mārkaṁḍeyastotram‌  
atha mārkaṁḍeyastotram‌  
mārkaṁḍeya namaste'stu 
saptakalpāṁtajīvana |
āyurārogyasiddhyarthaṁ 
prasīda bhagavan mune ||1||
ciraṁjīvī yathā tvaṁ tu 
munīnāṁ pravara dvija |
kuruṣva muniśārdūla 
tathā māṁ cirajīvinam ||2||
āyuḥprada mahābhāga 
somavaṁśavivardhana |
mahātapa muniśreṣṭha  
mamārogyaprado bhava ||3||
āyurdehi yaśo dehi 
śriyaṁ dehi dviṣo jahi |
putrān pautrāṁśca  me dehi 
mārkaṁḍeya namo'stu te ||3|| 
ciraṁjīvi yathā tvaṁ bho 
bhaviṣyāmi tathā mune |
rūpavān vittavāṁścaiva 
śriyā yuktaśca sarvadā ||4||
mārkaṁḍeya mahābhāga 
saptakalpāṁtajīvana |
āyuriṣṭārthasiddhyarthaṁ 
asmākaṁ varado bhava ||5||
mārkaṁḍeya mahābhāga 
saptakalpāṁtajīvana |
āyurārogyamaiśvaryaṁ 
dehi me munipuṁgava ||6||
|| iti mārkaṁḍeya stotram ||