atha prātaḥsaṁkalpagadyam
laukikavaidikabhēdabhinna varṇātmaka dhvanyātmaka aśēṣaśabdārtha r̥gādisarvavēdārtha ,

viṣṇumaṁtrārtha puruṣasūktārtha gāyatryartha vāsudēvadvādaśākṣaramaṁtrāṁtargatādyaaṣṭākṣarārtha ,

śrīmannārāyaṇāṣṭākṣaramaṁtrārtha vāsudēvadvādaśākṣaramaṁtrāṁtargata aṁtyacaturakṣarārtha ,

vyāhr̥tyartha mātr̥kāmaṁtrārtha praṇavōpāsakānāṁ ,

pāpāviddha daityapūgāviddha śrīviṣṇubhaktyādyanaṁtaguṇaparipūrṇa ,

ramāvyatirikta pūrvaprasiddhavyatirikta anaṁtavēdapratipādyamukhyatama ,

anaṁtajīvaniyāmaka anaṁtarūpabhagavatkāryasādhaka paramadayālu
kṣamāsamudra bhaktavatsala bhaktāparādhasahiṣṇu śrīmukhyaprāṇāvatārabhūtānāṁ ,

ajña jñānārthi jñānayōgya bhagavatkr̥pāpātrabhūta sallōkakr̥pālu śrībrahmarudrādyarthitabhagavadājñāṁ
śirasi paramādarēṇa anarghyaśirōratnavat nidhāya ,

tathā aśēṣadēvatāprārthanāṁ hāravat hr̥di nidhāya sarvasvakīyasajjanānugrahēcchayā karmabhuvi avatīrṇānāṁ ,

tathā avatīrya sakalasacchāstrakaẗr̥ṇāṁ sarvadurmatabhaṁjakānāṁ
anādita: satsaṁpradāyaparaṁparāprāptaśrīmadvaiṣṇavasiddhāṁtapratiṣṭhāpakānāṁ ,

ata ēva bhagavatparamānugrahapātrabhūtānāṁ sarvadā bhagavadājñayā bhagavatsannidhau pūjyānāṁ ,

tathā bhagavatā dattavarāṇāṁ dvātriṁśallakṣaṇōpētānāṁ tathā samagragurulakṣaṇōpētānāṁ ,

asaṁśayānāṁ prasādamātrēṇa svabhaktāśēṣasaṁśayacchēttr̥ṇāṁ ,

praṇavādyaśēṣavaiṣṇavamaṁtrōddhārakāṇāṁ sarvadā sarvavaiṣṇavamaṁtrajāpakānāṁ saṁsiddhasaptakōṭimahāmaṁtrāṇāṁ ,

bhagavati bhaktyatiśayēna bhagavadupāsanārthaṁ svēcchayā gr̥hītarūpāṇāṁ ,

tatra tatra pr̥thak pr̥thak bhagavata: anaṁtarūpēṣu pr̥thak pr̥thak vēdōkta tadanukta bhāratōkta tadanukta ,

saṁpradāyāgata svētara svābhinnatayāpi aśēṣaśaktiviśēṣābhyāṁ pr̥thagvyavahāraviṣaya sarvasāmarthyōpēta ,

niravadhikānaṁtānavadyakalyāṇaguṇaparipūrṇa anaṁtaguṇōpasaṁharẗr̥ṇāṁ ,

tathā vēdōktasarvakriyōpasaṁharẗr̥ṇāṁ ,

ēvaṁ anaṁtarūpāvayavaguṇakriyājātyavasthāviśiṣṭabhagavadupāsakānāṁ ,

paramadayālūnāṁ kṣamāsamudrāṇāṁ bhaktavatsalānāṁ bhaktāparādhasahiṣṇūnāṁ ,

svabhaktān durmārgāt uddhr̥tya sanmārgasthāpakānāṁ svabhaktaṁ māṁ uddiśya bhagavata: pura: ,

paramadayālō kṣamāsamudra bhaktavatsala bhaktāparādhasahiṣṇō ,

tvadadīnaṁ dīnaṁ dūnaṁ anāthaṁ śaraṇāgataṁ ēnaṁ uddhara iti vijñāpanakarẗr̥ṇāṁ ,

sarvajñaśirōmaṇīnāṁ aśēṣagurvaṁtaryāmiṇāṁ sadā bhagavatparāṇāṁ bhagavata: anyatra sarvavastuṣu mana:saṁgarahitānāṁ ,

sarvatra sarvadā sarvākāra sarvādhāra sarvāśraya sarvōtpādaka sarvapālaka sarvasaṁhāraka ,

sarvaniyāmaka sarvaprēraka sarvapravartaka sarvanivartaka yathāyōgya sarvajñānājñānabaṁdhamōkṣaprada ,

