ஸ்ரீமத்⁴வாஷ்டகம் 
அத² ஸ்ரீமத்⁴வாஷ்டகம் 
அஜ்ஞானனாஸா²ய ஸதாம்ʼ ஜனானாம்ʼ 
க்ருʼதாவதாராய வஸுந்த⁴ராயாம் | 
மத்⁴வாபி⁴தா⁴னாய மஹாமஹிம்னே 
ஹதாரிஸங்கா⁴ய நமோ(அ)நிலாய || 1|| 
யேன ஸ்வஸித்³தா⁴ந்தஸரோஜமத்³தா⁴ 
விகாஸிதம்ʼ கோ³பி⁴ரலம்ʼ விஸு²த்³தை⁴​: | 
து³ஸ்தர்கனீஹாரகுலம்ʼ ச பி⁴ன்னம்ʼ 
தஸ்மை நமோ மத்⁴வதி³வாகராய || 2|| 
ப்ரபன்னதாபப்ரஸ²மைகஹேதும்ʼ 
து³ர்வாதி³வாதீ³ந்த⁴னதூ⁴மகேதும் | 
நிரந்தரம்ʼ நிர்ஜிதமீனகேதும்ʼ 
நமாம்யஹம்ʼ மத்⁴வமுனிப்ரகாண்ட³ம் || 3|| 
ஸா²ந்தம்ʼ மஹாந்தம்ʼ நதபாதகாந்தம்ʼ 
காந்தம்ʼ நிதாந்தம்ʼ கலிதாக³மாந்தம் | 
ஸ்வாந்தம்ʼ நயந்தம்ʼ த்ரிபுராரிகாந்தம்ʼ 
காந்தம்ʼ ஸ்²ரியோ மத்⁴வகு³ரும்ʼ நமாமி || 4|| 
புன்னாமனாம்னே முரவைரிதா⁴ம்னே 
ஸம்பூர்ணனாம்னே ஸமதீ⁴தனாம்னே | 
ஸங்கீர்தாதோ⁴க்ஷஜபுண்யனாம்னே 
நமோ(அ)ஸ்து மத்⁴வாய விமுக்தினாம்னே || 5|| 
ஸன்மானஸம்ʼஸஜ்ஜனதாஸ²ரண்யம்ʼ 
ஸன்மானஸந்தோஷிதராமசந்த்³ரம் | 
ஸன்மானஸவ்யக்தபத³ம்ʼ ப்ரஸா²ந்தம்ʼ 
நமாம்யஹம்ʼ மத்⁴வமுனிப்ரகாஸ²ம் || 6|| 
ஸம்ʼஸ்தூயமானாய ஸதாம்ʼ ஸமூஹை-
ஸ்²சந்த்³ராயமானாய சித³ம்பு³ராஸே²​: | 
தீ³பாயமானாய ஹரிம்ʼ தி³த்³ருʼக்ஷோ-
ரலம்ʼ நமோ மத்⁴வமுனீஸ்²வராய || 7|| 
கு³ணைகஸிந்து⁴ம்ʼ கு³ருபுங்க³வம்ʼ தம்ʼ 
ஸதை³கப³ந்து⁴ம்ʼ ஸகலாகலாபம் | 
மனோஜப³ந்தோ⁴​: ஸ்²ரிதபாத³பத்³மம்ʼ 
நமாம்யஹம்ʼ மத்⁴வமுனிம்ʼ வரேண்யம் || 8|| 
மத்⁴வாஷ்டகம்ʼ புண்யமித³ம்ʼ த்ரிஸந்த்⁴யம்ʼ 
பட²ந்த்யலம்ʼ ப⁴க்தியுதா ஜனா யே | 
தேஷாமபீ⁴ஷ்டம்ʼ விதனோதி வாயு​: 
ஸ்ரீமத்⁴வனாமா கு³ருபுங்க³வோ(அ)யம் || 9|| 
பரமபுருஷஸ்ரீசரணஸரோருஹமது⁴கரரூபகமானஸமுதி³தம் | 
கு³ருகுலதிலகஸ்ரீமதா³னந்த³தீர்த²யோகி³வரம்ʼ ஸததம்ʼ வந்தே³ || 10|| 
ஸ்ரீமல்லிகுசவம்ʼஸே²ன மத்⁴வாஷ்டகமுதீ³ரிதம் | 
ஸ்ரீமத்த்ரிவிக்ரமாக்²யேன கு³ர்வனுக்³ரஹகாரகம் || 11|| 
||  இதி கவிகுலதிலக ஸ்ரீமத்த்ரிவிக்ரமபண்டி³தாசார்யவிரசிதம்ʼ ஸ்ரீமத்⁴வாஷ்டகம் ||