ಶ್ರೀಕೃಷ್ಣಾಷ್ಟಕಮ್ 
ಅಥ ಶ್ರೀಕೃಷ್ಣಾಷ್ಟಕಮ್ 
ವ್ರಜಮನಃ ಶರಣಂ ಯದುನಂದನಂ 
ರಜತಪೀಠಪುರಸ್ಥಿತಮಾದರಾತ್ |
ಭಜಕಲೋಕತತಿಂ ಸ ದಯಾನಿಧಿಃ
ನಿಜಪದಂ ನಯತೀತಿ ಸದಾಗಮಾಃ ||1||
ಅಜಮುಖಾಮರಬೃಂದಸುವಂದಿತಂ 
ಭುಜಗಶೀರ್ಷವಿಹಾರಿಪದಾಂಬುಜಮ್ |
ಯಜ ಯಥಾರ್ಥಮನೀಷಿಹೃದಾಲಯಂ 
ತ್ಯಜ ವಿನಶ್ವರದುರ್ವಿಷಯಾನಲಮ್ ||2||
ವಿಜಯಮಿತ್ರಮಮಂದಧಿಯಾಽರ್ಚಿತಂ 
ವ್ರಜಪತಿಂ ಭುಜದಂಡಧೃತಾಚಲಮ್ |
ಸುಜನತಾಲದಾನವಿಚಕ್ಷಣಂ 
ದ್ವಿಜವರಾನನಮಾಶ್ರಯ ಯಾದವಮ್ ||3||
ಸೃಜತಿ ಪಾತಿ ಹರತ್ಯಥ ವಿಷ್ಟಪಂ 
ಷ್ವಜತ ಯೋ ಹ್ಯುರಸಾ ಕಮಲಾಲಯಮ್ |
ರುಜಮಪಾಸ್ಯ ಸುಖಂ ಸ್ವಮಸೌ ದಿಶೇತ್ 
ವಿಜನದೇಶ ಉಪಾಸ್ವ  ಮಧುದ್ವಿಷಮ್ ||4||
ಗಜರದಾಹತಮಲ್ಲಮಮರ್ತ್ಯದೋ-
ವ್ಯಜನವೀಜಿತಮಕ್ಷಿಜಿತಾಂಬುಜಮ್ |
ಅಜಸಿ ಚೇಚ್ಛರಣಂ ಮುರವೈರಿಣಂ 
ನ ಜನಿನಾಶಪುರೋಗಮದೂಷಣಮ್ ||5||
ಅಜರನಾಥಮಹಾಮದವಾರಣಂ 
ಭುಜನಿವೇಶನನಾಶಿತಕೇಶಿನಮ್ |
ಸ್ವಜನುರೀಶವರಾಸುರಸಂಹರಂ 
ವ್ರಜ ರಜಸ್ತಮಾದಿನಿವೃತ್ತಯೇ ||6||
ದ್ವಿಜಸುತಪ್ರದಮಂಗ ಪಯಶ್ಚರ-
ಧ್ವಜಜನಿಂ ಸಮರಾಹತಶಾತ್ರವಮ್ |
ಅಜನಗೇಶತುರಂಗಮಮಾನತ-
ವ್ರಜಸಮೀಹಿತದಂ ಭಜ ಯಾದವಮ್ ||7||
ರಜಕಸಾಮಜಕಂಸಮುಖಾಸನಂ 
ಸ್ವಜನನೀಜನಕಾಮಿತಸೌಖ್ಯದಮ್ |
ರಜನಿನಾಥಕುಲಾಭರಣಂ ಧೃತ-
ಸ್ರಜಮನಂತಗುಣಂ ಭಜ ಹೇ ಮನಃ ||8||
ಋತಮನೀಷಹೃದಬ್ಜಸುರಾಲಯಃ 
ಶ್ರಿತಸಮೀಹಿತದೋ ಮಧುಶಾತ್ರವಃ |
ಕೃತಮಿದಂ ಯತಿನಾ ಪಠತೇಽಷ್ಟಕಂ 
ಸುತಮುಖೇಷ್ಟತತಿಂ ದದತೇ ಹರಿಃ ||9||
||  ಇತಿ ಶ್ರೀಸತ್ಯಸಂಧಯತಿ ಕೃತಂ ಶ್ರೀಕೃಷ್ಣಾಷ್ಟಕಮ್ ||