sarvasattāprada sarvaśabdavācya sarvaśabdapravr̥ttinimitta sarvaguṇātiparipūrṇatama sarvadōṣātidūra ,

sarvāciṁtya sarvōttama sarvēśvara sarvātyaṁtavilakṣaṇa ,

svagatabhēdavivarjitatvādinā bhagavaddraṣṭr̥̄ṇāṁ ,

abhimānādisarvadōṣadūrāṇāṁ ,

asūyērṣyādyaśēṣamanōdōṣanivartakānāṁ ,

nityāparōkṣīkr̥taramāyuktāśēṣabhagavadrūpāṇāṁ ,

ata ēva vilīnāśēṣaprakr̥tibaṁdhānāṁ ,

ata ēva dūrōtsārita aśēṣāniṣṭānāṁ ,

ata ēva aśēṣabhaktāśēṣa aniṣṭanivartakānāṁ praṇavōpāsakānāṁ ,

asmadādigurūṇāṁ śrīmadānaṁdatīrtha śrīmaccaraṇānāṁ aṁtaryāmin ,

aniruddha-pradyumna-saṁkarṣaṇa-vāsudēvātmaka ,

śrīmadhvavallabha śrīlakṣmīvēdavyāsātmaka ,

aṁḍasthita anaṁtarūpāvayavaguṇakriyājātyavasthāviśiṣṭa ramāyukta kṣīrābdhiśēṣaśāyi śrīpadmanābhātmaka ,

aṁḍād bahirabhivyakta śuddhasr̥ṣṭitvēna abhimata
śrīcaturmukhamukhyaprāṇōpāsyatvādyanēkaprayōjanaka anaṁtānaṁtarūpamūlabhūta ,

tathā aśēṣajagatpālanaprayōjanaka śāṁtipati aniruddhamūlabhūta ,

tathā aśēṣajagat sr̥ṣṭiprayōjanaka kr̥tipati pradyumnamūlabhūta ,

tathā aśēṣajagatsaṁhāraprayōjanaka jayāpati saṁkarṣaṇamūlabhūta ,

tathā svasvasamagrayōgyatābhijña paramānugrahaśīla bhagavatprēritacaturmukhādisadgurūpadiṣṭa ,

svasvayōgyabhagavadrūpaguṇōpāsanayā saṁjāta svasvayōgyabhagavadrūpaviśēṣadarśanabhōgābhyāṁ ,

vinaṣṭāniṣṭasaṁcitaprārabdhalakṣaṇāśēṣakarmaṇāṁ ,

svasvayōgyatānusārēṇa saṁpūrṇasādhanānāṁ ,

pūrvakalpē brahmaṇā saha virajānadīsnānēna tyaktaliṁgānāṁ ,

tathā vinaṣṭāvaśiṣṭēṣṭa aśēṣaprārabdhakarmaṇāṁ ,

pralayakālē bhagavadudarē vasatāṁ ānaṁdamātravapuṣāṁ tadanubhavarahitānāṁ ,

svasvayōgyabhagadrūpaviśēṣadhyānaratānāṁ ,

sr̥ṣṭikālē bhagavadudarād bahirgatānāṁ ,

śrīśvētadvīpadarśanaṁ nimittīkr̥tya pradhānāvaraṇabhūta svēcchāpasaraṇēna
svasvayōgyānaṁdāvirbhāvalakṣaṇa muktipradānaprayōjanaka ,

māyāpati śrīvāsudēvātmaka lakṣmyātmaka pralayābdhistha śrīvaṭapatraśāyi aśēṣajagadudara ,

aśēṣamuktanābhidēśōrdhvabhāgakukṣyākhyadēśa trividhāśēṣasaṁsārinābhidēśa aśēṣatama:patitanābhyadhōbhāgadēśa ,

śrībhūmyāliṁgita kālādicēṣṭaka paramāṇvādi aśēṣakālāvayava sr̥ṣṭyādikartr̥raśēṣanāmaka ,

paramapuruṣanāmaka śrīcaturmukhamukhyaprāṇōpāsitacaraṇa ,

aniruddhādicaturūpātmaka gāyatrīnāmaka savitr̥nāmaka rūpaviśēṣātmaka ,

vyāptarūpa br̥haccharīra śūnyābhidha kālābhidha kēvalābhidha brahmābhidha ,

anaṁtābhidha rūpaviśēṣātmaka nirupacarita mūlarūpa nirupacaritavyāptapratipādya anaṁtatēja:puṁja ,

tādr̥śaramāyuktarūpaviśēṣātmaka ,

gāyatrī bhūta vāk pr̥thivī śarīra hr̥daya bhēdēna ṣaḍvidha gāyatrīnāmaka ,

lōka-vēda-samīra-ramāṁtargata praṇavākhya turīyapādōpēta gāyatrīpādacatuṣṭayapratipādya ,

