ஜிதந்தேஸ்தோத்ரே  த்ருʼதீயோऽத்⁴யாய:
||  அத² ஜிதந்தேஸ்தோத்ரே  த்ருʼதீயோऽத்⁴யாய: || 
ஜிதம்ʼ தே புண்ட³ரீகாக்ஷ நமஸ்தே விஶ்வபா⁴வன | 
நமஸ்தேऽஸ்து ஹ்ருʼஷீகேஶ மஹாபுருஷபூர்வஜ || 1|| 
நமஸ்தே வாஸுதே³வாய ஶாந்தானந்த³சிதா³த்மனே | 
அத்⁴யக்ஷாய ஸ்வதந்த்ராய நிரபேக்ஷாய ஶாஶ்வதே || 2|| 
அச்யுதாயாவிகாராய தேஜஸாம்ʼ நித⁴யே நம: | 
க்லேஶகர்மாத்³யஸம்ʼஸ்ப்ருʼஷ்டபூர்ணஷாட³கு³ண்யமூர்தயே || 3|| 
த்ரிபி⁴ர்க்ஞானப³லைஶ்வர்யவீர்யஶக்த்யோஜஸாம்ʼ யுகை³: | 
த்ரிகு³ணாய நமஸ்தேऽஸ்து நமஸ்தே சதுராத்மனே || 4|| 
ப்ரதா⁴னபுருஷேஶாய நமஸ்தே புருஷோத்தம | 
சது:பஞ்சநவவ்யூஹத³ஶத்³வாத³ஶமூர்தயே || 5|| 
அனேகமூர்தயே துப்⁴யமமூர்தாயைகமூர்தயே | 
நாராயண நமஸ்தேऽஸ்து புண்ட³ரீகாயதேக்ஷண || 6|| 
ஸுப்⁴ரூலலாட ஸுமுக² ஸுஸ்மிதாத⁴ரவித்³ரும | 
பீனவ்ருʼத்தாயதபு⁴ஜ ஶ்ரீவத்ஸக்ருʼதபூ⁴ஷண || 7|| 
தனுமத்⁴யமஹாவக்ஷ: பத்³மநாப⁴ நமோऽஸ்து தே | 
விலாஸவிக்ரமாக்ராந்தத்ரைலோக்யசரணாம்பு³ஜ || 8|| 
நமஸ்தே பீதவஸன ஸ்பு²ரன்மகரகுண்ட³ல | 
ஸ்பு²ரத்கிரீடகேயூர நூபுராங்க³த³பூ⁴ஷண || 9|| 
பஞ்சாயுத⁴ நமஸ்தேऽஸ்து நமஸ்தே பாஞ்சகாலிக | 
பஞ்சகாலரதானாம்ʼ த்வம்ʼ யோக³க்ஷேமம்ʼ வஹ ப்ரபோ⁴ || 10|| 
நித்யக்ஞானப³லைஶ்வர்யபோ⁴கோ³பகரணாச்யுத | 
நமஸ்தே ப்³ரஹ்மருத்³ராதி³லோகயாத்ராப்ரவர்தக || 11|| 
ஜன்மப்ரப்⁴ருʼதி தா³ஸோऽஸ்மி ஶிஷ்யோऽஸ்மி தனயோऽஸ்மி தே | 
த்வம்ʼ ச  ஸ்வாமீ கு³ருர்மாதா பிதா ச மம பா³ந்த⁴வ: || 12|| 
அயி த்வாம்ʼ ப⁴க³வன் ப்³ரஹ்மஶிவஶக்ரமஹர்ஷய: | 
த்³ரஷ்டும்ʼ யஷ்டுமபி⁴ஷ்டோதுமத்³யாபீஶ நஹீஶதே || 13|| 
தாபத்ரயமஹாக்³ராஹபீ⁴ஷணே ப⁴வஸாக³ரே | 
மஜ்ஜதாம்ʼ நாத² நௌரேஷா ப்ரணதிஸ்து த்வத³ர்பிதா || 14|| 
அநாதா²ய ஜக³ன்னாத² ஶரண்ய ஶரணார்தி²னே | 
ப்ரஸீத³ ஸீத³தே மஹ்யம்ʼ முஹ்யதே ப⁴க்தவத்ஸல || 15|| 
மந்த்ரஹீனம்ʼ க்ரியாஹினம்ʼ ப⁴க்திஹீனம்ʼ யத³ர்சனம் | 
தத் க்ஷந்தவ்யம்ʼ ப்ரபன்னானாமபராத⁴ஸஹோ ஹ்யஸி || 16|| 
ஸர்வேஷு தே³ஶகாலேஷு ஸர்வாவஸ்தா²ஸு சாச்யுத | 
கிங்கரோऽஸ்மி ஹ்ருʼஷீகேஶ பூ⁴யோ பூ⁴யோऽஸ்மி கிங்கர: || 17|| 
ஏகத்ரிசதுரத்யந்தசேஷ்டாயேஷ்டக்ருʼதே ஸதா³ | 
வ்யக்தஷா கு³ண்யதத்த்வாய சதுராத்மாத்மனே நம: || 18|| 
கர்மணா மனஸா வாசா யா சேஷ்டா மம நித்யஶ: | 
கேஶவாராத⁴னே ஸா ஸ்யாஜ்ஜன்மஜன்மாந்தரேஷ்வபி || 19|| 
||  இதி ஜிதந்தேஸ்தோத்ரே த்ருʼதீயோऽத்⁴யாய: ||