శ్రీకృష్ణాష్టకం 
అథ శ్రీకృష్ణాష్టకం 
శ్రీ వాసుదేవ మధూసుదన కైటభారే 
లక్ష్మీశ పక్షివరవాహన వామనేతి  | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 1|| 
గోవింద గోకులపతే నవనీతచోర 
శ్రీనందనందన ముకుంద దయాపరేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 2|| 
నారాయణాఖిలగుణార్ణవ సర్వవేద 
పారాయణప్రియ గజాదిపమోచకేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 3|| 
ఆనందసచ్చిదఖిలాత్మక భక్తవర్గ 
స్వానందదాన చతురాగమ సన్నుతేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 4|| 
శ్రీప్రాణతోఽధికసుఖాత్మకరూపదేవ 
ప్రోద్యద్దివాకరనిభాచ్యుత సద్గుణేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 5|| 
విశ్వాంధకారిముఖదైవతవంద్య శశ్వత్
విశ్వోద్భవస్థితిమృతిప్రభృతిప్రదేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 6|| 
నిత్యైకరూప దశరూప సహస్రలక్షా-
నంతోరురూప శతరూప విరూపకేతి |   
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 7|| 
సర్వేశ సర్వగత సర్వశుభానురూప 
సర్వాంతరాత్మక సదోదిత సత్ప్రియేతి | 
శ్రీకృష్ణ మన్మరణకాల ఉపాగతే తు 
త్వన్నామ మద్వచనగోచరతాముపైతు || 8|| 
||  ఇతి శ్రీవిష్ణుతీర్థవిరచితం శ్రీకృష్ణాష్టకం ||