அத² ரமாஸ்தோத்ரம்
ஜய கோல்ஹாபுரநிலயே ப⁴ஜதி³ஷ்டேதரவிலயே |
தவ பாதௌ³ ஹ்ருʼதி³ கலயே ரத்னரசிதவலயே || 1||

ஜய ஜய ஸாக³ரஜாதே குரு கருணாம்ʼ மயி பீ⁴தே |
ஜக³த³ம்பா³பி⁴த⁴யா தே ஜீவதி தவ போதே || 2||

ஜய ஜய ஸாக³ரஸத³னா ஜய காந்த்யா ஜிதமத³னா |
ஜய து³ஷ்டாந்தககத³னா குந்த³முகுலரத³னா || 3||

ஸுரரமணீநுதசரணே ஸுமன​:ஸங்கடஹரணே |
ஸுஸ்வரரஞ்ஜிதவீணே ஸுந்த³ரநிஜகிரணே || 4||

ப⁴ஜதி³ந்தீ³வரஸோமா ப⁴வமுக்²யாமரகாமா |
ப⁴யமூலாளிவிராமா ப⁴ஞ்ஜிதமுனிபீ⁴மா || 5||

குங்குமரஞ்ஜிதபா²லே குஞ்ஜரபா³ந்த⁴வலோலே |
கலதௌ⁴தாமலசைலே க்ருʼந்தகுஜனஜாலே || 6||

த்⁴ருʼதகருணாரஸபூரே த⁴னதா³னோத்ஸவதீ⁴ரே |
த்⁴வனிலவநிந்தி³தகீரே தீ⁴ரத³னுஜதா³ரே || 7||

ஸுரஹ்ருʼத்பஞ்ஜரகீரா ஸுமரோஹார்பிதஹாரா |
ஸுந்த³ரகுஞ்ஜவிஹாரா ஸுரவரபரிவாரா || 8||

வரகப³ரீத்⁴ருʼதகுஸுமே வரகனகாதி⁴கஸுஷமே |
வனநிலயாத³யபீ⁴மே வத³னவிஜிதஸோமே || 9||

மத³கலபா⁴லஸக³மனே மது⁴மத²னாலஸநயனே |
ம்ருʼது³லோலாலகரசனே மது⁴ரஸரஸகா³னே || 10||

வ்யாக்⁴ரபுரீவரநிலயே வ்யாஸபதா³ர்பிதஹ்ருʼத³யே |
குரு கருணாம்ʼ மயி ஸத³யே விவித⁴நிக³மகே³யே || 11||