జయ కోల్హాపురనిలయే
అథ రమాస్తోత్రమ్
జయ కోల్హాపురనిలయే భజదిష్టేతరవిలయే ।
తవ పాదౌ హృది కలయే రత్నరచితవలయే	॥౧॥
జయ జయ సాగరజాతే కురు కరుణాం మయి భీతే । 
జగదంబాభిధయా తే జీవతి తవ పోతే	॥౨॥
జయ జయ సాగరసదనా జయ కాంత్యా జితమదనా । 
జయ దుష్టాంతకకదనా కుందముకులరదనా	॥౩॥
సురరమణీనుతచరణే సుమనఃసంకటహరణే । 
సుస్వరరంజితవీణే సుందరనిజకిరణే	॥౪॥
భజదిందీవరసోమా భవముఖ్యామరకామా । 
భయమూలాళివిరామా భంజితమునిభీమా	॥౫॥
కుంకుమరంజితఫాలే కుంజరబాంధవలోలే ।
కలధౌతామలచైలే కృంతకుజనజాలే	॥౬॥
ధృతకరుణారసపూరే ధనదానోత్సవధీరే । 
ధ్వనిలవనిందితకీరే ధీరదనుజదారే	॥౭॥
సురహృత్పంజరకీరా సుమరోహార్పితహారా । 
సుందరకుంజవిహారా సురవరపరివారా	॥౮॥
వరకబరీధృతకుసుమే వరకనకాధికసుషమే । 
వననిలయాదయభీమే వదనవిజితసోమే	॥౯॥
మదకలభాలసగమనే మధుమథనాలసనయనే ।
మృదులోలాలకరచనే మధురసరసగానే	॥౧౦॥
వ్యాఘ్రపురీవరనిలయే వ్యాసపదార్పితహృదయే । 
కురు కరుణాం మయి సదయే వివిధనిగమగేయే	॥౧౧॥