಷ್ಟೄಣಾಂ ,

ಅಭಿಮಾನಾದಿಸರ್ವದೋಷದೂರಾಣಾಂ ,

ಅಸೂಯೇರ್ಷ್ಯಾದ್ಯಶೇಷಮನೋದೋಷನಿವರ್ತಕಾನಾಂ ,

ನಿತ್ಯಾಪರೋಕ್ಷೀಕೃತರಮಾಯುಕ್ತಾಶೇಷಭಗವದ್ರೂಪಾಣಾಂ ,

ಅತ ಏವ ವಿಲೀನಾಶೇಷಪ್ರಕೃತಿಬಂಧಾನಾಂ ,

ಅತ ಏವ ದೂರೋತ್ಸಾರಿತ ಅಶೇಷಾನಿಷ್ಟಾನಾಂ ,

ಅತ ಏವ ಅಶೇಷಭಕ್ತಾಶೇಷ ಅನಿಷ್ಟನಿವರ್ತಕಾನಾಂ ಪ್ರಣವೋಪಾಸಕಾನಾಂ ,

ಅಸ್ಮದಾದಿಗುರೂಣಾಂ ಶ್ರೀಮದಾನಂದತೀರ್ಥ ಶ್ರೀಮಚ್ಚರಣಾನಾಂ ಅಂತರ್ಯಾಮಿನ್ ,

ಅನಿರುದ್ಧ-ಪ್ರದ್ಯುಮ್ನ-ಸಂಕರ್ಷಣ-ವಾಸುದೇವಾತ್ಮಕ ,

ಶ್ರೀಮಧ್ವವಲ್ಲಭ ಶ್ರೀಲಕ್ಷ್ಮೀವೇದವ್ಯಾಸಾತ್ಮಕ ,

ಅಂಡಸ್ಥಿತ ಅನಂತರೂಪಾವಯವಗುಣಕ್ರಿಯಾಜಾತ್ಯವಸ್ಥಾವಿಶಿಷ್ಟ ರಮಾಯುಕ್ತ ಕ್ಷೀರಾಬ್ಧಿಶೇಷಶಾಯಿ ಶ್ರೀಪದ್ಮನಾಭಾತ್ಮಕ ,

ಅಂಡಾದ್ ಬಹಿರಭಿವ್ಯಕ್ತ ಶುದ್ಧಸೃಷ್ಟಿತ್ವೇನ ಅಭಿಮತ
ಶ್ರೀಚತುರ್ಮುಖಮುಖ್ಯಪ್ರಾಣೋಪಾಸ್ಯತ್ವಾದ್ಯನೇಕಪ್ರಯೋಜನಕ ಅನಂತಾನಂತರೂಪಮೂಲಭೂತ ,

