ந்ருʼஸிம்ʼஹஸ்துதி:
|| அத² ந்ருʼஸிம்ʼஹஸ்துதி: ||
உத³யரவிஸஹஸ்ரத்³யோதிதம்ʼ ரூக்ஷவீக்ஷம்ʼ 
ப்ரலயஜலதி⁴நாத³ம்ʼ கல்பக்ருʼத்³வஹ்னிவக்த்ரம் |   
ஸுரபதிரிபுவக்ஷஶ்சே²த³ரக்தோக்ஷிதாங்க³ம்ʼ 
ப்ரணதப⁴யஹரம்ʼ தம்ʼ நாரஸிம்ʼஹம்ʼ நமாமி 	|| 1|| 
ப்ரலயரவிகராலாகாரருக்சக்ரவாலம்ʼ 
விரலயது³ருரோசீரோசிதாஶாந்தரால |   
ப்ரதிப⁴யதமகோபாத்யுத்கடோச்சாட்டஹாஸின் 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 2|| 
ஸரஸரப⁴ஸபாதா³பாதபா⁴ராபி⁴ராவ-
ப்ரசகிதசலஸப்தத்³வந்த்³வலோகஸ்துதஸ்த்வம் |    
ரிபுருதி⁴ரநிஷேகேணேவ ஶோணாங்க்⁴ரிஶாலின் 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 3|| 
தவ க⁴னக⁴னகோ⁴ஷோ கோ⁴ரமாக்⁴ராய ஜங்கா⁴-
பரிக⁴மலகு⁴மூருவ்யாஜதேஜோகி³ரிம்ʼ ச | 
க⁴னவிக⁴டிதமாகா³த்³தை³த்யஜங்கா⁴லஸங்கோ⁴ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 4|| 
கடகிகடகராஜத்³தா⁴டகாக்³ரயஸ்த²லாபா⁴
ப்ரகடபடதடித்தே ஸத்கடிஸ்தா²ऽதிபட்வீ |    
கடுககடுகது³ஷ்டாடோபத்³ருʼஷ்டிப்ரமுஷ்டௌ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 5|| 
ப்ரக²ரநக²ரவஜ்ரோத்கா²தரூக்ஷாரிவக்ஷ:
ஶிக²ரிஶிக²ரரக்தைராக்தஸந்தோ³ஹதே³ஹ |   
ஸுவலிப⁴ ஶுப⁴குக்ஷே ப⁴த்³ரக³ம்பீ⁴ரநாபே⁴ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 6|| 
ஸ்பு²ரயதி தவ ஸாக்ஷாத் ஸைவ நக்ஷத்ரமாலா 
க்ஷபிததி³திஜவக்ஷோவ்யாப்தநக்ஷத்ரமார்க³ம் |   
அரித³ரத⁴ர ஜான்வாஸக்தஹஸ்தத்³வயாஹோ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 7||  
கடுவிகடஸடௌகோ⁴த்³க⁴ட்டனாத்³ப்⁴ரஷ்டபூ⁴யோ
க⁴னபடலவிஶாலாகாஶலப்³தா⁴வகாஶம் |   
கரபரிக⁴விமர்த³ப்ரோத்³யமம்ʼ த்⁴யாயதஸ்தே 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 8|| 
ஹட²லுட²த³லகி⁴ஷ்டோ²த்கண்ட² த³ஷ்டோஷ்ட² வித்³யுத்- 
ஸட ஶட²கடி²னோர: பீட²பி⁴த்ஸுஷ்டு நிஷ்டா²ம் |   
பட²தி நு தவ கண்டா²தி⁴ஷ்ட²கோ⁴ராந்த்ரமாலா 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 9|| 
ஹ்ருʼதப³ஹுமிஹிராபா⁴ஸஹ்யஸம்ʼஹாரரம்ʼஹோ-
ஹுதவஹப³ஹுஹேதிஹ்ரேஷிகானந்தஹேதி |   
அஹிதவிஹிதமோஹம்ʼ ஸம்ʼவஹன் ஸைம்ʼஹமாஸ்யம்ʼ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 10||  
கு³ருகு³ருகி³ரிராஜத்கந்த³ராந்தர்க³தே வா 
தி³னமணிமணிஶ்ருʼங்கே³ வாந்தவஹ்னிப்ரதீ³ப்தே |    
த³த⁴த³திகடுத³ம்ʼஷ்ட்ரே பீ⁴ஷணோஜ்ஜிஹ்வவக்த்ரே 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 11|| 
அத⁴ரிதவிபு³தா⁴ப்³தி⁴த்⁴யானதை⁴ர்யம்ʼ விதீ³த்⁴யத்³-
விவித⁴விபு³த⁴தீ⁴ஶ்ரத்³தா⁴பிதேந்த்³ராரிநாஶம் |   
வித³த⁴த³திகடாஹோத்³க⁴ட்டனேத்³தா⁴ட்டஹாஸம் 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 12||   