vaikuṁṭhasthita anaṁtāsanasthita śvētadvīpasthita sarvajīvasthitarūpabhēdēna caturūpātmaka ,

dēhavyāpta dēhāṁtaryāmi jīvavyāpta jīvaṁtaryāmi rūpabhēdēna caturūpātmaka ,

nirupacaritasarvavāgarthapratipādaka ,

śrīdēvyādiramārūpāṣṭakābhimanyamāna cakraśaṁkhavarābhayayuktahastacatuṣṭayōpēta ,

pradīpavarṇa sarvābharaṇabhūṣita viśvādibhagavadrūpāṣṭakapratipādaka ,

akārādyaṣṭākṣarātmaka śrīmatpraṇavādyaṣṭamahāmaṁtrapratipādya aṣṭarūpātmaka ,

maṁtrādhyāyōktabhūvarāhādyaśēṣavaiṣṇavamaṁtrapratipādya ,

bhūvarāhādyaśēṣarūpaviśēṣātmaka ,

ramādimaṁtrapratipādya ramādiniṣṭha ramādināmaka rūpaviśēṣātmaka śrīlakṣmīnr̥siṁhātmaka ,

paramadayālō kṣamāsamudra bhaktavatsala bhaktāparādhasahiṣṇō ,

dēśakālādhipatē dēhēṁdriyādhipatē sūryavaṁśadhvaja raghukulatilaka lakṣmaṇabharataśatrughnāgraja śrīhanumadupāsitacaraṇa ,

sītāpatē śrīrāmacaṁdra tvadājñayā tvatprasādāt tvatprēraṇayā tvatprītyarthaṁ ,

tvāṁ uddiśya tvāṁ anusmarannēva tvadājñayā niyatēna manniyāmakēna ,

sattāprada vāyunāmaka cēṣṭāprada prāṇanāmaka dhāraṇāprada dharmanāmaka muktiprada bhaktināmakarūpaviśēṣai: maddhr̥di sthitēna ,

paramadayālunā kṣamāsamudrēṇa bhaktavatsalēna bhaktāparādhasahiṣṇunā ,

sarvasvāminā sarvaprērakēṇa sarvatātvikadēvatāprērakēṇa sarvatātvika asurabhaṁjakēna ,

tathā tatprēraṇāprayuktāśēṣadurmatabhaṁjakēna ,

ata ēva prabhaṁjanaśabdavācyēna ,

pratidinaṁ pratikṣaṇaṁ buddhiśōdhakēna ,

sarvakarmakartrā sarvakarmakārayitrā sarvakarmasvāminā sarvakarmasamarpakēṇa ,

sarvakarmaphalabhōktrā sarvakarmalabhōjayitrā sarvakarmaprērakēṇa sarvakarmōdbōdhakēna sarvakarmaśuddhipradēna
sarvakarmasiddhipradēna sarvakarmaniṣṭhēna sarvakarmasākṣiṇā sarvakarmaniṣṭhabhagavadrūpōpāsakēna ,

aśēṣajīvani:saṁkhya anādikālīnadharmādharmadraṣṭa svēcchayā udbōdhakēna ,

tatpācaka kapilōpāsakēna ramāvyatirikta pūrvaprasiddhavyatirikta anaṁtavēdapratipādyamukhyatama ,

anaṁtaguṇapūrṇēna sarvadōṣadūrēṇa tvaccittābhijñēna tvaccittānusāricittēna tvatparamānugrahapātrabhūtēna madyōgyatābhijñēna ,

śrībhāratīramaṇēna rudrādyaśēṣadēvatōpāsitacaraṇēna ,

mama sarvāsvavasthāsu citradhā vicitradhā tvadupāsakēna śrīmukhyaprāṇēna prērita: san ,

tvatsaṁsmatipūrvakaṁ śayanāt samutthāya adyatanaṁ svavarṇāśramōcitaṁ dēśakālāvasthōcitaṁ nityanaimittikakāmyabhēdēna
trividhaṁ tvatpūjātmakaṁ karma yathāśakti yathājñapti yathāvaibhavaṁ kariṣyē ,

madājñākāribhi: vidyāsaṁbaṁdhibhi: dēhasaṁbaṁdhibhiśca tvadīyai: aśēṣajanai: tvatsarvakartr̥tvakārayitr̥tvādyanusaṁdhānapūrvakaṁ kārayiṣyē ca |

iti śrīrāghavēṁdrākhyayatinā kr̥tamaṁjasā prāta:saṁkalpagadyaṁ syāt prītyai mādhavamadhvayō: ||

|| iti śrīrāghavēṁdrayativiracitaṁ prātaḥsaṁkalpagadyam ||