ತಥಾ ಅಶೇಷಜಗತ್ಪಾಲನಪ್ರಯೋಜನಕ ಶಾಂತಿಪತಿ ಅನಿರುದ್ಧಮೂಲಭೂತ ,

ತಥಾ ಅಶೇಷಜಗತ್ ಸೃಷ್ಟಿಪ್ರಯೋಜನಕ ಕೃತಿಪತಿ ಪ್ರದ್ಯುಮ್ನಮೂಲಭೂತ ,

ತಥಾ ಅಶೇಷಜಗತ್ಸಂಹಾರಪ್ರಯೋಜನಕ ಜಯಾಪತಿ ಸಂಕರ್ಷಣಮೂಲಭೂತ ,

ತಥಾ ಸ್ವಸ್ವಸಮಗ್ರಯೋಗ್ಯತಾಭಿಜ್ಞ ಪರಮಾನುಗ್ರಹಶೀಲ ಭಗವತ್ಪ್ರೇರಿತಚತುರ್ಮುಖಾದಿಸದ್ಗುರೂಪದಿಷ್ಟ ,

ಸ್ವಸ್ವಯೋಗ್ಯಭಗವದ್ರೂಪಗುಣೋಪಾಸನಯಾ ಸಂಜಾತ ಸ್ವಸ್ವಯೋಗ್ಯಭಗವದ್ರೂಪವಿಶೇಷದರ್ಶನಭೋಗಾಭ್ಯಾಂ ,

ವಿನಷ್ಟಾನಿಷ್ಟಸಂಚಿತಪ್ರಾರಬ್ಧಲಕ್ಷಣಾಶೇಷಕರ್ಮಣಾಂ ,

ಸ್ವಸ್ವಯೋಗ್ಯತಾನುಸಾರೇಣ ಸಂಪೂರ್ಣಸಾಧನಾನಾಂ ,

ಪೂರ್ವಕಲ್ಪೇ ಬ್ರಹ್ಮಣಾ ಸಹ ವಿರಜಾನದೀಸ್ನಾನೇನ ತ್ಯಕ್ತಲಿಂಗಾನಾಂ ,

ತಥಾ ವಿನಷ್ಟಾವಶಿಷ್ಟೇಷ್ಟ ಅಶೇಷಪ್ರಾರಬ್ಧಕರ್ಮಣಾಂ ,

ಪ್ರಲಯಕಾಲೇ ಭಗವದುದರೇ ವಸತಾಂ ಆನಂದಮಾತ್ರವಪುಷಾಂ ತದನುಭವರಹಿತಾನಾಂ ,

ಸ್ವಸ್ವಯೋಗ್ಯಭಗದ್ರೂಪವಿಶೇಷಧ್ಯಾನರತಾನಾಂ ,

ಸೃಷ್ಟಿಕಾಲೇ ಭಗವದುದರಾದ್ ಬಹಿರ್ಗತಾನಾಂ ,

ಶ್ರೀಶ್ವೇತದ್ವೀಪದರ್ಶನಂ ನಿಮಿತ್ತೀಕೃತ್ಯ ಪ್ರಧಾನಾವರಣಭೂತ ಸ್ವೇಚ್ಛಾಪಸರಣೇನ
ಸ್ವಸ್ವಯೋಗ್ಯಾನಂದಾವಿರ್ಭಾವಲಕ್ಷಣ ಮುಕ್ತಿಪ್ರದಾನಪ್ರಯೋಜನಕ ,

ಮಾಯಾಪತಿ ಶ್ರೀವಾಸುದೇವಾತ್ಮಕ ಲಕ್ಷ್ಮ್ಯಾತ್ಮಕ ಪ್ರಲಯಾಬ್ಧಿಸ್ಥ ಶ್ರೀವಟಪತ್ರಶಾಯಿ ಅಶೇಷಜಗದುದರ ,

ಅಶೇಷಮುಕ್ತನಾಭಿದೇಶೋರ್ಧ್ವಭಾಗಕುಕ್ಷ್ಯಾಖ್ಯದೇಶ ತ್ರಿವಿಧಾಶೇಷಸಂಸಾರಿನಾಭಿದೇಶ ಅಶೇಷತಮ:ಪತಿತನಾಭ್ಯಧೋಭಾಗದೇಶ ,

