கு³ருஸ்தோத்ரம்ʼ
அத² கு³ருஸ்தோத்ரம்ʼ
ஸமாஶ்ரயேத்³ கு³ரும்ʼ ப⁴க்த்யா மஹாவிஶ்வாஸபூர்வகம்ʼ |
நிக்ஷிபேத் ஸர்வபா⁴ராம்ʼஶ்ச கு³ரோ꞉ ஶ்ரீபாத³பங்கஜே	||1||
கு³ருரேவ பரோ த⁴ர்மோ கு³ருரேவ பரா க³தி꞉
கு³ருரேவ பரோ ப³ந்து⁴ர்கு³ருரேவ பர꞉ ஸ்ம்ருʼத꞉	||2||
கு³ருரேவ மஹாபாபம்ʼ க்ஷபயத்யாத்மபா⁴வத꞉ |
‘ஶ்ரீகு³ருப்⁴யோ நம’ இதி கு³ருமந்த்ரம்ʼ ஜபேத ய꞉	||3||
கு³ருப⁴க்த்யா விநாஶ꞉ ஸ்யாத்³தோ³ஷஸ்யாபி க³ரீயஸ꞉ |
ப⁴விஷ்யதி நவேத்யேவம்ʼ ஸந்தி³க்³தோ⁴(க்³தே⁴) நிரயம்ʼ வ்ரஜேத்	||4||
கு³ருபாதா³ம்பு³ஜம்ʼ த்⁴யாயேத்³ 
கு³ரோர்நாம ஸதா³ ஜபேத் |
கு³ரோர்வார்தாம்ʼ து கத²யேத்³ 
கு³ரோரன்யம்ʼ ந பா⁴வயேத்	||5||
கு³ருபாதௌ³ ச ஶிரஸா மனஸா வசஸா ததா² |
ய꞉ ஸ்மரேத்ஸததம்ʼ ப⁴க்த்யா ஸந்துஷ்டஸ்தஸ்ய கேஶவ꞉	||6||
ஹரௌ ருஷ்டே கு³ருஸ்த்ராதா கு³ரௌ ருஷ்டே ந கஶ்சன |
கு³ருப்ரஸாதா³த் ஸர்வேஷ்டஸித்³தி⁴ர்ப⁴வதி நான்யதா²	||7||
கு³ருஸம்ʼஸ்மரணம்ʼ கார்யம்ʼ ஸர்வதை³வ முமுக்ஷுபி⁴꞉ |
உத்தா²னே போ⁴ஜனே ஸ்னானே க்³ரந்தா²ரம்பே⁴ விஶேஷத꞉	||8||
கு³ருப்ரஸாதோ³ ப³லவான் ந தஸ்மாத்³ ப³லவத்தரம்ʼ |
யத்³கு³ரு꞉ ஸுப்ரஸன்ன꞉ ஸன் த³த்³யாத் தன்னான்யதா² ப⁴வேத்	||9||
ஶுபா⁴ன் த்⁴யாயந்தி யே காமான் கு³ருதே³வப்ரஸாத³ஜான் |
இதரானாத்மபாபோத்தா²ன் தேஷாம்ʼ வித்³யா ப²லிஷ்யதி	||10||
ஸ்ம்ருʼத்வா கு³ரும்ʼ பூர்வகு³ருமாதி³மூலகு³ரூம்ʼஸ்ததா² |
தே³வதாம்ʼ வாஸுதே³வம்ʼ ச வித்³யாப்⁴யாஸீ து ஸித்³தி⁴பா⁴க்	||11||
ஜ்ஞாநாத்³ருʼதே நைவ முக்திர்ஜ்ஞானம்ʼ நைவ கு³ரோர்வினா |
தஸ்மாத்³கு³ரும்ʼ ப்ரபத்³யேத ஜிஜ்ஞாஸு꞉ ஶ்ரேய உத்தமம்ʼ	||12||
தத்ர பா⁴க³வதான் த⁴ர்மான் ஶிக்ஷேத்³ கு³ர்வாத்மதை³வத꞉ |
அமாயயானுவ்ருʼத்த்யா ச துஷ்யேதா³த்மாத்மதோ³ ஹரி꞉	||13||
அஹோபா⁴க்³யமஹோபா⁴க்³யம்ʼ கு³ருபாதா³னுவர்தினாம்ʼ |
ஐஹிகாமுஷ்மிகம்ʼ ஸௌக்²யம்ʼ வர்த⁴தே தத³னுக்³ரஹாத்	||14||
அஹோ தௌ³ர்பா⁴க்³யமதுலம்ʼ விமுகா²னாம்ʼ ஹரௌ கு³ரௌ |
ஐஹிகம்ʼ ஹ்ரஸதே ஸௌக்²யம்ʼ து³꞉க²ம்ʼ நாரகமேத⁴தே	||15||
