ஜிதந்தேஸ்தோத்ரே  ப்ரத²மோऽத்⁴யாய:
|| அத² ஜிதந்தேஸ்தோத்ரே  ப்ரத²மோऽத்⁴யாய: || 
ப்³ரஹ்மோவாச -
ஜிதம்ʼ தே புண்ட³ரீகாக்ஷ பூர்ணஷாட்³கு³ண்யவிக்³ரஹ | 
பரானந்த³ பரப்³ரஹ்மன் நமஸ்தே சதுராத்மனே || 1|| 
நமஸ்தே பீதவஸன நம: கடகஹாரிணே | 
நமோ நீலாலகாப³த்³த⁴ வேணீஸுந்த³ரபுங்க³வ || 2|| 
ஸ்பு²ரத்³வலயகேயூரநூபுராங்க³த³பூ⁴ஷணை: | 
ஶோப⁴னைர்பூ⁴ஷிதாகார கல்யாணகு³ணராஶயே || 3|| 
கருணாபூர்ணஹ்ருʼத³ய ஶங்க²சக்ரக³தா³த⁴ர | 
அம்ருʼதானந்த³பூர்ணாப்⁴யாம்ʼ லோசனாப்⁴யாம்ʼ விலோகய || 4|| 
க்ருʼஶம்ʼ க்ருʼதக்⁴னம்ʼ து³ஷ்கர்மகாரிணம்ʼ பாபபா⁴ஜனம் | 
அபராத⁴ஸஹஸ்ராணாம்ʼ ஆகரம்ʼ கருணாகர || 5|| 
க்ருʼபயா மாம்ʼ கேவலயா க்³ருʼஹாண மது²ராதி⁴ப | 
விஷயார்ணவமக்³னம்ʼ மாமுத்³த⁴ர்தும்ʼ த்வமிஹார்ஹஸி || 6|| 
பிதா மாதா ஸுஹ்ருʼத்³ப³ந்து⁴ர்ப்⁴ராதா புத்ரஸ்த்வமேவ மே | 
வித்³யா த⁴னம்ʼ ச காமஶ்ச நான்யத் கிஞ்சித் த்வயா வினா || 7|| 
யத்ர குத்ர ஸ்த²லே வாஸோ யேஷு கேஷு ப⁴வோऽஸ்து மே | 
தவ தா³ஸ்யைகபா⁴வே ஸ்யாத் ஸதா³ ஸர்வத்ர மே ரதி: || 8|| 
மனஸா கர்மணா வாசா ஶிரஸா வா கத²ஞ்சன | 
த்வாம்ʼ வினா நான்யமுத்³தி³ஶ்ய கரிஷ்யே கிஞ்சித³ப்யஹம் || 9|| 
பாஹி பாஹி ஜக³ன்னாத² க்ருʼபயா ப⁴க்தவத்ஸல | 
அநாதோ²ऽஹமத⁴ன்யோऽஹமக்ருʼதார்தோ² ஹ்யகிஞ்சன: || 10|| 
ந்ருʼஶம்ʼஸ: பாபக்ருʼத் க்ரூரோ வஞ்சகோ நிஷ்டு²ர: ஸதா³ | 
ப⁴வார்ணவே நிமக்³னம்ʼ மாமனன்யகருணோத³தே⁴ || 11|| 
கருணாபூர்ணத்³ருʼஷ்டிப்⁴யாம்ʼ தீ³னம்ʼ மாமவலோகய | 
த்வத³க்³ரே பதிதம்ʼ த்யக்தும்ʼ தாவகம்ʼ நார்ஹஸி ப்ரபோ⁴ || 12|| 
மயா க்ருʼதானி பாபானி விவிதா⁴னி புன: புன: | 
த்வத்பாத³பங்கஜம்ʼ ப்ராப்தும்ʼ நான்யத் த்வத்கருணாம்ʼ வினா || 13|| 