ಶ್ರೀಭೂಮ್ಯಾಲಿಂಗಿತ ಕಾಲಾದಿಚೇಷ್ಟಕ ಪರಮಾಣ್ವಾದಿ ಅಶೇಷಕಾಲಾವಯವ ಸೃಷ್ಟ್ಯಾದಿಕರ್ತೃರಶೇಷನಾಮಕ ,

ಪರಮಪುರುಷನಾಮಕ ಶ್ರೀಚತುರ್ಮುಖಮುಖ್ಯಪ್ರಾಣೋಪಾಸಿತಚರಣ ,

ಅನಿರುದ್ಧಾದಿಚತುರೂಪಾತ್ಮಕ ಗಾಯತ್ರೀನಾಮಕ ಸವಿತೃನಾಮಕ ರೂಪವಿಶೇಷಾತ್ಮಕ ,

ವ್ಯಾಪ್ತರೂಪ ಬೃಹಚ್ಛರೀರ ಶೂನ್ಯಾಭಿಧ ಕಾಲಾಭಿಧ ಕೇವಲಾಭಿಧ ಬ್ರಹ್ಮಾಭಿಧ ,

ಅನಂತಾಭಿಧ ರೂಪವಿಶೇಷಾತ್ಮಕ ನಿರುಪಚರಿತ ಮೂಲರೂಪ ನಿರುಪಚರಿತವ್ಯಾಪ್ತಪ್ರತಿಪಾದ್ಯ ಅನಂತತೇಜ:ಪುಂಜ ,

