అథ హితోపదేశః
స్మర కృష్ణం భజ హరిం నమ విష్ణుం శ్రయాచ్యుతం |

త్యజ కామం జహి క్రోధం జహి మోహం భవాలయం || 1||

శ్రుణు శౌరికథాః పుణ్యాః పశ్య శ్రీపతివిగ్రహం |

జిఘ్ర శ్రీపాదతులసిః స్పృశ వైకుంఠవల్లభం || 2||

భుంక్ష్వ కేశవనైవేద్యం తిష్ఠ మాధవమందిరే |

జప నారాయణమనుం పఠ తన్నామమంగలం || 3||

పాహి ప్రపన్నజనతాం బ్రూహి తథ్యం హితం నృణాం |

దేహి కాంక్షితమర్థిభ్యో యాహి సజ్జనసంగతిం || 4||

కురు భూతదయాం నిత్యం చర ధర్మమహర్నిశం |

జానీహి నిత్యమాత్మానమవేహ్యన్యద్ధి నశ్వరం || 5||

పంచశ్లోకమిమాం శశ్వత్ పఠ ధారయ చింతయ |

ఏతావాన్సర్వవేదార్థః సమాసేన నిరూపితః | 6||

నాస్తి నారాయణ సమం న భూతం న భవిష్యతి |

ఏతేన సత్యవాక్యేన సర్వార్థాన్సాధయామ్యహం || 7||

అక్షోభ్యతీర్థమునినా నిజశిష్యహితైషిణా |

వేదసారమిదం ప్రోక్తం ప్రీత్యైమాధవమధ్వయోః || 8||

|| ఇతి అక్షోభ్యతీర్థ విరచితః హితోపదేశః ||