ద్వాదశస్తోత్రమ్ షష్ఠోఽధ్యాయః
॥ అథ ద్వాదశస్తోత్రే షష్ఠోఽధ్యాయః ॥
మత్స్యకరూప లయోదవిహారిన్ వేదవినేత్ర చతుర్ముఖవంద్య । 
కూర్మస్వరూపక మందరధారిన్ లోకవిధారక దేవవరేణ్య ॥౧॥ 
సూకరరూపక దానవశత్రో భూమివిధారక యజ్ఞవరాంగ । 
దేవ నృసింహ హిరణ్యకశత్రో సర్వభయాంతక దైవతబంధో ॥౨॥ 
వామన వామన మాణవవేష దైత్యవరాంతక కారణరూప । 
రామ భృగూద్వహ సూర్జితదిప్తే క్షత్రకులాంతక శంభువరేణ్య ॥౩॥ 
రాఘవ రాఘవ రాక్షసశత్రో మారుతివల్లభ జానకికాంత । 
దేవకినందన సుందరరూప రుక్మిణివల్లభ పాండవబంధో ॥౪॥ 
దేవకినందన నందకుమార వృంద్దావనాంచన గోకులచంద్ర । 
కందఫలాశన సుందరరూప నందితగోకులవందితపాద ॥౫॥ 
ఇంద్రసుతావక నందకహస్త చందనచర్చిత సుందరినాథ । 
ఇందీవరోదరదలనయన మందరధారిన్ గోవింద వందే ॥౬॥ 
చంద్రశతానన కుందసుహాస నందితదైవతానందసుపూర్ణ । 
దైత్యవిమోహక నిత్యసుఖాదే దేవసుబోధక బుద్ధస్వరూప ॥౭॥ 
దుష్టకులాంతక కల్కిస్వరూప ధర్మవివర్ధన మూలయుగాదే । 
నారాయణామలకారణమూర్తే పూర్ణగుణార్ణవ నిత్యసుబోధ ॥౮॥ 
ఆనందతీర్థమునీంద్రకృతా హరిగాథా  
పాపహరా శుభా నిత్యసుఖార్థా ॥ 
॥ ఇతి ద్వాదశస్తోత్రే షష్ఠోఽధ్యాయః ॥