த்³வாத³ஶஸ்தோத்ரம் சதுர்தோ²ऽத்⁴யாய:
சதுர்தோ²ऽத்⁴யாய:
நிஜபூர்ணஸுகா²மிதபோ³த⁴தனு: பரஶக்திரனந்தகு³ண: பரம: | 
அஜராமரண: ஸகலார்திஹர: கமலாபதிரீட்³யதமோऽவது ந: || 1|| 
யத³ஸுப்திக³தோऽபி ஹரி: ஸுக²வான் ஸுக²ரூபிணமாஹுரதோ நிக³மா: | 
ஸ்வமதிப்ரப⁴வம்ʼ ஜக³த³ஸ்ய யத: பரபோ³த⁴தனும்ʼ ச தத: க²பதிம் || 2|| 
ப³ஹுசித்ரஜக³த்³ப³ஹுதா⁴ கரணாத் பரஶக்திரனந்தகு³ண: பரம: | 
ஸுக²ரூபமமுஷ்ய பத³ம்ʼ பரமம்ʼ ஸ்மரதஸ்து ப⁴விஷ்யதி தத்ஸததம் || 3|| 
ஸ்மரணே ஹி பரேஶிதுரஸ்ய விபோ⁴ர்மலினானி மனாம்ʼஸி குத: கரணம் | 
விமலம்ʼ ஹி பத³ம்ʼ பரமம்ʼ ஸ்வரதம்ʼ தருணார்கஸவர்ணமஜஸ்ய ஹரே: || 4|| 
விமலை: ஶ்ருதிஶாணநிஶாததமை: ஸுமனோऽஸிபி⁴ராஶு நிஹத்ய த்³ருʼட⁴ம் | 
ப³லினம்ʼ நிஜவைரிணமாத்மதமோऽபி⁴த⁴மீஶமனந்தமுபாஸ்வ ஹரிம் || 5|| 
ஸ ஹி விஶ்வஸ்ருʼஜோ விபு⁴ஶம்பு⁴புரந்த³ரஸூர்யமுகா²னபரானமரான் | 
ஸ்ருʼஜதீட்³யதமோऽவதி ஹந்தி நிஜம்ʼ பத³மாபயதி ப்ரணதான் ஸுதி⁴யா || 6||
பரமோऽபி ரமேஶிதுரஸ்ய ஸமோ ந ஹி கஶ்சித³பூ⁴ன்ன ப⁴விஷ்யதி ச | 
க்வசித³த்³யதனோऽபி ந பூர்ணஸதா³க³ணிதேட்³யகு³ணானுப⁴வைகதனோ: || 7|| 
இதி தே³வவரஸ்ய ஹரே: ஸ்தவனம்ʼ க்ருʼதவான் முனிருத்தமமாத³ரத: | 
ஸுக²தீர்த²பதா³பி⁴ஹித: பட²தஸ்ததி³த³ம்ʼ ப⁴வதி த்⁴ருவமுச்சஸுக²ம் || 8|| 
|| இதி த்³வாத³ஶஸ்தோத்ரே சதுர்தோ²ऽத்⁴யாய: ||