|| atha nArAyaNavarma ||

yayA guptaH sahasrAkShaH savAhAn ripusainikAn |
krIDanniva vinirjitya trailokyA bubhuje shriyam ||1||

bhagavaMstanmamAkhyAhi varma nArAyaNAtmakam |
yathAtatAyinaH shatrUnyena gupto jayanmRRidhe ||2||

bAdarAyaNiruvAcha-
vRRitaH purohitastvAShTro maheMdrAyAnupRRichChate |
nArAyaNAkhyaM varmAha tadihaikamanAH shruNu ||3||

vishvarUpa uvAcha-
dhautAMghripANirAchamya sapavitra uda~NmukhaH |
kRRitasvAMgakaranyAso maMtrAbhyAM vAgyataH shuchiH ||4||

nArAyaNamayaM varma sannahyed bhaya Agate |
daivabhUtAtmakarmabhyo nArAyaNamayaH pumAn ||5||

pAdayorjAnunorurvorudare hRRidyathorasi |
mukhe shirasyAnupUrvyAdoMkArAdIni vinyaset ||6||

OM namo nArAyaNAyeti viparyayamathApi vA |
karanyAsaM tataH kuryAt dvAdashAkSharavidyayA ||7||

praNavAdiyakArAMtamaMgulyaMguShThaparvasu |
nyased hRRidaya oMkAraM vikAramanu mUrdhani ||8||

ShakAraM tu bhruvormadhye NakAraM shikhayA dishet |
vekAraM netrayoryuMjyAnnakAraM sarvasaMdhiShu ||9||

makAramastramuddishya maMtramUrtirbharvedbudhaH |
savisargaM phaDaMtaM tu sarvadikShu vinirdishet ||10||

|| OM viShNave namaH iti ||

AtmAnaM paramaM dhyAyet dhyeyaM ShaTshaktibhiryutam |
vidyAtejastapomUrtirimaM maMtramudAharet ||11||

OM harirvidadhyAnmama sarvarakShAM
nyastAMghripadmaH patageMdrapRRiShThe |
darAricharmAsigadeShu chApa-
pAshAn dadhAno.aShTaguNo.aShTabAhuH ||12||

jaleShu mAM rakShatu matsyamUrtiH
yAdogaNebhyo varuNasya pAshAt |
sthale cha mAyAvaTuvAmano.avyAt
trivikramaH khe.avatu vishvarUpaH ||13||

durgeShvaTavyAjimukhAdiShu prabhuH
pAyAnnRRisiMho.asurayUthapAriH |
vimuMchato yasya mahATTahAsaM
disho vinedurnyapataMshcha garbhAH ||14||

rakShatvasau mA.adhvani yaj~nakalpaH
svadaMShTrayonnItadharo varAhaH |
rAmo.adrikUTeShvatha vipravAse
salakShmaNo.avyAd bharatAgrajo mAm ||15||

mAmugradhanvA nikhilAt pramAdAt
nArAyaNaH pAtu narashcha hAsAt |
dattastvayogAdatha yoganAthaH
pAyAdguNeshaH kapilaH karmabaMdhAt ||16||

sanatkumAro.avatu kAmadevAt
hayashIrSho mAM pathi devahelanAt |
devarShivaryaH puruShAMtarArchanAt
kUrmo harirmAM nirayAdasheShAt ||17||

dhanvaMtarirbhagavAnpAtvapathyAt
dvaMdvAdbhayAdRRiShabho nirjitAtmA |
yaj~nashcha lokAduta tatkRRitAnno
balo gaNAt krodhavashAdahIMdraH ||18||

dvaipAyano bhagavAn sampramohAt
buddhastu pAkhaMDagaNAtpramAdAt |
kalkI kaleH kAlamalAt prapAtu
dharmAvanAyorukRRitAvatAraH ||19||

mAM keshavo gadayA prAtaravyAt
goviMda AsaMgava AttaveNuH |
nArAyaNaH pAtu sadAttashaktiH
madhyaMdine viShNurarIMdrapANiH ||20||

devo.aparAhNe madhuhogradhanvA
sAyaM tridhAmAvatu mAdhavo mAm |
doShe hRRiShIkesha utArdharAtre
nishItha eko.avatu padmanAbhaH ||21||

