కార్తవీర్యార్జునస్తోత్రం 
అథ  కార్తవీర్యార్జునస్తోత్రం 
కార్తవీర్యార్జునో నామ 
రాజా బాహుసహస్రవాన్ | 
తస్య స్మరణమాత్రేణ 
గతం నష్టం చ లభ్యతే || 1|| 
కార్తవీర్యః ఖలద్వేషి 
కృతవీర్య సుతో బలి | 
సహస్రబాహుః శత్రుఘ్నో 
రక్తవాసా ధనుర్ధరః | 
రక్తగంధో రక్తమాల్యో 
రాజా స్మర్తురభీష్టదః || 2|| 
ద్వాదైశైతాని నామాని 
కార్తవీర్యస్య యః పఠేత్ | 
సంపదస్తత్ర జాయంతే 
జనస్తత్ర వశం గతః | 
ఆనయత్యాశు దూరస్థం 
క్షేమలాభయుతం ప్రియం || 3|| 
సహస్రబాహుసశరం మహితం సచాపం
రక్తాంబరం రక్తకిరీటకుండలం | 
చోరాదిదుష్టభయనాశనమిష్టదం తం
ధ్యాయేన్ మహాబలవిజృంభితకార్తవీర్యం || 4|| 
యస్య స్మరణమాత్రేణ 
సర్వదుఃఖక్షయో భవేత్ | 
యన్నామాని మహావీర-
శ్చార్జునః కృతవీర్యవాన్ || 5|| 
హైహయాధిపతేః స్తోత్రం 
సహస్రావృత్తికారితం | 
వాంఛితార్థప్రదం నృణాం 
స్వరాజ్యం సుకృతం యది || 6|| 
||  ఇతి కార్తవీర్యార్జునస్తోత్రం ||