ஜிதந்தேஸ்தோத்ரே  த்³விதீயோऽத்⁴யாய:
||  அத² ஜிதந்தேஸ்தோத்ரே  த்³விதீயோऽத்⁴யாய: ||
ஜிதம்ʼ தே புண்ட³ரீகாக்ஷ நமஸ்தே விஶ்வபா⁴வன |  
நமஸ்தேऽஸ்து ஹ்ருʼஷிகேஶ மஹாபுருஷபூர்வஜ || 1|| 
விக்ஞாபனமித³ம்ʼ தே³வ ஶ்ருʼணுஷ்வ புருஷோத்தம |  
நரநாராயணாப்⁴யாம்ʼ ச ஶ்வேதத்³வீபநிவாஸிபி⁴: || 2|| 
நாரதா³த்³யைர்முனிக³ணை: ஸனகாத்³யைஶ்ச யோகி³பி⁴: | 
ப்³ரஹ்மேஶாத்³யை: ஸுரக³ணை: பஞ்சகாலபராயணை: || 3|| 
பூஜ்யஸே புண்ட³ரீகாக்ஷ தி³வ்யைர்மந்த்ரைர்மஹாத்மபி⁴: | 
பாஷண்ட³த⁴ர்மஸங்கீர்ணே ப⁴க³வத்³ப⁴க்திவர்ஜிதே || 4|| 
கலௌ ஜாதோऽஸ்மி தே³வேஶ ஸர்வத⁴ர்மப³ஹிஷ்க்ருʼதே | 
கத²ம்ʼ த்வாமஸமா(தா³)சார: பாபப்ரஸவபூ⁴ருஹ: || 5|| 
அர்சயாமி த³யாஸிந்தோ⁴ பாஹி மாம்ʼ ஶரணாக³தம் | 
தாபத்ரயத³வாக்³னௌ மாம்ʼ த³ஹ்யமானம்ʼ ஸதா³ விபோ⁴ || 6|| 
பாஹி மாம்ʼ புண்ட³ரீகாக்ஷ கேவலம்ʼ க்ருʼபயா தவ | 
ஜன்மம்ருʼத்யுஜராவ்யாதி⁴து³:க²ஸந்தப்ததே³ஹினம்  || 7|| 
பாலயாஶு த்³ருʼஶா தே³வ தவ காருண்யக³ர்ப⁴யா | 
இந்த்³ரியாணி மயா ஜேதுமஶக்யம்ʼ புருஷோத்தம  || 8|| 
ஶரீரம்ʼ மம தே³வேஶ வ்யாதி⁴பி⁴: பரிபீடி³தம் | 
மனோ மே புண்ட³ரீகாக்ஷ விஷயானேவ தா⁴வதி || 9|| 
வாணீ மம ஹ்ருʼஷிகேஶ மித்²யாபாருஷ்யதூ³ஷிதா | 
ஏவம்ʼ ஸாத⁴னஹீனோऽஹம்ʼ கிம்ʼ கரிஷ்யாமி கேஶவ
ரக்ஷ மாம்ʼ க்ருʼபயா க்ருʼஷ்ண ப⁴வாப்³தௌ⁴ பதிதம்ʼ ஸதா³ || 10|| 
அபராத⁴ஸஹஸ்ராணாம்ʼ ஸஹஸ்ரமயுதம்ʼ ததா² | 
அர்பு³த³ம்ʼ சாப்யஸங்க்²யேயம்ʼ கருணாப்³தே⁴ க்ஷமஸ்வ மே || 11|| 
யம்ʼ சாபராத⁴ம்ʼ க்ருʼதவான் அக்ஞானாத் புருஷோத்தம | 
அக்ஞஸ்ய மம தே³வேஶ தத் ஸர்வம்ʼ க்ஷந்துமர்ஹஸி || 12|| 
அக்ஞத்வாத³ல்பஶக்தித்வாதா³லஸ்யாத்³து³ஷ்டபா⁴வனாத் | 
க்ருʼதாபராத⁴ம்ʼ க்ருʼபணம்ʼ க்ஷந்துமர்ஹஸி மாம்ʼ விபோ⁴ || 13|| 
அபராத⁴ஸஹஸ்ராணி க்ரியந்தேऽஹர்நிஶம்ʼ மயா | 
தானி ஸர்வாணி மே தே³வ க்ஷமஸ்வ மது⁴ஸூத³ன || 14|| 
யஜ்ஜன்மன: ப்ரப்⁴ருʼதி மோஹவஶம்ʼ க³தேன 
நானாபராத⁴ஶதமாசரிதம்ʼ மயா தே | 
அந்தர்ப³ஹிஶ்ச ஸகலம்ʼ தவ பஶ்யதோ ஹி 
க்ஷந்தும்ʼ த்வமர்ஹஸி ஹரே கருணாவஶேன || 15|| 
கர்மணா மனஸா வாசா யா சேஷ்டா மம நித்யஶ: | 
கேஶவாராத⁴னே ஸா ஸ்யாஜ்ஜன்மஜன்மாந்தரேஷ்வபி || 16|| 
||  இதி ஜிதந்தேஸ்தோத்ரே த்³விதீயோऽத்⁴யாய: ||