ಮಾರ್ಕಂಡೇಯಸ್ತೋತ್ರಮ್‌ 
ಅಥ ಮಾರ್ಕಂಡೇಯಸ್ತೋತ್ರಮ್‌  
ಮಾರ್ಕಂಡೇಯ ನಮಸ್ತೇಽಸ್ತು 
ಸಪ್ತಕಲ್ಪಾಂತಜೀವನ |
ಆಯುರಾರೋಗ್ಯಸಿದ್ಧ್ಯರ್ಥಂ 
ಪ್ರಸೀದ ಭಗವನ್ ಮುನೇ ||1||
ಚಿರಂಜೀವೀ ಯಥಾ ತ್ವಂ ತು 
ಮುನೀನಾಂ ಪ್ರವರ ದ್ವಿಜ |
ಕುರುಷ್ವ ಮುನಿಶಾರ್ದೂಲ 
ತಥಾ ಮಾಂ ಚಿರಜೀವಿನಮ್ ||2||
ಆಯುಃಪ್ರದ ಮಹಾಭಾಗ 
ಸೋಮವಂಶವಿವರ್ಧನ |
ಮಹಾತಪ ಮುನಿಶ್ರೇಷ್ಠ  
ಮಮಾರೋಗ್ಯಪ್ರದೋ ಭವ ||3||
ಆಯುರ್ದೇಹಿ ಯಶೋ ದೇಹಿ 
ಶ್ರಿಯಂ ದೇಹಿ ದ್ವಿಷೋ ಜಹಿ |
ಪುತ್ರಾನ್ ಪೌತ್ರಾಂಶ್ಚ  ಮೇ ದೇಹಿ 
ಮಾರ್ಕಂಡೇಯ ನಮೋಽಸ್ತು ತೇ ||4|| 
ಚಿರಂಜೀವಿ ಯಥಾ ತ್ವಂ ಭೋ 
ಭವಿಷ್ಯಾಮಿ ತಥಾ ಮುನೇ |
ರೂಪವಾನ್ ವಿತ್ತವಾಂಶ್ಚೈವ 
ಶ್ರಿಯಾ ಯುಕ್ತಶ್ಚ ಸರ್ವದಾ ||5||
ಮಾರ್ಕಂಡೇಯ ಮಹಾಭಾಗ 
ಸಪ್ತಕಲ್ಪಾಂತಜೀವನ |
ಆಯುರಿಷ್ಟಾರ್ಥಸಿದ್ಧ್ಯರ್ಥಂ 
ಅಸ್ಮಾಕಂ ವರದೋ ಭವ ||6||
ಮಾರ್ಕಂಡೇಯ ಮಹಾಭಾಗ 
ಸಪ್ತಕಲ್ಪಾಂತಜೀವನ |
ಆಯುರಾರೋಗ್ಯಮೈಶ್ವರ್ಯಂ 
ದೇಹಿ ಮೇ ಮುನಿಪುಂಗವ ||7||
|| ಇತಿ ಮಾರ್ಕಂಡೇಯ ಸ್ತೋತ್ರಮ್ ||