த்ரிபு⁴வனத்ருʼணமாத்ரத்ராணத்ருʼஷ்ணம்ʼ து நேத்ர-
த்ரயமதிலகி⁴தார்சிர்விஷ்டபாவிஷ்டபாத³ம்  |    
நவதரரவிதாம்ரம்ʼ தா⁴ரயன் ரூக்ஷவீக்ஷம்ʼ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 13|| 
ப்⁴ரமத³பி⁴ப⁴வபூ⁴ப்⁴ருʼத்³பூ⁴ரி பூ⁴பா⁴ரஸத்³பி⁴த்³-
பி⁴த³நவவிப⁴வப்⁴ரூவிப்⁴ரமாத³ப்⁴ரஶுப்⁴ர |    
ருʼபு⁴ப⁴வப⁴யபே⁴த்தர்பா⁴ஸி போ⁴ போ⁴ விபா⁴பி⁴: 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 14|| 
ஶ்ரவணக²சிதசஞ்சத்குண்ட³லோல்லாஸிக³ண்ட³-
ப்⁴ருகுடிகடுலலாட ஶ்ரேஷ்ட²னாஸாருணோஷ்ட² |    
வரத³ ஸுரத³ ராஜத்கேஸரோத்ஸாரிதாரே 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 15|| 
ப்ரவிகசகசராஜத்³ரத்னகோடீரஶாலின் 
க³லக³தக³லது³ஸ்ரோதா³ரரத்னங்க³தா³ட்³ய |    
கனககடககாஞ்சீஸிஞ்ஜினீமுத்³ரிகாவன் 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 16|| 
அரித³ரமஸிகே²டௌ சாபபா³ணே க³தா³ம்ʼ ஸன்-
முஸலமபி கராப்⁴யாமங்குஶம்ʼ பாஶவர்யம் |   
கரயுக³லத்⁴ருʼதாந்த்ரஸ்ரக்³விபி⁴ன்னாரிவக்ஷோ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 17|| 
சட சட சட தூ³ரம்ʼ மோஹய ப்⁴ராமயாரீன் 
கடி³ கடி³ கடி³ காயம்ʼ ஜ்வாரய ஸ்போ²டயஸ்வ |   
ஜஹி ஜஹி ஜஹி வேக³ம்ʼ ஶாத்ரவம்ʼ ஸானுப³ந்த⁴ம்ʼ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 18||  
விதி⁴ப⁴வவிபு³தே⁴ஶப்⁴ராமகாக்³னிஸ்பு²லிங்க³-
ப்ரஸவிவிகடத³ம்ʼஷ்ட்ரோஜ்ஜிஹ்வவக்த்ர த்ரிநேத்ர |    
கல கல கல காமம்ʼ பாஹி மாம்ʼ தே ஸுப⁴க்தம்ʼ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 19||  
குரு குரு கருணாம்ʼ தாம்ʼ ஸாங்குராம்ʼ தை³த்யபோதே 
தி³ஶ தி³ஶ விஶதா³ம்ʼ மே ஶாஶ்வதீம்ʼ தே³வ த்³ருʼஷ்டிம் |    
ஜய ஜய ஜயமூர்தேऽநார்த ஜேதவ்யபக்ஷம்ʼ 
த³ஹ த³ஹ நரஸிம்ʼஹாஸஹ்யவீர்யாஹிதம்ʼ மே	|| 20||  
ஸ்துதிரியமஹிதக்⁴னீ ஸேவிதா நாரஸிம்ʼஹீ 
தனுரிவ பரிஶாந்தா மாலினீ ஸாऽபி⁴தோऽலம் |   
தத³கி²லகு³ருமாக்³ரயஶ்ரீத³ரூபா லஸத்³பி⁴:
ஸுநியமனயக்ருʼத்யை: ஸத்³கு³ணைர்நித்யயுக்தா	|| 21|| 
உத³யரவிஸஹஸ்ரத்³யோதிதம்ʼ ரூக்ஷவீக்ஷம்ʼ 
ப்ரலயஜலதி⁴நாத³ம்ʼ கல்பக்ருʼத்³வஹ்னிவக்த்ரம் |   
ஸுரபதிரிபுவக்ஷஶ்சே²த³ரக்தோக்ஷிதாங்க³ம்ʼ 
ப்ரணதப⁴யஹரம்ʼ தம்ʼ நாரஸிம்ʼஹம்ʼ நமாமி || 22|| 
லிகுசதிலகஸூனு: ஸத்³தி⁴தார்தா²னுஸாரீ 
நரஹரிநுதிமேதாம்ʼ ஶத்ருஸம்ʼஹாரஹேதும் |   
அக்ருʼத ஸகலபாபத்⁴வம்ʼஸினீம்ʼ ய: படே²த்தாம்ʼ 
வ்ரஜதி ந்ருʼஹரிலோகம்ʼ காமலோபா⁴த்³யஸக்த: 	|| 23|| 
||  இதி ஶ்ரீமத்கவிகுலதிலக-ஶ்ரீத்ரிவிக்ரமபண்டி³தாசார்ய-விரசித 
ந்ருʼஸிம்ʼஹ-ஸ்துதி: ||