atha kārtavīryārjunastotram
kārtavīryārjuno nāma
rājā bāhusahasravān |

tasya smaraṇamātreṇa
gataṁ naṣṭaṁ ca labhyate ||1||

kārtavīryaḥ khaladveṣi
kṛtavīrya suto bali |

sahasrabāhuḥ śatrughno
raktavāsā dhanurdharaḥ |

raktagaṁdho raktamālyo
rājā smarturabhīṣṭadaḥ ||2||

dvādaiśaitāni nāmāni
kārtavīryasya yaḥ paṭhet |

saṁpadastatra jāyaṁte
janastatra vaśaṁ gataḥ |

ānayatyāśu dūrasthaṁ
kṣemalābhayutaṁ priyam ||3||

sahasrabāhusaśaraṁ mahitaṁ sacāpaṁ
raktāṁbaraṁ raktakirīṭakuṁḍalam |

corādiduṣṭabhayanāśanamiṣṭadaṁ taṁ
dhyāyen mahābalavijṛṁbhitakārtavīryam ||4||

yasya smaraṇamātreṇa
sarvaduḥkhakṣayo bhavet |

yannāmāni mahāvīra-
ścārjunaḥ kṛtavīryavān ||5||

haihayādhipateḥ stotraṁ
sahasrāvṛttikāritam |

vāṁchitārthapradaṁ nṛṇāṁ
svarājyaṁ sukṛtaṁ yadi ||6||

|| iti kārtavīryārjunastotram ||