நாராயணவர்ம 
|| அத² நாராயணவர்ம ||
யயா கு³ப்த: ஸஹஸ்ராக்ஷ: ஸவாஹான் ரிபுஸைனிகான் |  
க்ரீட³ன்னிவ விநிர்ஜித்ய த்ரைலோக்யா பு³பு⁴ஜே ஶ்ரியம் || 1|| 
ப⁴க³வம்ʼஸ்தன்மமாக்²யாஹி வர்ம நாராயணாத்மகம் | 
யதா²ததாயின: ஶத்ரூன்யேன கு³ப்தோ ஜயன்ம்ருʼதே⁴ || 2|| 
பா³த³ராயணிருவாச-
வ்ருʼத: புரோஹிதஸ்த்வாஷ்ட்ரோ மஹேந்த்³ராயானுப்ருʼச்ச²தே | 
நாராயணாக்²யம்ʼ வர்மாஹ ததி³ஹைகமனா: ஶ்ருணு || 3|| 
விஶ்வரூப உவாச- 
தௌ⁴தாங்க்⁴ரிபாணிராசம்ய ஸபவித்ர உத³ங்முக²: | 
க்ருʼதஸ்வாங்க³கரந்யாஸோ மந்த்ராப்⁴யாம்ʼ வாக்³யத: ஶுசி: || 4|| 
நாராயணமயம்ʼ வர்ம ஸன்னஹ்யேத்³ ப⁴ய ஆக³தே | 
தை³வபூ⁴தாத்மகர்மப்⁴யோ நாராயணமய: புமான் || 5|| 
பாத³யோர்ஜானுனோருர்வோருத³ரே ஹ்ருʼத்³யதோ²ரஸி | 
முகே² ஶிரஸ்யானுபூர்வ்யாதோ³ங்காராதீ³னி வின்யஸேத் || 6|| 
ஓம்ʼ நமோ நாராயணாயேதி விபர்யயமதா²பி வா | 
கரந்யாஸம்ʼ தத: குர்யாத் த்³வாத³ஶாக்ஷரவித்³யயா || 7|| 
ப்ரணவாதி³யகாராந்தமங்கு³ல்யங்கு³ஷ்ட²பர்வஸு | 
ந்யஸேத்³ ஹ்ருʼத³ய ஓங்காரம்ʼ விகாரமனு மூர்த⁴னி || 8|| 
ஷகாரம்ʼ து ப்⁴ருவோர்மத்⁴யே ணகாரம்ʼ ஶிக²யா தி³ஶேத் | 
வேகாரம்ʼ நேத்ரயோர்யுஞ்ஜ்யான்–நகாரம்ʼ ஸர்வஸந்தி⁴ஷு || 9|| 
மகாரமஸ்த்ரமுத்³தி³ஶ்ய மந்த்ரமூர்திர்ப⁴ர்வேத்³பு³த⁴: | 
ஸவிஸர்க³ம்ʼ ப²ட³ந்தம்ʼ து ஸர்வதி³க்ஷு விநிர்தி³ஶேத் || 10|| 
||  ஓம்ʼ விஷ்ணவே நம: இதி || 
ஆத்மானம்ʼ பரமம்ʼ த்⁴யாயேத் த்⁴யேயம்ʼ ஷட்³ஶக்திபி⁴ர்யுதம் | 
வித்³யாதேஜஸ்தபோமூர்திரிமம்ʼ மந்த்ரமுதா³ஹரேத் || 11|| 
ஓம்ʼ ஹரிர்வித³த்⁴யான்மம ஸர்வரக்ஷாம்ʼ ந்யஸ்தாங்க்⁴ரிபத்³ம: பதகே³ந்த்³ரப்ருʼஷ்டே² | 
த³ராரிசர்மாஸிக³தே³ஷு சாபபாஶான் த³தா⁴னோऽஷ்டகு³ணோऽஷ்டபா³ஹு: || 12|| 
ஜலேஷு மாம்ʼ ரக்ஷது மத்ஸ்யமூர்திர்யாதோ³க³ணேப்⁴யோ வருணஸ்ய பாஶாத் | 
ஸ்த²லே ச மாயாவடுவாமனோऽவ்யாத் த்ரிவிக்ரம: கே²ऽவது விஶ்வரூப: || 
து³ர்கே³ஷ்வடவ்யாஜிமுகா²தி³ஷு ப்ரபு⁴: பாயான்–ந்ருʼஸிம்ʼஹோऽஸுரயூத²பாரி: | 
விமுஞ்சதோ யஸ்ய மஹாட்டஹாஸம்ʼ தி³ஶோ வினேது³ர்ந்யபதம்ʼஶ்ச க³ர்பா⁴: || 14|| 
ரக்ஷத்வஸௌ மாऽத்⁴வனி யக்ஞகல்ப: ஸ்வத³ம்ʼஷ்ட்ரயோன்னீதத⁴ரோ வராஹ: | 
