॥ అథ ద్వాదశస్తోత్రే నవమోఽధ్యాయః ॥

అతిమత తమోగిరిసమితివిభేదన
పితామహభూతిద గుణగణనిలయ ।
శుభతమకథాశయ పరమ సదోదిత
జగదేకకారణ రామ రమారమణ ॥౧॥

విధిభవముఖసురసతతసువందిత
రమామనోవల్లభ భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౨॥

అగణితగుణగణమయశరీర హే
విగతగుణేతర భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౩॥

అపరిమితసుఖనిధివిమలసుదేహ హే
విగతసుఖేతర భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౪॥

ప్రచలితలయజలవిహరణ శాశ్వత
సుఖమయ మీన హే భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౫॥

సురదితిజసుబలవిలులితమందర-
ధర పరకూర్మ హే భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౬॥

సగిరివరధరాతలవహ సుసూకర
పరమ విబోధ హే భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౭॥

అతిబలదితిసుతహృదయవిభేదన
జయ నృహరేఽమల భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౮॥

బలిముఖదితిసుతవిజయవినాశన
జగదవనాజిత భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౯॥

అవిజితకునృపతిసమితివిఖండన
రమావర వీరప భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౦॥

ఖరతరనిశిచరదహన పరామృత
రఘువర మానద భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౧॥

సులలితతనుదర వరద మహాబల
యదువర పార్థప భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౨॥

దితిసుతమోహన విమలవిబోధన
పరగుణ బుద్ధ హే భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౩॥

కలిమలహుతవహసుభగమహోత్సవ
శరణదకల్కీశ హే భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౪॥

అఖిలజనివిలయ పరసుఖకారణ
పర పురుషోత్తమ భవ మమ శరణమ్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౫॥

ఇతి తవ నుతివరసతతరతేర్భవ
సుశరణమురుసుఖతీర్థమునేర్భగవన్ ।
శుభతమకథాశయ పరమ సదోదిత
జగదేకకారణ రామ రమారమణ ॥౧౬॥

॥ ఇతి ద్వాదశస్తోత్రే నవమోఽధ్యాయః ॥