atha haribhaktāṣṭakam
śrīmadhvaśuddharāddhāṁtabhūmayo dhṛtanemayaḥ |

mahāṁto harisaṁtoṣakarāḥ kleśaharā mama ||1||

rūkṣāghakṣālane dakṣā mokṣadādhokṣajekṣaṇāḥ |

rakṣyelakṣyāvipakṣākṣaharyakṣāḥ parapakṣakāḥ ||2||

sudayānidhayo mokṣāvadhayo vijitādhayaḥ |

harisannidhayo jñāneṣudhayoṁ'budhayo guṇaiḥ ||3||

prabhaṁjanāptacitpuṁjākṣyaṁjanā janaraṁjanāḥ |

niraṁjanāḥ kaṁjanābhavyaṁjanā bhavabhaṁjanāḥ ||4||

nṛtyaṁtaḥ svāṁtavṛtyaṁtaḥ saṁto haṁtojchitā harim |

bhajaṁto'nyattyajaṁtaste yatayo gatayo mama ||5||

sadā śāstra vicārasthān sadā'śāstrajaye paṭūn |

sadā śāstra vicārasthān sadā śāstrapayo'tsyataḥ ||6||

alaṁ paṭādiviṣayairityalaṁpaṭamānasān |

analaṁkurvataḥ svāṁgamanalaṁ kurvato dviṣām ||7||

bhramato bhramato deśaṁ namato namatodayam |

gurūn vidyāgurūn sarvān smaradhvaṁ smarato harim ||8||

haribhaktāṣṭakaṁ dṛṣṭādṛṣṭasarveṣṭapuṣṭidam |

yatinā vādirājena racitaṁ sarvadā paṭhet ||8||

|| iti śrīvādirājayativiracitaṁ haribhaktāṣṭakam ||