ஜிதந்தேஸ்தோத்ரேபஞ்சமோऽத்⁴யாய:
||  அத² ஜிதந்தேஸ்தோத்ரேபஞ்சமோऽத்⁴யாய:  ||  
ஜிதம்ʼ தே புண்ட³ரீகாக்ஷ நமஸ்தே விஶ்வபா⁴வன | 
நமஸ்தேऽஸ்து ஹ்ருʼஷீகேஶ மஹாபுருஷபூர்வஜ || 1|| 
நமஸ்தே வாஸுதே³வாய ஶாந்தானந்த³சிதா³த்மனே | 
அஜிதாய நமஸ்துப்⁴யம்ʼ ஷாட்³கு³ண்யநித⁴யே நம: || 2|| 
அத்⁴யக்ஷாய ஸ்வதந்த்ராய நிரபேக்ஷாய ஶாஶ்வதே | 
மஹாவிபூ⁴திஸம்ʼஸ்தா²ய நமஸ்தே புருஷோத்தம || 3|| 
ஸஹஸ்ரஶிரஸே துப்⁴யம்ʼ ஸஹஸ்ரசரணாய தே | 
ஸஹஸ்ரபா³ஹவே துப்⁴யம்ʼ ஸஹஸ்ரநயனாய தே || 4|| 
ப்ரதா⁴னபுருஷேஶாய நமஸ்தே புருஷோத்தம | 
அமூர்தயே நமஸ்துப்⁴யமேகமூர்தாய தே நம: || 5|| 
அனேகமூர்தயே துப்⁴யமக்ஷராய ச தே நம: | 
வ்யாபினே வேத³வேத்³யாய நமஸ்தே பரமாத்மனே || 6|| 
சின்மாத்ரரூபிணே துப்⁴யம்ʼ நமஸ்துர்யாதி³மூர்தயே | 
அணிஷ்டா²ய ஸ்த²விஷ்டா²ய மஹிஷ்டா²ய ச தே நம: || 7|| 
வரிஷ்டா²ய வஸிஷ்டா²ய கனிஷ்டா²ய நமோ நம: | 
நேதி³ஷ்டா²ய யவிஷ்டா²ய க்ஷேபிஷ்டா²ய ச தே நம: || 8|| 
பஞ்சாத்மனே நமஸ்துப்⁴யம்ʼ ஸர்வாந்தர்யாமிணே நம: | 
கலாஷோட³ஶரூபாய ஸ்ருʼஷ்டிஸ்தி²த்யந்தஹேதவே || 9|| 
நமஸ்தே கு³ணரூபாய கு³ணரூபானுவர்தினே | 
வ்யஸ்தாய ச ஸமஸ்தாய ஸமஸ்தவ்யஸ்தரூபிணே || 10|| 
லோகயாத்ராப்ரஸித்³த்⁴யர்த²ம்ʼ ஸ்ருʼஷ்டப்³ரஹ்மாதி³ரூபிணே | 
நமஸ்துப்⁴யம்ʼ ந்ருʼஸிம்ʼஹாதி³மூர்திபே⁴தா³ய விஷ்ணவே || 11|| 
ஆதி³மத்⁴யாந்தஶூன்யாய தத்த்வக்ஞாய நமோ நம: | 
ப்ரணவப்ரதிபாத்³யாய நம: ப்ரணவரூபிணே || 12|| 
விபாகை: கர்மபி⁴: க்லேஶைரஸ்ப்ருʼஷ்டவபுஷே நம: | 
நமோ ப்³ரஹ்மண்யதே³வாய தேஜஸாம்ʼ நித⁴யே நம: || 13|| 
நித்யாஸாதா⁴ரணானேகலோகரக்ஷாபரிச்ச²தே³ | 
ஸச்சிதா³னந்த³ரூபாய வரேண்யாய நமோ நம: || 14|| 
யஜமானாய யக்ஞாய யஷ்டவ்யாய நமோ நம: | 
இஜ்யாப²லாத்மனே துப்⁴யம்ʼ நம: ஸ்வாத்⁴யாயஶாலினே || 15|| 
