ஜிதந்தேஸ்தோத்ரே  சதுர்தோ²ऽத்⁴யாய:
||  அத² ஜிதந்தேஸ்தோத்ரே  சதுர்தோ²ऽத்⁴யாய: ||  
ஜிதம்ʼ தே புண்ட³ரீகாக்ஷ பூர்ணஷாட³கு³ண்யவிக்³ரஹ | 
நமஸ்தேऽஸ்து ஹ்ருʼஷீகேஶ மஹாபுருஷபூர்வஜ || 1|| 
தே³வானாம்ʼ தா³னவானாம்ʼ ச ஸாமான்யமதி⁴தை³வதம் | 
ஸர்வதா³ சரணத்³வந்த்³வம்ʼ வ்ரஜாமி ஶரணம்ʼ தவ || 2|| 
ஏகஸ்த்வமஸ்ய லோகஸ்ய ஸ்ரஷ்டா ஸம்ʼஹாரகஸ்ததா² |  
அத்⁴யக்ஷஶ்சானுமந்தா ச கு³ணமாயாஸமாவ்ருʼத: || 3|| 
ஸம்ʼஸாரஸாக³ரம்ʼ கோ⁴ரமனந்தக்லேஶபா⁴ஜனம்  | 
த்வாமேவ ஶரணம்ʼ ப்ராப்ய நிஸ்தரந்தி மனீஷிண: || 4|| 
ந தே ரூபம்ʼ ந சாகாரோ நாயுதா⁴னி ந சாஸ்பத³ம் | 
ததா²ऽபி புருஷாகாரோ ப⁴க்தானாம்ʼ த்வம்ʼ ப்ரகாஶஸே || 5|| 
நைவ கிஞ்சித்பரோக்ஷம்ʼ தே ப்ரத்யக்ஷோऽஸி ந கஸ்யசித் | 
நைவ கிஞ்சித³ஸித்³த⁴ம்ʼ தே ந ச ஸித்³தோ⁴ऽஸி கர்ஹிசித் || 6|| 
கார்யாணாம்ʼ காரணம்ʼ பூர்வம்ʼ வசஸாம்ʼ வாச்யமுத்தமம் | 
யோகா³னாம்ʼ பரமாம்ʼ ஸித்³தி⁴ம்ʼ பரமம்ʼ தே பத³ம்ʼ விது³: || 7|| 
அஹம்ʼ பீ⁴தோऽஸ்மி தே³வேஶ ஸம்ʼஸாரேऽஸ்மின் ப⁴யாவஹே | 
பாஹி மாம்ʼ புண்ட³ரீகாக்ஷ ந ஜானே ஶரணம்ʼ பரம் || 8|| 
காலேஷ்வபி ச ஸர்வேஷு தி³க்ஷு ஸர்வாஸு சாச்யுத | 
ஶரீரே ச க³தௌ சாஸ்ய வர்ததே மே மஹத்³ப⁴யம் || 9|| 
த்வத்பாத³கமலாத³ன்யன்ன மே ஜன்மாந்தரேஷ்வபி | 
நிமித்தம்ʼ குஶலஸ்யாஸ்தி யேன க³ச்சா²மி ஸத்³க³திம் || 10|| 
விக்ஞானம்ʼ யதி³த³ம்ʼ ப்ராப்தம்ʼ யதி³த³ம்ʼ க்ஞானமூர்ஜிதம் | 
ஜன்மாந்தரேऽபி தே³வேஶ மா பூ⁴த³ஸ்ய பரிக்ஷய: || 11|| 
து³ர்க³தாவபி ஜாதாயாம்ʼ த்வத்³க³தோ மே மனோரத²: | 
யதி³ நாஶம்ʼ ந விந்தே³த தாவதாऽஸ்மி க்ருʼதீ ஸதா³ || 12|| 
ந காமகலுஷம்ʼ சித்தம்ʼ மம தே பாத³யோ: ஸ்தி²தம் |  
காமயே வைஷ்ணவத்வம்ʼ ச ஸர்வஜன்மஸு கேவலம் || 13|| 
அக்ஞானாத்³யதி³ வா க்ஞானாத³ஶுப⁴ம்ʼ யத்க்ருʼதம்ʼ மயா | 