ராமோऽத்³ரிகூடேஷ்வத² விப்ரவாஸே ஸலக்ஷ்மணோऽவ்யாத்³ ப⁴ரதாக்³ரஜோ மாம் || 
மாமுக்³ரத⁴ன்வா நிகி²லாத் ப்ரமாதா³த் நாராயண: பாது நரஶ்ச ஹாஸாத் | 
த³த்தஸ்த்வயோகா³த³த² யோக³நாத²: பாயாத்³கு³ணேஶ: கபில: கர்மப³ந்தா⁴த் || 
ஸனத்குமாரோऽவது காமதே³வாத்³த⁴யஶீர்ஷோ மாம்ʼ பதி² தே³வஹேலனாத் |  
தே³வர்ஷிவர்ய: புருஷாந்தரார்சனாத் கூர்மோ ஹரிர்மாம்ʼ நிரயாத³ஶேஷாத் || 17|| 
த⁴ன்வந்தரிர்ப⁴க³வான்பாத்வபத்²யாத் த்³வந்த்³வாத்³ப⁴யாத்³ருʼஷபோ⁴ நிர்ஜிதாத்மா | 
யக்ஞஶ்ச லோகாது³த தத்க்ருʼதான்னோ ப³லோ க³ணாத் க்ரோத⁴வஶாத³ஹீந்த்³ர: || 
த்³வைபாயனோ ப⁴க³வான் ஸம்ப்ரமோஹாத் பு³த்³த⁴ஸ்து பாக²ண்ட³க³ணாத்ப்ரமாதா³த் | 
கல்கீ கலே: காலமலாத் ப்ரபாது த⁴ர்மாவனாயோருக்ருʼதாவதார: || 19|| 
மாம்ʼ கேஶவோ க³த³யா ப்ராதரவ்யாத் கோ³விந்த³ ஆஸங்க³வ ஆத்தவேணு: | 
நாராயண: பாது ஸதா³த்தஶக்திர்மத்⁴யந்தி³னே விஷ்ணுரரீந்த்³ரபாணி: || 20|| 
தே³வோऽபராஹ்ணே மது⁴ஹோக்³ரத⁴ன்வா ஸாயம்ʼ த்ரிதா⁴மாவது மாத⁴வோ மாம் | 
தோ³ஷே ஹ்ருʼஷீகேஶ உதார்த⁴ராத்ரே நிஶீத² ஏகோऽவது பத்³மநாப⁴: || 21|| 
ஶ்ரீவத்ஸலக்ஷ்மாऽபரராத்ர ஈஶ: ப்ரத்யூஷ ஈஶோऽஸித⁴ரோ ஜனார்த³ன: | 
தா³மோத³ரோऽவ்யாத³னுஸந்த்⁴யம்ʼ ப்ரபா⁴தே விஷ்ணு: ஶ்ரீமான்ப⁴க³வான்காலமூர்தி: || 
சக்ரம்ʼ யுகா³ந்தானிலதிக்³மநேமிப்⁴ரமத்ஸமந்தாத்³ப⁴க³வத்ப்ரயுக்தம் | 
த³ந்த³க்³தி⁴ த³ந்த³க்³த்⁴யரிஸைன்யமாஶு கக்ஷம்ʼ யதா² வாதஸகோ² ஹுதாஶ: || 23|| 
க³தே³ऽஶனிஸ்பர்ஶனவிஸ்பு²லிங்கே³ நிஷ்பிண்டி⁴ நிஷ்பிண்ட்⁴யஜிதப்ரியாஸி | 
கூஷ்மாண்ட³வைநாயகயக்ஷரக்ஷோபூ⁴தக்³ரஹாம்ʼஶ்சூர்ணய சூர்ணயாரீன் || 24|| 
த்வம்ʼ யாதுதா⁴னப்ரமத²ப்ரேதமாத்ருʼபிஶாசவிப்ரக்³ரஹகோ⁴ரத்³ருʼஷ்டீன் | 
த³ரேந்த்³ர வித்³ராவய க்ருʼஷ்ணபூரிதோ பீ⁴மஸ்வனோऽரீன் ஹ்ருʼத³யானி கம்பயன் || 
த்வம்ʼ திக்³மதா⁴ராஸி வராரிஸைன்யம் ஈஶப்ரயுக்தோ மம சி²ந்தி⁴ சி²ந்தி⁴ |  
சக்ஷூம்ʼஷி சர்மஞ்ச²தசந்த்³ர சா²த³ய த்³விஷாமக⁴ம்ʼ நோ ஹர பாபசக்ஷுஷாம் || 
யன்னோ ப⁴யம்ʼ க்³ரஹேப்⁴யோऽபூ⁴த் கேதுப்⁴யோ ந்ருʼப்⁴ய ஏவ ச |  
ஸரீஸ்ருʼபேப்⁴யோ த³ம் ̐ஷ்ட்ரிப்⁴யோ பூ⁴தேப்⁴யோऽகே⁴ப்⁴ய ஏவ ச || 27|| 
ஸர்வாண்யேதானி ப⁴க³வன்நாமரூபாஸ்த்ரகீர்தனாத் |  