யத்³யத் ஸத்க்ருʼத்யஜம்ʼ புண்யம்ʼ தத்ஸர்வம்ʼ கு³ரவே(அ)ர்பயேத் |
தேன தத் ஸப²லம்ʼ ப்ரோக்தமன்யதா² நிஷ்ப²லம்ʼ ப⁴வேத்	||16||
கு³ருர்கு³ருர்கு³ருரிதி ஜபதோ நாஸ்தி பாதகம்ʼ |
தஸ்மாத்³ கு³ருப்ரஸாதா³ர்த²ம்ʼ யதேத மதிமான்னர꞉	||17||
கு³ரோ꞉ ஸேவா கு³ரோ꞉ ஸ்தோத்ரம்ʼ ஶிஷ்யக்ருʼத்யம்ʼ பரம்ʼ ஸ்மதம்ʼ |
தோ³ஷத்³ருʼஷ்டிரனர்தா²யேத்யுமாமாஹ ஸதா³ஶிவ꞉	||18||
அஹோபா⁴க்³யமஹோபா⁴க்³யம்ʼ மத்⁴வமார்கா³னுயாயினாம்ʼ |
தை³வம்ʼ ரமாபதிர்யேஷாம்ʼ யத்³கு³ருர்பா⁴ரதீபதி꞉	||19||
ஸர்வத⁴ர்மான் பரித்யஜ்ய கு³ருத⁴ர்மான் ஸமாசர |
ந கு³ரோரதி⁴கம்ʼ கிஞ்சித் புருஷார்த²சதுஷ்டயே	||20||
ஸாத⁴னம்ʼ வித்³யதே தே³வி கு³ரோராஜ்ஞாம்ʼ ந லங்க⁴யேத் |
தே³ஹதா³த்பிதுரேவாயம்ʼ ஹ்யதி⁴கோ ஜ்ஞானதா³னத꞉	||21||
பிதா மாதா ததா² ப்⁴ராதா ஸர்வே ஸம்ʼஸாரஹேதவ꞉ |
கு³ருரேக꞉ ஸதா³ ஸேவ்ய꞉ ஸம்ʼஸாரோத்³த⁴ரணக்ஷம꞉	||22||
கு³ருப⁴க்த꞉ ஸதா³ ஸேவ்யோ கு³ருப⁴க்தஸ்ய த³ர்ஶனே |
மனோ மே கா³ஹதே தே³வி கதா³ த்³ரக்ஷ்யே கு³ருப்ரியம்ʼ	||23||
ஸர்வே த⁴ர்மா꞉ க்ருʼதாஸ்தேன ஸர்வதீர்தா²னி தேன ச |
யஸ்ய ஸ்யாத்³ கு³ருவாக்யேஷு ப⁴க்தி꞉ ஸர்வோத்தமோத்தமா	||24||
ஶரீரம்ʼ வஸு விஜ்ஞானம்ʼ வாஸ꞉ கர்ம கு³ணானஸூன் |
கு³ர்வர்த²ம்ʼ தா⁴ரயேத்³யஸ்து ஸ ஶிஷ்யோ நேதர꞉ ஸ்ம்ருʼத꞉	||25||
ஆசார்யஸ்ய ப்ரியம்ʼ குர்யாத்³ ப்ராணைரபி த⁴னைரபி |
கர்மணா மனஸா வாசா ஸ யாதி பரமாம்ʼ க³திம்ʼ	||26||
ந ஸ்னானஸந்த்⁴யே ந ச பாத³ஸேவனம்ʼ
ஹரேர்ன சார்சா விதி⁴னா மயா க்ருʼதா |
நிஷ்காரணம்ʼ மே க³தமாயுரல்பகம்ʼ
தஸ்மாத்³ கு³ரோ மாம்ʼ க்ருʼபயா ஸமுத்³த⁴ர	||27||
கர்மணா மனஸா வாசா யா சேஷ்டா மம நித்யஶ꞉ |
கேஶவாராத⁴னே ஸா ஸ்யாஜ்ஜன்மஜன்மாந்தரேஷ்வபி	||28||
மாத்³ருʼஶோ ந பர꞉ பாபீ த்வாத்³ருʼஶோ ந த³யாபர꞉
இதி மத்வா ஜக³ந்நாத² ரக்ஷ மாம்ʼ ஶரணாக³தம்ʼ 	||29||
காயேன வாசா மனஸேந்த்³ரியைர்வா
பு³த்³த்⁴யாத்மனா வானுஸ்ருʼத꞉ ஸ்வபா⁴வம்ʼ |
கரோதி யத்³யத்ஸகலம்ʼ பரஸ்மை
நாராயணாயேதி ஸமர்பயேத்தத் 	||30||
|| இதி ஶ்ரீகு³ருஸ்தோத்ரம்ʼ ||