atha ramAstotram
jaya kolhApuranilaye bhajadiShTetaravilaye |
tava pAdau hRRidi kalaye ratnarachitavalaye ||1||
jaya jaya sAgarajAte kuru karuNAM mayi bhIte |
jagadaMbAbhidhayA te jIvati tava pote ||2||
jaya jaya sAgarasadanA jaya kAMtyA jitamadanA |
jaya duShTAMtakakadanA kuMdamukularadanA ||3||
suraramaNInutacharaNe sumanaHsaMkaTaharaNe |
susvararaMjitavINe suMdaranijakiraNe ||4||
bhajadiMdIvarasomA bhavamukhyAmarakAmA |
bhayamUlALivirAmA bhaMjitamunibhImA ||5||
kuMkumaraMjitaphAle kuMjarabAMdhavalole |
kaladhautAmalachaile kRRiMtakujanajAle ||6||
dhRRitakaruNArasapUre dhanadAnotsavadhIre |
dhvanilavaniMditakIre dhIradanujadAre ||7||
surahRRitpaMjarakIrA sumarohArpitahArA |
suMdarakuMjavihArA suravaraparivArA ||8||
varakabarIdhRRitakusume varakanakAdhikasuShame |
vananilayAdayabhIme vadanavijitasome ||9||
madakalabhAlasagamane madhumathanAlasanayane |
mRRidulolAlakarachane madhurasarasagAne ||10||
vyAghrapurIvaranilaye vyAsapadArpitahRRidaye |
kuru karuNAM mayi sadaye vividhanigamageye ||11||