ஸாத⁴னானி ப்ரஸித்³தா⁴னி யாகா³தீ³ன்யப்³ஜலோசன | 
த்வதா³க்ஞயா ப்ரவ்ருʼத்தானி த்வாமுத்³தி³ஶ்ய க்ருʼதானி வை || 14|| 
ப⁴க்த்யைகலப்⁴ய: புருஷோத்தமோ ஹி ஜக³த்ப்ரஸூதிஸ்தி²திநாஶஹேது: | 
அகிஞ்சனம்ʼ நான்யக³திம்ʼ ஶரண்ய க்³ருʼஹாண மாம்ʼ க்லேஶினமம்பு³ஜாக்ஷ || 
த⁴ர்மார்த²காமமோக்ஷேஷு நேச்சா² மம கதா³சன | 
த்வத்பாத³பங்கஜஸ்யாதோ⁴ ஜீவிதம்ʼ மம தீ³யதாம் || 16|| 
காமயே தாவகத்வேன பரிசர்யாஸு வர்தனம் | 
நித்யம்ʼ கிங்கரபா⁴வேன பரிக்³ருʼஹ்ணீஷ்வ மாம்ʼ விபோ⁴ || 17|| 
லோகம்ʼ வைகுண்ட²நாமானம்ʼ தி³வ்யம்ʼ ஷாட்³கு³ண்யஸம்ʼயுதம் | 
அவைஷ்ணவானாமப்ராப்யம்ʼ கு³ணத்ரயவிவர்ஜிதம் || 18|| 
நித்யம்ʼ ஸித்³தை⁴: ஸமாகீர்ணம்ʼ த்வன்மயை: பாஞ்சகாலிகை: | 
ஸபா⁴ப்ராஸாத³ஸம்ʼயுக்தம்ʼ வனைஶ்சோபவனை: ஶுபை⁴: || 19|| 
வாபீகூபதடாகைஶ்ச வ்ருʼக்ஷஷண்டை³ஶ்ச மண்டி³தம் | 
அப்ராக்ருʼதம்ʼ ஸுரைர்வந்த்³யமயுதார்கஸமப்ரப⁴ம் || 20|| 
ப்ரக்ருʼஷ்டஸத்த்வராஶிம்ʼ த்வாம்ʼ கதா³ த்³ரக்ஷ்யாமி சக்ஷுஷா | 
க்ரீட³ந்தம்ʼ ரமயா ஸார்த⁴ம்ʼ லீலாபூ⁴மிஷு கேஶவம் || 21|| 
மேக⁴ஶ்யாமம்ʼ விஶாலாக்ஷம்ʼ கதா³ த்³ரக்ஷ்யாமி சக்ஷுஷா | 
உன்னஸம்ʼ சாருத³ஶனம்ʼ பி³ம்போ³ஷ்ட²ம்ʼ ஶோப⁴னானனம் || 22|| 
விஶாலவக்ஷஸம்ʼ ஶ்ரீஶம்ʼ கம்பு³க்³ரீவம்ʼ ஜக³த்³கு³ரும் | 
ஆஜானுபா³ஹுபரிக⁴முன்னதாம்ʼஸம்ʼ மது⁴த்³விஷம் || 23|| 
தனூத³ரம்ʼ நிம்னநாபி⁴மாபீனஜக⁴னம்ʼ ஹரிம் | 
கரபோ⁴ரும்ʼ ஶ்ரிய:காந்தம்ʼ கதா³ த்³ரக்ஷ்யாமி சக்ஷுஷா || 24|| 
ஶங்க²சக்ரக³தா³பத்³மைரங்கிதம்ʼ பாத³பங்கஜம் | 
ஶரச்சந்த்³ரஶதாக்ராந்தநக²ராஜிவிராஜிதம் || 25|| 
ஸுராஸுரைர்வந்த்³யமானம்ருʼஷிபி⁴ர்வந்தி³தம்ʼ ஸதா³ | 
மூர்தா⁴னம்ʼ மாமகம்ʼ தே³வ தாவகம்ʼ மண்ட³யிஷ்யதி || 26|| 
