hitopadeśaḥ
atha hitopadeśaḥ
smara kṛṣṇaṁ bhaja hariṁ nama viṣṇuṁ śrayācyutam |
tyaja kāmaṁ jahi krodhaṁ jahi mohaṁ bhavālayam ||1||
śruṇu śaurikathāḥ puṇyāḥ paśya śrīpativigraham |
jighra śrīpādatulasiḥ spṛśa vaikuṁṭhavallabham ||2||
bhuṁkṣva keśavanaivedyaṁ tiṣṭha mādhavamaṁdire |
japa nārāyaṇamanuṁ paṭha tannāmamaṁgalam ||3||
pāhi prapannajanatāṁ brūhi tathyaṁ hitaṁ nṛṇām |
dehi kāṁkṣitamarthibhyo yāhi sajjanasaṁgatim ||4||
kuru bhūtadayāṁ nityaṁ cara dharmamaharniśam |
jānīhi nityamātmānamavehyanyaddhi  naśvaram ||5||
paṁcaślokamimāṁ śaśvat paṭha dhāraya ciṁtaya |
etāvānsarvavedārthaḥ samāsena nirūpitaḥ |6||
nāsti nārāyaṇa samaṁ na bhūtaṁ na bhaviṣyati |
etena satyavākyena sarvārthānsādhayāmyaham ||7||
akṣobhyatīrthamuninā nijaśiṣyahitaiṣiṇā |
vedasāramidaṁ proktaṁ prītyaimādhavamadhvayoḥ ||8||
|| iti akṣobhyatīrtha viracitaḥ hitopadeśaḥ ||