கோ³ஸாவித்ரீ ஸ்தோத்ரம்
|| அத² கோ³ஸாவித்ரீ ஸ்தோத்ரம் ||
நாராயணம்ʼ நமஸ்க்ருʼத்ய தே³வீம்ʼ த்ரிபு⁴வனேஶ்வ ரீம் | 
கோ³ஸாவித்ரீம்ʼ ப்ரவக்ஷ்யாமி வ்யாஸேனோக்தாம்ʼ ஸனாதனீம் ||1||
யஸ்ய ஶ்ரவணமாத்ரேண ஸர்வபாபை: ப்ரமுச்யதே |  
க³வாம்ʼ நிஶ்வஸிதம்ʼ வேதா³: ஸஷட³ங்க³பத³க்ரமா: ||2||
ஶிக்ஷா வ்யாகரணம்ʼ ச²ந்தோ³ நிருக்தம்ʼ ஜ்யௌதிஷம்ʼ ததா² | 
ஏதாஸாமக்³ரஶ்ருʼங்கே³ஷு இந்த்³ரவிஷ்ணூ ஸ்வயம்ʼ ஸ்தி²தௌ  ||3||
ஶிரோ ப்³ரஹ்மா கு³ரு: ஸ்கந்தே⁴ லலாடே கோ³வ்ருʼஷத்⁴வஜ: |  
கர்ணயோரஶ்வினௌ தே³வௌ சக்ஷுஷோ: ஶஶிபா⁴ஸ்கரௌ  ||4||
த³ந்தேஷு மருதோ தே³வா ஜிஹ்வாயாம்ʼ ச ஸரஸ்வதீ | 
கண்டே² ச வருணோ தே³வோ ஹ்ருʼத³யே ஹவ்யவாஹன: ||5||
உத³ரே ப்ருʼதி²வீ தே³வீ ஸஶைலவனகானனா | 
ககுதி³ த்³யௌ: ஸநக்ஷத்ரா ப்ருʼஷ்டே² வைவஸ்வதோ யம:  ||6||
ஊர்வோஸ்து வஸவோ தே³வா வாயுர்ஜங்கே⁴ ஸமாஶ்ரித: | 
ஆதி³த்யஸ்த்வாஶ்ரிதோ வாலே ஸாத்⁴யா: ஸர்வாங்க³ஸந்தி⁴ஷு ||7||
அபானே ஸர்வதீர்தா²னி கோ³மூத்ரே ஜாஹ்னவீ ஸ்வயம் | 
இஷ்டாத்துஷ்டா மஹாலக்ஷ்மீர்கோ³மயே ஸம்ʼஸ்தி²தா ஸதா³ ||8||
நாஸிகாயாம்ʼ ச ஶ்ரீதே³வீ ஜ்யேஷ்டா² வஸதி மானவீ |  
சத்வார: ஸாக³ரா: பூர்ணா க³வாம்ʼ ஹ்யேவ பயோத⁴ரே  ||9||
கு²ரமத்⁴யேஷு க³ந்த⁴ர்வா: கு²ராக்³ரே பன்னகா³: ஶ்ரிதா: | 
கு²ராணாம்ʼ பஶ்சிமே பா⁴கே³ ஹ்யப்ஸராணாம்ʼ க³ணா: ஸ்ம்ருʼதா: ||10||
ஶ்ரோணீதடேஷு பிதரோ ரோமலாங்கூ³லமாஶ்ரிதா: | 
ருʼஷயோ ரோமகூபேஷு சர்மண்யேவ ப்ரஜாபதி: ||11||
ஸர்வா விஷ்ணுமயா கா³வ: தாஸாம்ʼ கோ³ப்தா ஹி கேஶவ: | 
ஹுங்காரே சதுரோ வேதா³: ஹும்ʼஶப்³தே³ ச ப்ரஜாபதி: ||12||
க³வாம்ʼ த்³ருʼஷ்ட்வா நமஸ்க்ருʼத்ய க்ருʼத்வா சைவ ப்ரத³க்ஷிணம் |  
ப்ரத³க்ஷிணீக்ருʼதா தேன ஸப்தத்³வீபா வஸுந்த⁴ரா ||13||
காமதோ³க்³த்⁴ரீ ஸ்வயம்ʼ காமதோ³க்³தா⁴ ஸன்னிஹிதா மதா |  
கோ³க்³ராஸஸ்ய விஶேஷோऽஸ்தி ஹஸ்தஸம்பூர்ணமாத்ரத: ||14||
ஶதப்³ராஹ்மணபு⁴க்தேன ஸமமாஹுர்யுதி⁴ஷ்டி²ர | 
ய இத³ம்ʼ பட²தே நித்யம்ʼ ஶ்ருʼணுயாத்³வா ஸமாஹித:  ||15||
ப்³ராஹ்மணோ லப⁴தே வித்³யாம்ʼ க்ஷத்ரியோ ராஜ்யமாப்னுயாத் | 
வைஶ்யஶ்ச பஶுமான் ஸ ஸ்யாத் ஶூத்³ரஶ்ச ஸுக²மாப்னுயாத்  ||16||
க³ர்பி⁴ணீ ஜனயேத் புத்ரம்ʼ கன்யா ப⁴ர்தாரமாப்னுயாத் | 
ஸாயம்ʼ ப்ராதஸ்து பட²தாம்ʼ ஶாந்திஸ்வஸ்த்யயனம்ʼ மஹத் ||17||
அஹோராத்ரக்ருʼதை: பாபைஸ்தத்க்ஷணாத் பரிமுச்யதே | 
ப²லம்ʼ து கோ³ஸஹஸ்ரஸ்ய இத்யுக்தம்ʼ ப்³ரஹ்மணா புரா ||18||
||இதி ஶ்ரீமன்மஹாபா⁴ரதே பீ⁴ஷ்மயுதி⁴ஷ்டி²ரஸம்ʼவாதே³ கோ³ஸாவித்ரீஸ்தோத்ரம் ||