க்ஷந்துமர்ஹஸி தே³வேஶ தா³ஸ்யேன ச கு³ஹாண மாம் || 14|| 
ஸர்வேஷு தே³ஶகாலேஷு ஸர்வாவஸ்தா²ஸு சாச்யுத | 
கிங்கரோऽஸ்மி ஹ்ருʼஷீகேஶ பூ⁴யோ பூ⁴யோऽஸ்மி கிங்கர: || 15|| 
இத்யேவமனயா ஸ்துத்யா ஸ்துத்வா தே³வம்ʼ தி³னே தி³னே | 
கிங்கரோऽஸ்மீதி சாத்மானம்ʼ தே³வாய விநிவேத³யேத் || 16|| 
மாத்³ருʼஶோ ந பர: பாபீ த்வாத்³ருʼஶோ ந த³யாபர: | 
இதி மத்வா ஜக³ன்னாத² ரக்ஷ மாம்ʼ க³ருட³த்⁴வஜ || 17|| 
யச்சாபராத⁴ம்ʼ க்ருʼதவானக்ஞானாத் புருஷோத்தம | 
அக்ஞஸ்ய மம தே³வேஶ தத்ஸர்வம்ʼ க்ஷந்துமர்ஹஸி || 18|| 
அஹங்காரார்த²காமேஷு ப்ரீதிரத்³யைவ நஶ்யது | 
த்வாம்ʼ ப்ரபன்னஸ்ய மே ஸைவ வர்த⁴தாம்ʼ ஶ்ரீபதே த்வயி || 19|| 
க்வாஹமத்யந்தது³ர்பு³த்³தி⁴: க்வ நு சாத்மஹிதேக்ஷணம் | 
யத்³தி⁴தம்ʼ மம தே³வேஶ ததா³க்ஞாபய மாத⁴வ || 20|| 
ஸோऽஹம்ʼ தே தே³வ தே³வேஶ நார்சனாதௌ³ ஸ்துதௌ ந ச | 
ஸாமர்த்²யவான் க்ருʼபாமாத்ரமனோவ்ருʼத்தி: ப்ரஸீத³ மே || 21|| 
உபசாராபதே³ஶேன க்ரியந்தேऽஹர்நிஶம்ʼ மயா | 
அபசாரானிமான் ஸர்வான் க்ஷமஸ்வ புருஷோத்தம || 22|| 
ந ஜானே கர்ம யத்கிஞ்சின்னாபி லௌகிகவைதி³கே | 
ந நிஷேத⁴விதீ⁴ விஷ்ணோ தவ தா³ஸோऽஸ்மி கேவலம் || 23|| 
ஸ த்வம்ʼ ப்ரஸீத³ ப⁴க³வன் குரு மய்யனாதே² 
விஷ்ணோ க்ருʼபாம்ʼ பரமகாருணிக: கில த்வம் | 
ஸம்ʼஸாரஸாக³ரநிமக்³னமனந்ததீ³னம் 
உத்³த⁴ர்துமர்ஹஸி ஹரே புருஷோத்தமோऽஸி || 24|| 
கரசரணக்ருʼதம்ʼ வா காயஜம்ʼ கர்மஜம்ʼ வா 
ஶ்ரவணமனனஜம்ʼ வா மானஸம்ʼ வாऽபராத⁴ம் | 
விஹிதமவிஹிதம்ʼ வா ஸர்வமேதத் க்ஷமஸ்வ 
ஜய ஜய கருணாப்³தே⁴ ஶ்ரீபதே ஶ்ரீமுகுந்த³ || 25|| 
கர்மணா மனஸா வாசா யா சேஷ்டா மம நித்யஶ: | 
கேஶவாராத⁴னே ஸா ஸ்யாஜ்ஜன்மஜன்மாந்தரேஷ்வபி || 26|| 
||  இதி ஜிதந்தேஸ்தோத்ரே சதுர்தோ²ऽத்⁴யாய: ||