హరిభక్తాష్టకం 
అథ హరిభక్తాష్టకం 
శ్రీమధ్వశుద్ధరాద్ధాంతభూమయో ధృతనేమయః | 
మహాంతో హరిసంతోషకరాః క్లేశహరా మమ || 1|| 
రూక్షాఘక్షాలనే దక్షా మోక్షదాధోక్షజేక్షణాః | 
రక్ష్యేలక్ష్యావిపక్షాక్షహర్యక్షాః పరపక్షకాః || 2|| 
సుదయానిధయో మోక్షావధయో విజితాధయః | 
హరిసన్నిధయో జ్ఞానేషుధయోంఽబుధయో గుణైః || 3|| 
ప్రభంజనాప్తచిత్పుంజాక్ష్యంజనా జనరంజనాః | 
నిరంజనాః కంజనాభవ్యంజనా భవభంజనాః || 4|| 
నృత్యంతః స్వాంతవృత్యంతః సంతో హంతోజ్ఛితా హరిం | 
భజంతోఽన్యత్త్యజంతస్తే యతయో గతయో మమ || 5|| 
సదా శాస్త్ర విచారస్థాన్  సదాఽశాస్త్రజయే పటూన్ | 
సదా శాస్త్ర విచారస్థాన్ సదా శాస్త్రపయోఽత్స్యతః || 6|| 
అలం పటాదివిషయైరిత్యలంపటమానసాన్ | 
అనలంకుర్వతః స్వాంగమనలం కుర్వతో ద్విషాం || 7|| 
భ్రమతో భ్రమతో దేశం నమతో నమతోదయం | 
గురూన్ విద్యాగురూన్ సర్వాన్ స్మరధ్వం స్మరతో హరిం || 8|| 
హరిభక్తాష్టకం దృష్టాదృష్టసర్వేష్టపుష్టిదం | 
యతినా వాదిరాజేన రచితం సర్వదా పఠేత్ || 8|| 
||  ఇతి శ్రీవాదిరాజయతివిరచితం హరిభక్తాష్టకం ||