ಅಥ ಲಘುವಿಷ್ಣುಸಹಸ್ರನಾಮಸ್ತವಃ
ಅಲಂ ನಾಮಸಹಸ್ರೇಣ
ಕೇಶವೋಽರ್ಜುನಮಬ್ರವೀತ್ |

ಶೃಣು ಮೇ ಪಾರ್ಥ ನಾಮಾನಿ
ಯೈಶ್ಚ ತುಷ್ಯಾಮಿ ಸರ್ವದಾ || ೧||

ಕೇಶವಃ ಪುಂಡರೀಕಾಕ್ಷಃ
ಸ್ವಯಂಭೂರ್ಮಧುಸೂದನಃ |

ದಾಮೋದರೋ ಹೃಷಿಕೇಶಃ
ಪದ್ಮನಾಭೋ ಜನಾರ್ಧನಃ || ೨||

ವಿಷ್ವಕ್ಸೇನೋ ವಾಸುದೇವೋ
ಹರಿರ್ನಾರಾಯಣಸ್ತಥಾ |

ಅನಂತಶ್ಚ ಪ್ರಬೋಧಶ್ಚ
ಸತ್ಯಃ ಕೃಷ್ಣಃ ಸುರೋತ್ತಮಃ || ೩||

ಆದಿಕರ್ತಾ ವರಾಹಶ್ಚ
ವೈಕುಂಠೋ ವಿಷ್ಣುರಚ್ಯುತಃ |

ಶ್ರೀಧರಃ ಶ್ರೀಪತಿಃ ಶ್ರೀಮಾನ್
ಪಕ್ಷಿರಾಜಧ್ವಜಸ್ತಥಾ || ೪||

ಏತಾನಿ ಮಮ ನಾಮಾನಿ
ವಿದ್ಯಾರ್ಥೀ ಬ್ರಾಹ್ಮಣಃ ಪಠೇತ್ |

ಕ್ಷತ್ರಿಯೋ ವಿಜಯಸ್ಯಾರ್ಥೇ
ವೈಶ್ಯೋ ಧನಸಮೃದ್ಧಯೇ || ೫||

ನಾಗ್ನಿರಾಜಭಯಂ ತಸ್ಯ
ನ ಚೋರಾತ್ ಪನ್ನಗಾದ್ಭಯಂ |

ರಾಕ್ಷಸೇಭ್ಯೋ ಭಯಂ ನಾಸ್ತಿ
ವ್ಯಾಧಿಭಿರ್ನೈವ ಪೀಡ್ಯತೇ || ೬||

ಇದಂ ನಾಮಸಹಸ್ರಂ ತು
ಕೇಶವೇನೋದ್ಧೃತಂ ಸ್ತವಂ |

ಉದ್ಧೃತ್ಯ ಚಾರ್ಜುನೇ ದತ್ತಂ
ಯುದ್ಧೇ ಶತ್ರುವಿನಾಶನಂ || ೭||

|| ಇತಿ ಶ್ರೀವಿಷ್ಣುಪುರಾಣೇ ಲಘುವಿಷ್ಣುಸಹಸ್ರನಾಮಸ್ತವಃ ||