|| atha dvAdashastotre paMchamo.adhyAyaH ||

vAsudevAparimeyasudhAman shuddhasadodita suMdarikAMta |
dharAdharadhAraNavedhuradhartaH saudhRRitidIdhitivedhRRividhAtaH ||1||

adhikabaMdhaM raMdhaya bodhAchChiMdhi pidhAnaM baMdhuramaddhA |
keshava keshava shAsaka vaMde pAshadharArchita shUravaresha ||2||

nArAyaNAmalakAraNa vaMde kAraNakAraNa pUrNavareNya |
mAdhava mAdhava sAdhaka vaMde bAdhaka bodhaka shuddhasamAdhe ||3||

goviMda goviMda puraMdara vaMde skaMdasunaMdanavaMditapAda |
viShNo sRRijiShNo grasiShNo vivaMde kRRiShNa saduShNavadhiShNo
sudhRRiShNo ||4||

madhusUdana dAnavasAdana vaMde daivatamodita veditapAda |
trivikrama niShkrama vikrama vaMde sukrama saMkramahuMkRRitavaktra ||5||

vAmana vAmana bhAmana vaMde sAmana sImana shAmana sAno |
shrIdhara shrIdhara shaMdhara vaMde bhUdhara vArdhara kaMdharadhArin ||6||

hRRiShIkesha sukesha paresha vivaMde sharaNesha kalesha balesha sukhesha |
padmanAbha shubhodbhava vaMde saMbhRRitalokabharAbhara bhUre
dAmodara dUratarAMtara vaMde dAritapAragapAra parasmAt ||7||

AnaMdatIrthamunIMdrakRRitA harigItiriyaM paramAdarataH |
paralokavilokanasUryanibhA haribhaktivivardhanashauMDatamA ||8||

|| iti dvAdashastotre paMchamo.adhyAyaH ||