த்³வாத³ஶஸ்தோத்ரம் ஸப்தமோऽத்⁴யாய:
ஸப்தமோऽத்⁴யாய:
விஶ்வஸ்தி²திப்ரலயஸர்க³மஹாவிபூ⁴தி
வ்ருʼத்திப்ரகாஶனியமாவ்ருʼதிப³ந்த⁴மோக்ஷா: | 
யஸ்யா அபாங்க³லவமாத்ரத ஊர்ஜிதா ஸா 
ஶ்ரீர்யத்கடாக்ஷப³லவத்யஜிதம்ʼ நமாமி || 1|| 
ப்³ரஹ்மேஶஶக்ரரவித⁴ர்மஶஶாங்கபூர்வ-
கீ³ர்வாணஸந்ததிரியம்ʼ யத³பாங்க³லேஶம் | 
ஆஶ்ரித்ய விஶ்வவிஜயம்ʼ விஸ்ருʼஜத்யசிந்த்யா ஶ்ரீர்யத்கடாக்ஷ... || 2|| 
த⁴ர்மார்த²காமஸுமதிப்ரசயாத்³யஶேஷ-
ஸன்மங்க³லம்ʼ வித³த⁴தே யத³பாங்க³லேஶம் | 
ஆஶ்ரித்ய தத்ப்ரணதஸத்ப்ரணதா அபீட்³யா ஶ்ரீர்யத்கடாக்ஷ... || 3|| 
ஷட்³வர்க³நிக்³ரஹநிரஸ்தஸமஸ்ததோ³ஷா 
த்⁴யாயந்தி விஷ்ணும்ருʼஷயோ யத³பாங்க³லேஶம் | 
ஆஶ்ரித்ய யானபி ஸமேத்ய ந யாதி து³:க²ம்ʼ ஶ்ரீர்யத்கடாக்ஷ... || 4|| 
ஶேஷாஹிவைரிஶிவஶக்ரமனுப்ரதா⁴ன-
சித்ரோருகர்மரசனம்ʼ யத³பாங்க³லேஶம் | 
ஆஶ்ரித்ய விஶ்வமகி²லம்ʼ வித³தா⁴தி தா⁴தா ஶ்ரீர்யத்கடாக்ஷ... || 5|| 
ஶக்ரோக்³ரதீ³தி⁴திஹிமாகரஸூர்யஸூனு-
பூர்வம்ʼ நிஹத்ய நிகி²லம்ʼ யத³பாங்க³லேஶம் | 
ஆஶ்ரித்ய ந்ருʼத்யதி ஶிவ: ப்ரகடோருஶக்தி: ஶ்ரீர்யத்கடாக்ஷ... || 6|| 
தத்பாத³பங்கஜமஹாஸனதாமவாப 
ஶர்வாதி³வந்த்³யசரணோ யத³பாங்க³லேஶம் | 
ஆஶ்ரித்ய நாக³பதிரன்யஸுரைர்து³ராபாம்ʼ ஶ்ரீர்யத்கடாக்ஷ... || 7|| 
நாகா³ரிருக்³ரப³லபௌருஷ ஆப விஷ்ணோ-
ர்வாஹத்வமுத்தமஜவோ யத³பாங்க³லேஶம் | 
ஆஶ்ரித்ய ஶக்ரமுக²தே³வக³ணைரசிந்த்யம்ʼ ஶ்ரீர்யத்கடாக்ஷ... || 8|| 
ஆனந்த³தீர்த²முனிஸன்முக²பங்கஜோத்த²ம்ʼ 
ஸாக்ஷாத்³ரமாஹரிமன:ப்ரியமுத்தமார்த²ம் | 
ப⁴க்த்யா பட²த்யஜிதமாத்மனி ஸன்னிதா⁴ய 
ய: ஸ்தோத்ரமேதத³பி⁴யாதி தயோரபீ⁴ஷ்டம் || 9|| 
|| இதி த்³வாத³ஶஸ்தோத்ரே ஸப்தமோऽத்⁴யாய:||