நம: பரமஹம்ʼஸாய நம: ஸத்த்வகு³ணாய தே | 
ஸ்தி²தாய பரமே வ்யோம்னி பூ⁴யோ பூ⁴யோ நமோ நம: || 16|| 
ஹரிர்தே³ஹப்⁴ருʼதாமாத்மா பரப்ரக்ருʼதிரீஶ்வர: | 
த்வத்பாத³மூலம்ʼ ஶரணம்ʼ யத: க்ஷேமோ ந்ருʼணாமிஹ || 17|| 
ஸம்ʼஸாரஸாக³ரே கோ⁴ரே விஷயாவர்தஸங்குலே | 
அபாரே து³ஸ்தரேऽகா³தே⁴ பதிதம்ʼ கர்மபி⁴: ஸ்வகை: || 18|| 
அநாத²மக³திம்ʼ பீ⁴ரும்ʼ த³யயா பரயா ஹரே | 
மாமுத்³த⁴ர த³யாஸிந்தோ⁴ ஸிந்தோ⁴ரஸ்மாத் ஸுது³ஸ்தராத் || 19|| 
மந்த்ரஹீனம்ʼ க்ரியாஹீனம்ʼ ப⁴க்திஹீனம்ʼ யத³ர்சிதம் | 
தத் க்ஷந்தவ்யம்ʼ ப்ரபன்னானாமபராத⁴ஸஹோ ஹ்யஸி || 20|| 
அபராத⁴ஸஹஸ்ரபா⁴ஜனம்ʼ பதிதம்ʼ பீ⁴மப⁴வார்ணவோத³ரே | 
அக³திம்ʼ ஶரணாக³தம்ʼ ஹரே க்ருʼபயா கேவலமாத்மஸாத் குரு || 21|| 
ஜன்மப்ரப்⁴ருʼதி தா³ஸோऽஸ்மி ஶிஷ்யோऽஸ்மி தனயோऽஸ்மி தே | 
த்வம்ʼ ச ஸ்வாமீ கு³ருர்மாதா பிதா ச மம பா³ந்த⁴வ: || 22|| 
நாஹம்ʼ ஹி த்வா ப்ரஜானாமி த்வாம்ʼ ப⁴ஜாம்யேவ கேவலம் | 
பு³த்³த்⁴வைவம்ʼ மம கோ³விந்த³ முக்த்யுபாயேன மாம்ʼ ஹரே || 23|| 
த்வமேவ யச்ச² மே ஶ்ரேயோ நியமேऽபி த³மேऽபி ச | 
பு³த்³தி⁴யோக³ம்ʼ ச மே தே³ஹி யேன த்வாமுபயாம்யஹம் || 24|| 
ப்ரியோ மே த்வாம்ʼ வினா நான்யோ நேத³ம்ʼ நேத³மிதீதி ச | 
பு³த்³தி⁴ம்ʼ நீதிம்ʼ ச மே தே³ஹி யேன த்வாமுபயாம்யஹம் || 25|| 
இதி விக்ஞாப்ய தே³வேஶம்ʼ வைஶ்வதே³வம்ʼ ஸ்வதா⁴மனி | 
குர்யாத் பஞ்சமஹாயக்ஞானபி க்³ருʼஹ்யோக்தவர்த்மனா || 26|| 
இத்யாதி³ஸமயே தஸ்ய ப்ரோவாச கமலாஸன: | 
வேதா³னாம்ʼ ஸாரமுத்³த்⁴ருʼத்ய ஸர்வாக³மஸம்ருʼத்³த⁴யே || 27|| 
||  இதி ஜிதந்தேஸ்தோத்ரே பஞ்சமோऽத்⁴யாய: || 
||  இதி ஶ்ரீபஞ்சராத்ராக³மே மஹோபநிஷதி³ ப்³ரஹ்மதந்த்ரே ஶ்ரீமத³ஷ்டாக்ஷரகல்பே ஹம்ʼஸ-ப்³ரஹ்மஸம்ʼவாதே³ ஜிதந்தேஸ்தோத்ரம் ||