లఘువిష్ణుసహస్రనామస్తవః 
అథ లఘువిష్ణుసహస్రనామస్తవః 
అలం నామసహస్రేణ 
కేశవోఽర్జునమబ్రవీత్ | 
శృణు మే పార్థ నామాని 
యైశ్చ తుష్యామి సర్వదా || 1|| 
కేశవః పుండరీకాక్షః 
స్వయంభూర్మధుసూదనః | 
దామోదరో హృషికేశః 
పద్మనాభో జనార్ధనః || 2|| 
విష్వక్సేనో వాసుదేవో 
హరిర్నారాయణస్తథా | 
అనంతశ్చ ప్రబోధశ్చ 
సత్యః కృష్ణః సురోత్తమః || 3|| 
ఆదికర్తా వరాహశ్చ 
వైకుంఠో విష్ణురచ్యుతః |   
శ్రీధరః శ్రీపతిః శ్రీమాన్ 
పక్షిరాజధ్వజస్తథా || 4|| 
ఏతాని మమ నామాని 
విద్యార్థీ బ్రాహ్మణః పఠేత్ | 
క్షత్రియో విజయస్యార్థే  
వైశ్యో ధనసమృద్ధయే || 5|| 
నాగ్నిరాజభయం తస్య 
న చోరాత్ పన్నగాద్భయం | 
రాక్షసేభ్యో భయం నాస్తి 
వ్యాధిభిర్నైవ పీడ్యతే || 6|| 
ఇదం నామసహస్రం తు 
కేశవేనోద్ధృతం స్తవం | 
ఉద్ధృత్య చార్జునే దత్తం 
యుద్ధే శత్రువినాశనం || 7|| 
||  ఇతి శ్రీవిష్ణుపురాణే లఘువిష్ణుసహస్రనామస్తవః ||