shrIvatsalakShmA.apararAtra IshaH
pratyUSha Isho.asidharo janArdanaH |
dAmodaro.avyAdanusaMdhyaM prabhAte
viShNuH shrImAnbhagavAnkAlamUrtiH ||22||

chakraM yugAMtAnilatigmanemi-
bhramatsamaMtAdbhagavatprayuktam |
daMdagdhi daMdagdhyarisainyamAshu
kakShaM yathA vAtasakho hutAshaH ||23||

gade.ashanisparshanavisphuliMge
niShpiMDhi niShpiMDhyajitapriyAsi |
kUShmAMDavainAyakayakSharakSho-
bhUtagrahAMshchUrNaya chUrNayArIn ||24||

tvaM yAtudhAnapramathapretamAtRRipi-
shAchavipragrahaghoradRRiShTIn |
dareMdra vidrAvaya kRRiShNapUrito
bhImasvano.arIn hRRidayAni kaMpayan ||25||

tvaM tigmadhArAsi varArisainyaM
Ishaprayukto mama ChiMdhi ChiMdhi |
chakShUMShi charmaMChatachaMdra ChAdaya
dviShAmaghaM no hara pApachakShuShAm ||26|

yanno bhayaM grahebhyo.abhUt ketubhyo nRRibhya eva cha |
sarIsRRipebhyo daMShTribhyo bhUtebhyo.aghebhya eva cha ||27||

sarvANyetAni bhagavannAmarUpAstrakIrtanAt |
prayAMtu saMkShayaM sadyo ye.anye shreyaHpratIpakAH ||28||

garuDo bhagavAMstotrastomachChaMdomayaH prabhuH |
rakShatvasheShakRRiChrebhyo viShvaksenaH svanAmabhiH ||29||

sarvApadbhyo harernAmarUpayAnAyudhAni naH |
buddhIMdriyamanaH prANAn pAMtu pArShadabhUShaNAH ||30||

yathA hi bhagavAneva vastutaH sadasachcha yat |
satyena tena naH sarve yAMtu nAshamupadravAH ||31||

yathaikAtmAnubhAvena vikalparahitaH svayam |
bhUShaNAyudhiliMgAkhyA dhatte shaktIH svamAyayA ||32||

tenaiva satyamAnena sarvaj~no bhagavAn hariH |
pAtu sarvaiH svarUpairnaH sadA sarvatra sarvagaH ||33||

vidikShu dikShUrdhvamadhaH samaMtAdaMtarbahirbhagavAnnArasiMhaH |
prahApayan lokabhayaM svanena svatejasA grastasamastatejAH ||34||

vishvarUpa uvAcha-
maghavannidamAkhyAtaM varma nArAyaNAtmakam |
vijeShyasyaMjasA yena daMshito.asurayUthapAn ||35||

etaddhArayamANastu yaM yaM pashyati chakShuShA |
padA vA saMspRRishet sadyaH sAdhvasAt sa vimuchyate ||36||

na kutashchid bhayaM tasya vidyAM dhArayato bhavet |
rAjadasyugrahAdibhyo vyAdhyAdibhyashcha karhichit ||37||

imAM vidyAM purA kashchit kaushiko dhArayan dvijaH |
yogadhAraNayA svAMgaM jahau sa marudhanvani ||38||

tasyopari vimAnena gaMdharvapatirekadA |
yayau chitrarathaH strIbhirvRRito yatra dvijakShayaH ||39||

sAMgano nyapatat sadyaH savimAno hyavAkshirAH |
vidyAmimAM dhArayato mRRitasyAsthivilaMghanAt ||40||

sa bAlakhilyavachanAdasthInyAdAya vismitaH |
prAsya prAchI sarasvatyAM snAtvA dhAma svamanvagAt ||41||

ya idaM shRRiNuyAt kAle yo dhArayati chAdRRitaH |
taM namasyaMti bhUtAni muchyate sarvato bhayAt ||42||

etAM vidyAmadhigato vishvarUpAchChatakratuH |
trailokyalakShmIM bubhuje vinirjitya mRRidhe.asurAt ||43||

|| iti shrImadbhAgavate ShaShThaskaMdhe aShTamo.adhyAyaH ||