ಹಯಗ್ರೀವಸಂಪದಾಸ್ತೋತ್ರಮ್
॥ ಅಥ ಹಯಗ್ರೀವಸಂಪದಾಸ್ತೋತ್ರಮ್ ॥
ಹಯಗ್ರೀವ ಹಯಗ್ರೀವ ಹಯಗ್ರೀವೇತಿ  ವಾದಿನಮ್ ।
ನರಂ ಮುಂಚಂತಿ ಪಾಪಾನಿ ದರಿದ್ರಮಿವ ಯೋಷಿತಃ 	॥೧॥
ಹಯಗ್ರೀವ ಹಯಗ್ರೀವ ಹಯಗ್ರೀವೇತಿ ಯೋ ವದೇತ್ ।
ತಸ್ಯ ನಿಃಸರತೇ ವಾಣೀ ಜಹ್ನುಕನ್ಯಾಪ್ರವಾಹವತ್	॥೨॥
ಹಯಗ್ರೀವ ಹಯಗ್ರೀವ ಹಯಗ್ರೀವೇತಿ ಯೋ ಧ್ವನಿಃ ।
ವಿಶೋಭತೇ ಚ ವೈಕುಂಠಕವಾಟೋದ್ಘಾಟನಧ್ವನಿಃ 	॥೩॥
ಶ್ಲೋಕತ್ರಯಮಿದಂ ಪುಣ್ಯಂ ಹಯಗ್ರೀವಪದಾಂಕಿತಮ್ ।
ವಾದಿರಾಜಯತಿಪ್ರೋಕ್ತಂ ಪಠತಾಂ ಸಂಪದಾಂ ಪದಮ್ ॥೪॥
॥ ಇತಿ ವಾದಿರಾಜತೀರ್ಥವಿರಚಿತಂ ಹಯಗ್ರೀವಸಂಪದಾಸ್ತೋತ್ರಮ್ ॥