தா⁴டீ ஶ்ரீஜயதீர்த²வர்யவசஸாம்ʼ சேடீப⁴வத்ஸ்வர்து⁴னீ-

பாடீரானிலபுல்லமல்லிஸுமனோவாடீலஸத்³வாஸனா |
பேடீ யுக்திமணிஶ்ரியாம்ʼ ஸுமதிபி⁴: கோடீரகை: ஶ்லாகி⁴தா
ஸா டீகா நிசயாத்மிகா மம சிராதா³டீகதாம்ʼ மானஸே || 1||

டீகாக்ருʼஜ்ஜயவர்ய ஸம்ʼஸதி³ ப⁴வத்யேகாந்ததோ ராஜதி
ப்ராகாம்யம்ʼ த³த⁴தே பலாயனவிதௌ⁴ ஸ்தோகான்யஶங்காத்³விஷ: |
லோகாந்தீ⁴கரணக்ஷமஸ்ய தமஸ: ஸா காலஸீமா யதா³
பாகாராதிதி³ஶி ப்ரரோஹதி ந சேத்³ராகாநிஶாகாமுக: || 2||

சா²யாஸம்ʼஶ்ரயணேன யச்சரணயோராயாமிஸாம்ʼஸாரிகா-
பாயானல்பதமாதபவ்யதிகரவ்யாயாமவிக்ஷோபி⁴தா: |
ஆயாந்தி ப்ரகடாம்ʼ முத³ம்ʼ பு³த⁴ஜனா ஹேயானி தி⁴க்க்ருʼத்ய ந:
பாயாச்ச்²ரீஜயராட் த்³ருʼஶா ஸரஸநிர்மாயானுகம்பார்த்³ரயா || 3||

ஶ்ரீவாய்வம்ʼஶஸுவம்ʼஶமௌக்திகமணே: ஸேவாவிநம்ரக்ஷமா-
தே³வாக்ஞானதமோவிமோசனகலாஜைவாத்ருʼகஶ்ரீநிதே⁴: |
ஶைவாத்³வைதமதாடவீகவலனாதா³வாக்³னிலீலாஜுஷ:
கோ வாதீ³ புரதோ ஜயீஶ்வர ப⁴வேத் தே வாதி³கோலாஹலே || 4||

நீஹாரச்ச²விபி³ம்ப³நிர்க³தகரவ்யூஹாப்லுதேந்தூ³பலா-
நாஹார்யஶ்ருதநூதனாம்ருʼதபரீவாஹாலிவாணீமுச: |
ஊஹாகோ³சரக³ர்வபண்டி³தபயோவாஹானிலஶ்ரீஜுஷோ
மாஹாத்ம்யம்ʼ ஜயதீர்த²வர்ய ப⁴வதோ வ்யாஹாரமத்யேதி ந: || 5||

வந்தா³ருக்ஷிதிபாலமௌலிவிலஸன்மந்தா³ரபுஷ்பாவலீ-
மந்தா³ன்யப்ரஸரன்மரந்த³கணிகாவ்ருʼந்தா³ர்த்³ரபாதா³ம்பு³ஜ: |
குந்தா³பா⁴மலகீர்திரார்தஜனதாவ்ருʼந்தா³ரகானோகஹ:
ஸ்வம்ʼ தா³ஸம்ʼ ஜயதீர்த²ராட் ஸ்வகருணாஸந்தா⁴னிதம்ʼ மாம்ʼ க்ரியாத் || 6||

ஶ்ரீதா³ராங்க்⁴ரிநத: ப்ரதீபஸுமனோவாதா³ஹவாடோபநிர்-
பே⁴தா³தந்த்³ரமதி: ஸமஸ்தவிபு³தா⁴மோதா³வலீதா³யக: |
கோ³தா³வர்யுத³யத்தரங்க³னிகரஹ்ரீதா³யிக³ம்பீ⁴ரகீ³:
பாதா³ப்³ஜப்ரணதே ஜயீ கலயது ஸ்வே தா³ஸவர்கே³ऽபி மாம் || 7||

வித்³யாவாரிஜஷண்ட³சண்ட³கிரணோ வித்³யாமத³க்ஷோத³ய-
த்³வாத்³யாலீகத³லீபி⁴தா³மரகரீஹ்ருʼத்³யாத்மகீர்திக்ரம: |
பத்³யா போ³த⁴ததேர்விநம்ரஸுரராடு³த்³யானபூ⁴மீருஹோ
த³த்³யாச்ச்²ரீஜயதீர்த²ராட் தி⁴யமுதாவத்³யானி பி⁴த்³யான்மம || 8||

