laghuviṣṇusahasranāmastavaḥ
atha laghuviṣṇusahasranāmastavaḥ 
alaṁ nāmasahasreṇa 
keśavo'rjunamabravīt |
śṛṇu me pārtha nāmāni 
yaiśca tuṣyāmi sarvadā ||1||
keśavaḥ puṁḍarīkākṣaḥ 
svayaṁbhūrmadhusūdanaḥ |
dāmodaro hṛṣikeśaḥ 
padmanābho janārdhanaḥ ||2||
viṣvakseno vāsudevo 
harirnārāyaṇastathā |
anaṁtaśca prabodhaśca 
satyaḥ kṛṣṇaḥ surottamaḥ ||3||
ādikartā varāhaśca 
vaikuṁṭho viṣṇuracyutaḥ |  
śrīdharaḥ śrīpatiḥ śrīmān 
pakṣirājadhvajastathā ||4||
etāni mama nāmāni 
vidyārthī brāhmaṇaḥ paṭhet |
kṣatriyo vijayasyārthe  
vaiśyo dhanasamṛddhaye ||5||
nāgnirājabhayaṁ tasya 
na corāt pannagādbhayam |
rākṣasebhyo bhayaṁ nāsti 
vyādhibhirnaiva pīḍyate ||6||
idaṁ nāmasahasraṁ tu 
keśavenoddhṛtaṁ stavam |
uddhṛtya cārjune dattaṁ 
yuddhe śatruvināśanam ||7||
|| iti śrīviṣṇupurāṇe laghuviṣṇusahasranāmastavaḥ ||