नवग्रहस्तोत्रम्
अथ नवग्रहस्तोत्रम् 
भास्वान्मे भासयेत्तत्त्वं चन्द्रश्चाह्लादकृद्भवेत् |
मंगलो मंगलं दद्याद्बुधश्च बुधतां दिशेत् ||१||
गुरुर्मे गुरुतां दद्यात् कविश्च कवितां दिशेत् |
शनिश्च शं प्रापयतु केतुः केतुं जयेऽर्पयेत् ||२||
राहुर्मे रहयेद्रोगं ग्रहाः सन्तु करग्रहाः |
नवं नवं ममैश्वर्यं दिशन्त्वेते नवग्रहाः ||३||
शने दिनमणेः सूनो ह्यनेकगुणसन्मणे |
अरिष्टं हर मेऽभीष्टं कुरु मा कुरु संकटम् ||४||
हरेरनुग्रहार्थाय शत्रूणां निग्रहाय च |
वादिराजयतिप्रोक्तं ग्रहस्तोत्रं सदा पठेत् ||५||
|| इति श्रीवादिराजयतिविरचितं नवग्रहस्तोत्रम् ||