atha maMgalAShTakam

lakShmIryasya parigraha: kamalabhU: sUnurgarutmAn ratha:
pautrash‍chaMdravibhUShaNa: suraguru: sheShashcha shayyAsana: |
brahmAMDaM varamaMdiraM suragaNA yasya prabho: sevakA:
sa trailokyakuTuMbapAlanapara: kuryAddharirmaMgalam ||1||

brahmA vAyugirIshasheShagaruDA deveMdrakAmau guruH
chaMdrArkau varuNAnalau manuyamau vitteshavighnesh‍varau |
nAsatyau nirRRitirmarudgaNayutA: parjanyamitrAdaya:
sastrIkA: surapuMgavA: pratidinaM kurvaMtu no maMgalam ||2||

vish‍vAmitraparAsharaurvabhRRigavo.agastya: pulastya: kratu:
shrImAnatrimarIchikautsapulahA: shaktirvasiShThoM.agirA: |
mAMDavyo jamadagnigautamabharadvAjAdayastApasA:
shrIviShNo: padapadmachiMtanaratA: kurvaMtu no maMgalam ||3||

mAMdhAtA nahuShoM.abarIShasagarau rAjA pRRithurhaihaya:
shrImAn dharmasuto nalo dasharatho rAmo yayAtiryadu: |
ikShvAkushcha vibhIShaNashcha bharatashchottAnapAda dhruvau
ityAdyA bhuvi bhUbhujashcha satataM kurvaMtu no maMgalam ||4||

shrImerurhimavAMshcha maMdaragiri: kailAsashailastathA
mAheMdro malayashcha viMdhyaniShadhau siMhastathA raivata: |
sahyAdrirvaragaMdhamAdanagirirmainAkagomaMtakau
ityAdyA bhuvi bhUdharA: pratidinaM kurvaMtu no maMgalam ||5||

gaMgA siMdhusarasvatI cha yamunA godAvarI narmadA
kRRiShNA bhImarathI cha phalgusarayU shrIgaMDakI gomatI |
kAverI kapilA prayAgavinatA netrAvatItyAdayo
nadya: shrIharipAdapaMkajabhavA: kurvaMtu no maMgalam ||6||

vedAshchopaniShadgaNAshcha vividhA: sAMgA: purANAnvitAH
vedAMtA api maMtrataMtrasahitAstarkA: smRRitInAM gaNA: |
kAvyAlaMkRRitinItinATakayutA: shabdAshcha nAnAvidhA:
shrIviShNorguNarAshikIrtanaparA: kurvaMtu no maMgalam ||7||

AdityAdinavagrahA: shubhakarA meShAdayo rAshayo
nakShatrANi sayogakAshcha tithayastaddevatAstadgaNA: |
mAsAbdA RRitavastathaiva divasA: saMdhyAstathA rAtraya:
sarve sthAvarajaMgamA: pratidinaM kurvaMtu no maMgalam ||8||

ityetadvaramaMgalAShTakamidaM shrIrAjarAjesh‍varai:
AkhyAtaM jagatAmabhIShTaphaladaM sarvAshubhadhvaMsanam |
mAMgalyAdishubhakriyAsu satataM saMdhyAsu vA ya: paThet
dharmArthAdisamastavAMChitaphalaM prApnotyasau mAnava: ||9||

|| iti shrIrAjarAjeshvaratIrthavirachitaM maMgalAShTakam ||