जय कोल्हापुरनिलये
अथ रमास्तोत्रम्
जय कोल्हापुरनिलये भजदिष्टेतरविलये ।
तव पादौ हृदि कलये रत्नरचितवलये	॥१॥
जय जय सागरजाते कुरु करुणां मयि भीते । 
जगदंबाभिधया ते जीवति तव पोते	॥२॥
जय जय सागरसदना जय कांत्या जितमदना । 
जय दुष्टांतककदना कुंदमुकुलरदना	॥३॥
सुररमणीनुतचरणे सुमनःसंकटहरणे । 
सुस्वररंजितवीणे सुंदरनिजकिरणे	॥४॥
भजदिंदीवरसोमा भवमुख्यामरकामा । 
भयमूलाळिविरामा भंजितमुनिभीमा	॥५॥
कुंकुमरंजितफाले कुंजरबांधवलोले ।
कलधौतामलचैले कृंतकुजनजाले	॥६॥
धृतकरुणारसपूरे धनदानोत्सवधीरे । 
ध्वनिलवनिंदितकीरे धीरदनुजदारे	॥७॥
सुरहृत्पंजरकीरा सुमरोहार्पितहारा । 
सुंदरकुंजविहारा सुरवरपरिवारा	॥८॥
वरकबरीधृतकुसुमे वरकनकाधिकसुषमे । 
वननिलयादयभीमे वदनविजितसोमे	॥९॥
मदकलभालसगमने मधुमथनालसनयने ।
मृदुलोलालकरचने मधुरसरसगाने	॥१०॥
व्याघ्रपुरीवरनिलये व्यासपदार्पितहृदये । 
कुरु करुणां मयि सदये विविधनिगमगेये	॥११॥