॥ अथ हयग्रीवसंपदास्तोत्रम् ॥

हयग्रीव हयग्रीव हयग्रीवेति वादिनम् ।
नरं मुंचंति पापानि दरिद्रमिव योषितः ॥१॥

हयग्रीव हयग्रीव हयग्रीवेति यो वदेत् ।
तस्य निःसरते वाणी जह्नुकन्याप्रवाहवत् ॥२॥

हयग्रीव हयग्रीव हयग्रीवेति यो ध्वनिः ।
विशोभते च वैकुंठकवाटोद्घाटनध्वनिः ॥३॥

श्लोकत्रयमिदं पुण्यं हयग्रीवपदांकितम् ।
वादिराजयतिप्रोक्तं पठतां संपदां पदम् ॥४॥

॥ इति वादिराजतीर्थविरचितं हयग्रीवसंपदास्तोत्रम् ॥