த்ருʼதீயோऽத்⁴யாய:

குரு பு⁴ங்க்ஷ்வ ச கர்ம நிஜம்ʼ நியதம்ʼ ஹரிபாத³விநம்ரதி⁴யா ஸததம் |
ஹரிரேவ பரோ ஹரிரேவ கு³ருர்ஹரிரேவ ஜக³த்பித்ருʼமாத்ருʼக³தி: || 1||

ந ததோऽஸ்த்யபரம்ʼ ஜக³தீட்³யதமம்ʼ பரமாத்பரத: புருஷோத்தமத: |
தத³லம்ʼ ப³ஹுலோகவிசிந்தனயா ப்ரவணம்ʼ குரு மானஸமீஶபதே³ || 2||

யததோऽபி ஹரே: பத³ஸம்ʼஸ்மரணே ஸகலம்ʼ ஹ்யக⁴மாஶு லயம்ʼ வ்ரஜதி |
ஸ்மரதஸ்து விமுக்திபத³ம்ʼ பரமம்ʼ ஸ்புடமேஷ்யதி தத்கிமபாக்ரியதே || 3||

ஶ்ருʼணுதாமலஸத்யவச: பரமம்ʼ ஶபதே²ரிதமுச்ச்²ரிதபா³ஹுயுக³ம் |
ந ஹரே: பரமோ ந ஹரே: ஸத்³ருʼஶ: பரம: ஸ து ஸர்வசிதா³த்மக³ணாத் || 4||

யதி³ நாம பரோ ந ப⁴வேத் ஸ ஹரி: கத²மஸ்ய வஶே ஜக³தே³தத³பூ⁴த் |
யதி³ நாம ந தஸ்ய வஶே ஸகலம்ʼ கத²மேவ து நித்யஸுக²ம்ʼ ந ப⁴வேத் || 5||

ந ச கர்மாவிமாமலகாலகு³ணப்ரப்⁴ருʼதீஶமசித்தனு தத்³தி⁴ யத: |
சித³சித்தனு ஸர்வமஸௌ து ஹரிர்யமயேதி³தி வைதி³கமஸ்தி வச: || 6||

வ்யவஹாரபி⁴தா³ऽபி கு³ரோர்ஜக³தாம்ʼ ந து சித்தக³தா ஸ ஹி சோத்³யபரம் |
ப³ஹவ: புருஷா: புருஷப்ரவரோ ஹரிரித்யவத³த் ஸ்வயமேவ ஹரி: || 7||

சதுரானனபூர்வவிமுக்தக³ணா ஹரிமேத்ய து பூர்வவதே³வ ஸதா³ |
நியதோச்சவினீசதயைவ நிஜாம்ʼ ஸ்தி²திமாபுரிதி ஸ்ம பரம்ʼ வசனம் || 8||

ஆனந்த³தீர்த²ஸந்நாம்னா பூர்ணப்ரக்ஞாபி⁴தா⁴யுஜா |
க்ருʼதம்ʼ ஹர்யஷ்டகம்ʼ ப⁴க்த்யா பட²த: ப்ரீயதே ஹரி: || 9||

|| இதி த்³வாத³ஶஸ்தோத்ரே த்ருʼதீயோऽத்⁴யாய: ||