ப்ரயாந்து ஸங்க்ஷயம்ʼ ஸத்³யோ யேऽன்யே ஶ்ரேய:ப்ரதீபகா: || 28|| 
க³ருடோ³ ப⁴க³வாம்ʼஸ்தோத்ரஸ்தோமச்ச²ந்தோ³மய: ப்ரபு⁴: | 
ரக்ஷத்வஶேஷக்ருʼச்²ரேப்⁴யோ விஷ்வக்ஸேன: ஸ்வநாமபி⁴: || 29|| 
ஸர்வாபத்³ப்⁴யோ ஹரேர்நாமரூபயானாயுதா⁴னி ந: | 
பு³த்³தீ⁴ந்த்³ரியமன: ப்ராணான் பாந்து பார்ஷத³பூ⁴ஷணா: || 30|| 
யதா² ஹி ப⁴க³வானேவ வஸ்துத: ஸத³ஸச்ச யத் |  
ஸத்யேன தேன ந: ஸர்வே யாந்து நாஶமுபத்³ரவா: || 31|| 
யதை²காத்மானுபா⁴வேன விகல்பரஹித: ஸ்வயம் | 
பூ⁴ஷணாயுத⁴லிங்கா³க்²யா த⁴த்தே ஶக்தீ: ஸ்வமாயயா || 32|| 
தேனைவ ஸத்யமானேன ஸர்வக்ஞோ ப⁴க³வான் ஹரி: | 
பாது ஸர்வை: ஸ்வரூபைர்ந: ஸதா³ ஸர்வத்ர ஸர்வக³: || 33|| 
விதி³க்ஷு தி³க்ஷூர்த்⁴வமத⁴: ஸமந்தாத³ந்தர்ப³ஹிர்ப⁴க³வான்–நாரஸிம்ʼஹ: | 
ப்ரஹாபயன் லோகப⁴யம்ʼ ஸ்வனேன ஸ்வதேஜஸா க்³ரஸ்தஸமஸ்ததேஜா: || 34|| 
விஶ்வரூப உவாச 
மக⁴வன்னித³மாக்²யாதம்ʼ வர்ம நாராயணாத்மகம் |  
விஜேஷ்யஸ்யஞ்ஜஸா யேன த³ம்ʼஶிதோऽஸுரயூத²பான் || 35||  
ஏதத்³தா⁴ரயமாணஸ்து யம்ʼ யம்ʼ பஶ்யதி சக்ஷுஷா |  
பதா³ வா ஸம்ʼஸ்ப்ருʼஶேத் ஸத்³ய: ஸாத்⁴வஸாத் ஸ விமுச்யதே || 36|| 
ந குதஶ்சித்³ ப⁴யம்ʼ தஸ்ய வித்³யாம்ʼ தா⁴ரயதோ ப⁴வேத் | 
ராஜத³ஸ்யுக்³ரஹாதி³ப்⁴யோ வ்யாத்⁴யாதி³ப்⁴யஶ்ச கர்ஹிசித் || 37|| 
இமாம்ʼ வித்³யாம்ʼ புரா கஶ்சித் கௌஶிகோ தா⁴ரயன் த்³விஜ: | 
யோக³தா⁴ரணயா ஸ்வாங்க³ம்ʼ ஜஹௌ ஸ மருத⁴ன்வனி || 38|| 
தஸ்யோபரி விமானேன க³ந்த⁴ர்வபதிரேகதா³ | 
யயௌ சித்ரரத²: ஸ்த்ரீபி⁴ர்வ்ருʼதோ யத்ர த்³விஜக்ஷய: || 39|| 
ஸாங்க³னோ ந்யபதத் ஸத்³ய: ஸவிமானோ ஹ்யவாக்ஶிரா: | 
வித்³யாமிமாம்ʼ தா⁴ரயதோ ம்ருʼதஸ்யாஸ்தி²விலங்க⁴னாத் || 40|| 
ஸ பா³லகி²ல்யவசனாத³ஸ்தீ²ன்யாதா³ய விஸ்மித: | 
ப்ராஸ்ய ப்ராசீ ஸரஸ்வத்யாம்ʼ ஸ்நாத்வா தா⁴ம ஸ்வமன்வகா³த் || 41|| 
ய இத³ம்ʼ ஶ்ருʼணுயாத் காலே யோ தா⁴ரயதி சாத்³ருʼத: | 
தம்ʼ நமஸ்யந்தி பூ⁴தானி முச்யதே ஸர்வதோ ப⁴யாத் || 42|| 
ஏதாம்ʼ வித்³யாமதி⁴க³தோ விஶ்வரூபாச்ச²தக்ரது: | 
த்ரைலோக்யலக்ஷ்மீம்ʼ பு³பு⁴ஜே விநிர்ஜித்ய ம்ருʼதே⁴ऽஸுராத் || 43|| 
||  இதி ஶ்ரீமத்³பா⁴க³வதே ஷஷ்ட²ஸ்கந்தே⁴ அஷ்டமோऽத்⁴யாய: ||