tRRitIyosdhyAyaH

kuru bhuMkShva cha karma nijaM niyataM haripAdavinamradhiyA satatam |
harireva paro harireva gururharireva jagatpitRRimAtRRigatiH ||1||

na tatosstyaparaM jagatIDyatamaM paramAtparataH puruShottamataH |
tadalaM bahulokavichiMtanayA pravaNaM kuru mAnasamIshapade ||2||

yatatospi hareH padasaMsmaraNe sakalaM hyaghamAshu layaM vrajati |
smaratastu vimuktipadaM paramaM spuTameShyati tatkimapAkriyate ||3||

shRRiNutAmalasatyavachaH paramaM shapatheritamuchChritabAhuyugam |
na hareH paramo na hareH sadRRishaH paramaH sa tu sarvachidAtmagaNAt ||

yadi nAma paro na bhavet sa hariH kathamasya vashe jagadetadabhUt |
yadi nAma na tasya vashe sakalaM kathameva tu nityasukhaM na bhavet ||

na cha karmavimAmalakAlaguNaprabhRRitIshamachittanu taddhi yataH |
chidachittanu sarvamasau tu hariryamayediti vaidikamasti vachaH ||

vyavahArabhidApi gurorjagatAM na tu chittagatA sa hi chodyaparam |
bahavaH puruShAH puruShapravaro harirityavadat svayameva hariH ||7||

chaturAnanapUrvavimuktagaNA harimetya tu pUrvavadeva sadA |
niyatochchavinIchatayaiva nijAM sthitimApuriti sma paraM vachanam ||

AnaMdatIrthasannAmnA pUrNapraj~nAbhidhAyujA |
kRRitaM haryaShTakaM bhaktyA paThataH prIyate hariH ||9||

|| iti dvAdashastotre tRRitIyosdhyAyaH ||