கதா³ க³ம்பீ⁴ரயா வாசா ஶ்ரியா யுக்தோ ஜக³த்பதி: | 
சாமரவ்யக்³ரஹஸ்தம்ʼ மாமேவம்ʼ குர்விதி வக்ஷ்யதி || 27|| 
கதா³ऽஹம்ʼ ராஜராஜேன க³ணநாதே²ன சோதி³த: | 
சரேயம்ʼ ப⁴க³வத்பாத³பரிசர்யாஸு வர்தனம் || 28|| 
ஶாந்தாய ஸுவிஶுத்³தா⁴ய தேஜஸே பரமாத்மனே | 
நம: ஸர்வகு³ணாதீதஷாட்³கு³ண்யாயாதி³வேத⁴ஸே || 29|| 
ஸத்யக்ஞானானந்தகு³ணப்³ரஹ்மணே சதுராத்மனே | 
நமோ ப⁴க³வதே துப்⁴யம்ʼ வாஸுதே³வாமிதத்³யுதே || 30|| 
சது:பஞ்சநவவ்யூஹத³ஶத்³வாத³ஶமூர்தயே | 
நமோऽனந்தாய விஶ்வாய விஶ்வாதீதாய சக்ரிணே || 31|| 
நமஸ்தே பஞ்சகாலக்ஞ பஞ்சகாலபராயண | 
பஞ்சகாலைகமனஸாம்ʼ த்வமேவ க³திரவ்யய: || 32|| 
ஸ்வமஹிம்னி ஸ்தி²தம்ʼ தே³வம்ʼ நிரனிஷ்டம்ʼ நிரஞ்ஜனம் | 
அப்ரமேயமஜம்ʼ விஷ்ணும்ʼ ஶரணம்ʼ த்வாம்ʼ க³தோऽஸ்ம்யஹம் || 33|| 
வாக³தீதம்ʼ பரம்ʼ ஶாந்தம்ʼ கஞ்ஜநாப⁴ம்ʼ ஸுரேஶ்வரம் | 
துரீயாத்³யதிரிக்தம்ʼ த்வாம்ʼ கௌஸ்துபோ⁴த்³பா⁴ஸிவக்ஷஸம் || 34||   
விஶ்வரூபம்ʼ விஶாலாக்ஷம்ʼ கதா³ த்³ரக்ஷ்யாமி சக்ஷுஷா | 
மோக்ஷம்ʼ ஸாலோக்யஸாரூப்யம்ʼ ப்ரார்த²யே ந கதா³சன || 35|| 
இச்சா²ம்யஹம்ʼ மஹாபா⁴க³ காருண்யம்ʼ தவ ஸுவ்ரத | 
ஸகலாவரணாதீத கிங்கரோऽஸ்மி தவானக⁴ || 36|| 
புன: புன: கிங்கரோऽஸ்மி தவாஹம்ʼ புருஷோத்தம | 
ஆஸனாத்³யனுயாகா³ந்தமர்சனம்ʼ யன்மயா க்ருʼதம் || 37|| 
போ⁴க³ஹீனம்ʼ க்ரியாஹீனம்ʼ மந்த்ரஹீனமப⁴க்திகம் | 
தத்ஸர்வம்ʼ க்ஷம்யதாம்ʼ தே³வ தீ³னம்ʼ மாமத்மஸாத் குரு || 38|| 
இதி ஸ்தோத்ரேண தே³வேஶம்ʼ ஸ்துத்வா மது⁴நிகா⁴தினம் | 
யாகா³வஸானஸமயே தே³வதே³வஸ்ய சக்ரிண: | 
நித்யம்ʼ கிங்கரபா⁴வேன ஸ்வாத்மானம்ʼ விநிவேத³யேத் || 39|| 
|| இதி ஜிதந்தேஸ்தோத்ரே ப்ரத²மோऽத்⁴யாய: ||