ತಾದೃಶರಮಾಯುಕ್ತರೂಪವಿಶೇಷಾತ್ಮಕ ,

ಗಾಯತ್ರೀ ಭೂತ ವಾಕ್ ಪೃಥಿವೀ ಶರೀರ ಹೃದಯ ಭೇದೇನ ಷಡ್ವಿಧ ಗಾಯತ್ರೀನಾಮಕ ,

ಲೋಕ-ವೇದ-ಸಮೀರ-ರಮಾಂತರ್ಗತ ಪ್ರಣವಾಖ್ಯ ತುರೀಯಪಾದೋಪೇತ ಗಾಯತ್ರೀಪಾದಚತುಷ್ಟಯಪ್ರತಿಪಾದ್ಯ ,

ವೈಕುಂಠಸ್ಥಿತ ಅನಂತಾಸನಸ್ಥಿತ ಶ್ವೇತದ್ವೀಪಸ್ಥಿತ ಸರ್ವಜೀವಸ್ಥಿತರೂಪಭೇದೇನ ಚತುರೂಪಾತ್ಮಕ ,

ದೇಹವ್ಯಾಪ್ತ ದೇಹಾಂತರ್ಯಾಮಿ ಜೀವವ್ಯಾಪ್ತ ಜೀವಂತರ್ಯಾಮಿ ರೂಪಭೇದೇನ ಚತುರೂಪಾತ್ಮಕ ,

ನಿರುಪಚರಿತಸರ್ವವಾಗರ್ಥಪ್ರತಿಪಾದಕ ,

ಶ್ರೀದೇವ್ಯಾದಿರಮಾರೂಪಾಷ್ಟಕಾಭಿಮನ್ಯಮಾನ ಚಕ್ರಶಂಖವರಾಭಯಯುಕ್ತಹಸ್ತಚತುಷ್ಟಯೋಪೇತ ,

ಪ್ರದೀಪವರ್ಣ ಸರ್ವಾಭರಣಭೂಷಿತ ವಿಶ್ವಾದಿಭಗವದ್ರೂಪಾಷ್ಟಕಪ್ರತಿಪಾದಕ ,

ಅಕಾರಾದ್ಯಷ್ಟಾಕ್ಷರಾತ್ಮಕ ಶ್ರೀಮತ್ಪ್ರಣವಾದ್ಯಷ್ಟಮಹಾಮಂತ್ರಪ್ರತಿಪಾದ್ಯ ಅಷ್ಟರೂಪಾತ್ಮಕ ,

ಮಂತ್ರಾಧ್ಯಾಯೋಕ್ತಭೂವರಾಹಾದ್ಯಶೇಷವೈಷ್ಣವಮಂತ್ರಪ್ರತಿಪಾದ್ಯ ,

ಭೂವರಾಹಾದ್ಯಶೇಷರೂಪವಿಶೇಷಾತ್ಮಕ ,

ರಮಾದಿಮಂತ್ರಪ್ರತಿಪಾದ್ಯ ರಮಾದಿನಿಷ್ಠ ರಮಾದಿನಾಮಕ ರೂಪವಿಶೇಷಾತ್ಮಕ ಶ್ರೀಲಕ್ಷ್ಮೀನೃಸಿಂಹಾತ್ಮಕ ,

ಪರಮದಯಾಲೋ ಕ್ಷಮಾಸಮುದ್ರ ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣೋ ,

ದೇಶಕಾಲಾಧಿಪತೇ ದೇಹೇಂದ್ರಿಯಾಧಿಪತೇ ಸೂರ್ಯವಂಶಧ್ವಜ ರಘುಕುಲತಿಲಕ ಲಕ್ಷ್ಮಣಭರತಶತ್ರುಘ್ನಾಗ್ರಜ ಶ್ರೀಹನುಮದುಪಾಸಿತಚರಣ ,

ಸೀತಾಪತೇ ಶ್ರೀರಾಮಚಂದ್ರ ತ್ವದಾಜ್ಞಯಾ ತ್ವತ್ಪ್ರಸಾದಾತ್ ತ್ವತ್ಪ್ರೇರಣಯಾ ತ್ವತ್ಪ್ರೀತ್ಯರ್ಥಂ ,

ತ್ವಾಂ ಉದ್ದಿಶ್ಯ ತ್ವಾಂ ಅನುಸ್ಮರನ್ನೇವ ತ್ವದಾಜ್ಞಯಾ ನಿಯತೇನ ಮನ್ನಿಯಾಮಕೇನ ,

ಸತ್ತಾಪ್ರದ ವಾಯುನಾಮಕ ಚೇಷ್ಟಾಪ್ರದ ಪ್ರಾಣನಾಮಕ ಧಾರಣಾಪ್ರದ ಧರ್ಮನಾಮಕ ಮುಕ್ತಿಪ್ರದ ಭಕ್ತಿನಾಮಕರೂಪವಿಶೇಷೈ: ಮದ್ಧೃದಿ ಸ್ಥಿತೇನ ,

ಪರಮದಯಾಲುನಾ ಕ್ಷಮಾಸಮುದ್ರೇಣ ಭಕ್ತವತ್ಸಲೇನ ಭಕ್ತಾಪರಾಧಸಹಿಷ್ಣುನಾ ,

ಸರ್ವಸ್ವಾಮಿನಾ ಸರ್ವಪ್ರೇರಕೇಣ ಸರ್ವತಾತ್ವಿಕದೇವತಾಪ್ರೇರಕೇಣ ಸರ್ವತಾತ್ವಿಕ ಅಸುರಭಂಜಕೇನ ,

ತಥಾ ತತ್ಪ್ರೇರಣಾಪ್ರಯುಕ್ತಾಶೇಷದುರ್ಮತಭಂಜಕೇನ ,

ಅತ ಏವ ಪ್ರಭಂಜನಶಬ್ದವಾಚ್ಯೇನ ,

ಪ್ರತಿದಿನಂ ಪ್ರತಿಕ್ಷಣಂ ಬುದ್ಧಿಶೋಧಕೇನ ,

ಸರ್ವಕರ್ಮಕರ್ತ್ರಾ ಸರ್ವಕರ್ಮಕಾರಯಿತ್ರಾ ಸರ್ವಕರ್ಮಸ್ವಾಮಿನಾ ಸರ್ವಕರ್ಮಸಮರ್ಪಕೇಣ ,

ಸರ್ವಕರ್ಮಫಲಭೋಕ್ತ್ರಾ ಸರ್ವಕರ್ಮಲಭೋಜಯಿತ್ರಾ ಸರ್ವಕರ್ಮಪ್ರೇರಕೇಣ ಸರ್ವಕರ್ಮೋದ್ಬೋಧಕೇನ ಸರ್ವಕರ್ಮಶುದ್ಧಿಪ್ರದೇನ
ಸರ್ವಕರ್ಮಸಿದ್ಧಿಪ್ರದೇನ ಸರ್ವಕರ್ಮನಿಷ್ಠೇನ ಸರ್ವಕರ್ಮಸಾಕ್ಷಿಣಾ ಸರ್ವಕರ್ಮನಿಷ್ಠಭಗವದ್ರೂಪೋಪಾಸಕೇನ ,

