అథ మార్కండేయస్తోత్రం‌
మార్కండేయ నమస్తేఽస్తు
సప్తకల్పాంతజీవన |

ఆయురారోగ్యసిద్ధ్యర్థం
ప్రసీద భగవన్ మునే || 1||

చిరంజీవీ యథా త్వం తు
మునీనాం ప్రవర ద్విజ |

కురుష్వ మునిశార్దూల
తథా మాం చిరజీవినం || 2||

ఆయుఃప్రద మహాభాగ
సోమవంశవివర్ధన |

మహాతప మునిశ్రేష్ఠ
మమారోగ్యప్రదో భవ || 3||

ఆయుర్దేహి యశో దేహి
శ్రియం దేహి ద్విషో జహి |

పుత్రాన్ పౌత్రాంశ్చ మే దేహి
మార్కండేయ నమోఽస్తు తే || 4||

చిరంజీవి యథా త్వం భో
భవిష్యామి తథా మునే |

రూపవాన్ విత్తవాంశ్చైవ
శ్రియా యుక్తశ్చ సర్వదా || 5||

మార్కండేయ మహాభాగ
సప్తకల్పాంతజీవన |

ఆయురిష్టార్థసిద్ధ్యర్థం
అస్మాకం వరదో భవ || 6||

మార్కండేయ మహాభాగ
సప్తకల్పాంతజీవన |

ఆయురారోగ్యమైశ్వర్యం
దేహి మే మునిపుంగవ || 7||

|| ఇతి మార్కండేయ స్తోత్రం ||