ஆபா⁴ஸத்வமியாய தார்கிகமதம்ʼ ப்ராபா⁴கரப்ரக்ரியா
ஶோபா⁴ம்ʼ நைவ ப³பா⁴ர தூ³ரனிஹிதா வைபா⁴ஷிகாத்³யுக்தய: |
ஹ்ரீபா⁴ரேண நதாஶ்ச ஸங்கரமுகா²: க்ஷோபா⁴கரோ பா⁴ஸ்கர:
ஶ்ரீபா⁴ஷ்யம்ʼ ஜயயோகி³னி ப்ரவத³தி ஸ்வாபா⁴விகோத்³யன்மதௌ || 9||

ப³ந்தா⁴ன: ஸரஸார்த²ஶப்³த³விலஸத்³ப³ந்தா⁴கராணாம்ʼ கி³ரா-
மிந்தா⁴னோऽர்கவிபா⁴பரீப⁴வக²ரீஸந்தா⁴யினா தேஜஸா |
ருந்தா⁴னோ யஶஸா தி³ஶ: கவிஶிர:ஸந்தா⁴ர்யமாணேன மே
ஸந்தா⁴னம்ʼ ஸ ஜயீ ப்ரஸித்³த⁴ஹரிஸம்ப³ந்தா⁴க³மஸ்ய க்ரியாத் || 10||

ஸங்க்²யாவத்³க³ணகீ³யமானசரித: ஸாங்க்²யாக்ஷபாதா³தி³னி:-
ஸங்க்²யாऽஸத்ஸமயிப்ரபே⁴த³படிமாப்ரக்²யாதவிக்²யாதிக³: |
முக்²யாவாஸக்³ருʼஹம்ʼ க்ஷமாத³மத³யாமுக்²யாமலஶ்ரீது⁴ராம்ʼ
வ்யாக்²யானே கலயேத்³ரதிம்ʼ ஜயவராபி⁴க்²யாத⁴ரோ மத்³கு³ரு: || 11||

ஆஸீனோ மருத³ம்ʼஶதா³ஸஸுமனோனாஸீரதே³ஶே க்ஷணா-
த்³தா³ஸீபூ⁴தவிபக்ஷவாதி³விஸர: ஶாஸீ ஸமஸ்தைனஸாம் |
வாஸீ ஹ்ருʼத்ஸு ஸதாம்ʼ கலாநிவஹவின்யாஸீ மமானாரதம்ʼ
ஶ்ரீஸீதாரமணார்சக: ஸ ஜயராடா³ஸீத³தாம்ʼ மானஸே || 12||

பக்ஷீஶாஸனபாத³பூஜனரத: கக்ஷீக்ருʼதோத்³யத்³த³யோ
லக்ஷ்யீக்ருʼத்ய ஸபா⁴தலே ரடத³ஸத்பக்ஷீஶ்வரானக்ஷிபத் |
அக்ஷீணப்ரதிபா⁴ப⁴ரோ விதி⁴ஸரோஜாக்ஷீவிஹாராகரோ
லக்ஷ்மீம்ʼ ந: கலயேஜ்ஜயீ ஸுசிரமத்⁴யக்ஷீக்ருʼதக்ஷோப⁴ணாம் || 13||

யேனாऽகா³ஹி ஸமஸ்தஶாஸ்த்ரப்ருʼதனாரத்னகரோ லீலயா
யேனாऽக²ண்டி³ குவாதி³ஸர்வஸுப⁴டஸ்தோமோ வச:ஸாயகை: |
யேனாऽஸ்தா²பி ச மத்⁴வஶாஸ்த்ரவிஜயஸ்தம்போ⁴ த⁴ராமண்ட³லே
தம்ʼ ஸேவே ஜயதீர்த²வீரமனிஶம்ʼ மத்⁴வாக்²யராஜாத்³ருʼதம் || 14||

யதீ³யவாக்தரங்கா³ணாம்ʼ விப்லுஷோ விது³ஷாம்ʼ கி³ர: |
ஜயதி ஶ்ரீத⁴ராவாஸ: ஜயதீர்த²ஸுதா⁴கர: || 15||

ஸத்யப்ரியயதிப்ரோக்தம்ʼ ஶ்ரீஜயார்யஸ்தவம்ʼ ஶுப⁴ம் |
பட²ன் ஸபா⁴ஸு விஜயீ லோகேஷூத்தமதாம்ʼ வ்ரஜேத் || 16||

|| இதி ஶ்ரீஸத்யப்ரியதீர்த²விரசிதா ஶ்ரீஜயதீர்த²ஸ்துதி: ||