ಅಶೇಷಜೀವನಿ:ಸಂಖ್ಯ ಅನಾದಿಕಾಲೀನಧರ್ಮಾಧರ್ಮದ್ರಷ್ಟ ಸ್ವೇಚ್ಛಯಾ ಉದ್ಬೋಧಕೇನ ,

ತತ್ಪಾಚಕ ಕಪಿಲೋಪಾಸಕೇನ ರಮಾವ್ಯತಿರಿಕ್ತ ಪೂರ್ವಪ್ರಸಿದ್ಧವ್ಯತಿರಿಕ್ತ ಅನಂತವೇದಪ್ರತಿಪಾದ್ಯಮುಖ್ಯತಮ ,

ಅನಂತಗುಣಪೂರ್ಣೇನ ಸರ್ವದೋಷದೂರೇಣ ತ್ವಚ್ಚಿತ್ತಾಭಿಜ್ಞೇನ ತ್ವಚ್ಚಿತ್ತಾನುಸಾರಿಚಿತ್ತೇನ ತ್ವತ್ಪರಮಾನುಗ್ರಹಪಾತ್ರಭೂತೇನ ಮದ್ಯೋಗ್ಯತಾಭಿಜ್ಞೇನ ,

ಶ್ರೀಭಾರತೀರಮಣೇನ ರುದ್ರಾದ್ಯಶೇಷದೇವತೋಪಾಸಿತಚರಣೇನ ,

ಮಮ ಸರ್ವಾಸ್ವವಸ್ಥಾಸು ಚಿತ್ರಧಾ ವಿಚಿತ್ರಧಾ ತ್ವದುಪಾಸಕೇನ ಶ್ರೀಮುಖ್ಯಪ್ರಾಣೇನ ಪ್ರೇರಿತ: ಸನ್ ,

ತ್ವತ್ಸಂಸ್ಮತಿಪೂರ್ವಕಂ ಶಯನಾತ್ ಸಮುತ್ಥಾಯ ಅದ್ಯತನಂ ಸ್ವವರ್ಣಾಶ್ರಮೋಚಿತಂ ದೇಶಕಾಲಾವಸ್ಥೋಚಿತಂ ನಿತ್ಯನೈಮಿತ್ತಿಕಕಾಮ್ಯಭೇದೇನ
ತ್ರಿವಿಧಂ ತ್ವತ್ಪೂಜಾತ್ಮಕಂ ಕರ್ಮ ಯಥಾಶಕ್ತಿ ಯಥಾಜ್ಞಪ್ತಿ ಯಥಾವೈಭವಂ ಕರಿಷ್ಯೇ ,

ಮದಾಜ್ಞಾಕಾರಿಭಿ: ವಿದ್ಯಾಸಂಬಂಧಿಭಿ: ದೇಹಸಂಬಂಧಿಭಿಶ್ಚ ತ್ವದೀಯೈ: ಅಶೇಷಜನೈ: ತ್ವತ್ಸರ್ವಕರ್ತೃತ್ವಕಾರಯಿತೃತ್ವಾದ್ಯನುಸಂಧಾನಪೂರ್ವಕಂ ಕಾರಯಿಷ್ಯೇ ಚ |

ಇತಿ ಶ್ರೀರಾಘವೇಂದ್ರಾಖ್ಯಯತಿನಾ ಕೃತಮಂಜಸಾ ಪ್ರಾತ:ಸಂಕಲ್ಪಗದ್ಯಂ ಸ್ಯಾತ್ ಪ್ರೀತ್ಯೈ ಮಾಧವಮಧ್ವಯೋ: | |

| | ಇತಿ ಶ್ರೀರಾಘವೇಂದ್ರಯತಿವಿರಚಿತಂ ಪ್ರಾತಃಸಂಕಲ್ಪಗದ್ಯಂ | |